At Daud ebe raja logolik ferinarek were'ma andem he sumburu ouwak mondok elo'lekhogo lagasikhesik tahun henagan inukhogo welagaikhe. A'nogo hilingik were'ma re at Daud en he a'nogo agaikhe mene andi faget Tuhan nen yi'nogo ti'nogo yaganesuageluk kinotikhemo, At Tuhan nen ikhi logolik he, ”Sumburu ouwak lagaikhe andi erore at Saul inom at eisok erokwe mene inom weak hilingitaba o, iren he ap Gibeon mene mondogat inoata andi nen,” iluk yagatikhe.
KELUARAN 20:5 - Allah Wene Fano Wene Hupla Inane5 An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o. အခန်းကိုကြည့်ပါ။ |
KELUARAN 20:5
65 ပူးပေါင်းရင်းမြစ်များ
Arigini'mo re, at Saul en tagomangge mene andoma nen ap mene nek inebe 7 nen andem niren Tuhan elokhoma nen o Gibea kota at raja Saul onggwarek aiba andoma nen inoasimbik inebe eba kologo fisouwogen he wo'nisan o,” iluk yagatukwa. A'nogo yagatukwama at raja nen ikhi logolik he, ”Fano, enggere it inebe an nen hit wokhisagain o,” iluk yagaisasikhe.
A'nogo yagatikhemo, at Elia nen he, ”Neisena Allah, Tuhan Homame Mondok Hokho mene a'nogo neisena. An he Hat hobaget mondok hilingitirek mene o. A'nogo meneat he, hagainafuri Israel mene Hat hinom wene wat-wat isigip mene a'nogo sagalogo herakfisaluk, wam yi mene ti mene Hat faget nolhetarek oba obuluk omanogo mondok meisa'lambukhogo lakfisagasik, ap Hat hane yagaisili'lagwi mene inebe mondogat felelenghogo mondok inoata o. A'nogo inoatasik, an namunek heraknobagasik, yogondak nebe noasuogoluk ugu nen o, neisena,” iluk yagatikhe.
Hat a'nogo wanhen andi nen, ap Naaman ebene oumo henanggo inailo mene welaga mene andi hat helegen aro. A'nogo helegendi'mo re, afuni haren tagongge mene hombalak ta'larik laga logogun mene henanggo andi inoba mondok logogin o,” iluk yagatikhemo, at Gehasi enda'ma wulibi wagu kwelek aremnogoat, oumo henanggo inailo mene a'nogo oba agaikhesik, agap mondok kut agaikhe.
Nen at Amazia a'nogo re it afuni Edom mene inoasi lagaikhesik a'nogo re aiba waga logolik he, it Edom mene inanggembu ilirengge hilingik a'nogo waluk wagaikhesik he aren o it afuni Yehuda mene were'ma omanogo fei wagaikhe. A'nogo fei wagaikhesik he, Aren amben fanongge kembu a'nogo faget warogo noletik, obaget hilingitik, ikhi lagaikhe.
Hiren it inanggembu inalong palogo hilingiri'lagwi mene andoma fogerati logou fuk, nen iren kembu oba fogerati logolik obaget hilingiri'lagwi mene andoma alik-alik wuthigik hilingisu fuk. Iren kembu elele waganogo iluk werek mene andoma mondogat tukhumhogo lakfisambik wolelenggen tagalogo legetfisano.
E andi mene fena re oloma endu nolfuluk sogoi sakhugu mene faget inom, nen roti weratu mene faget inom, eino iringitu mene faget inom fuluk enek he at oba hambukhogo werek. A'nogo logolik he, o huk, endu yi re mondok fano ninoba yanggothikhe o! Ibi-eberogo endu yi nen ninoba enggaret ninobagaikhe iluk agarek. Nen, e a'nogo tindelek fenaba re kembu alik hilingitarek. Hilingfuluk he aren elokhe pelabek kweangma sagaum ikheresik fogeratik, oba samban igik, hilingiti logolik yi'nogo ikherek, ”Hat he an neisena o, haren an nagap telnabin!” iluk ikherek.
Ap alik wokhigik hilingiterek mene a'nogo nen he e yi fena re e wurogo nolhik, nen endu enggen oba re roti weratik, eino an nunggu mene iringitik, igi. Andi nen fena re an nen kembu ilirengge hilingiti yi. Arigini'mo re yogondak an nen hilingiti lagi mene omare we yugunat nobakhe palek hilingitik, obaget apne waganogo fogeratik hilingiti lagimo higi, iluk mel wenggeli'lago lek.
Haren he ap inebe hokho pokhorogo inoba hendawi hundik hilinginafi lagen mene inugisikhi lagen, oba nen Harenat ogore afuni ineisugwi inagaisawi nen weak hilingituba unggum wogisikhi lagenat. Hat he Allah Mondok lego mene logolik esin mene welagen. Henu re Tuhan Homame Mondok Hokho mene andi, neisena.
Tuhan Lego Mondok welagarek mene a'nogo ane ikhi logolik, ”Oba nen he yogondak Yakub ambisangma ta'lagaikha mene afuni Israel mene andoma An nen nendawi hundik hilinginafik, nen it attak welagaukwa hak inangge hokhorogo logouwageluk hilingfisigik, igin o. A'nogo hilingfisagain andiba re An nenu a'nogo legeisogo fikhi logouwageluk hal fikhi logogin.
Aren enggi higirengge ekhe pisarogo lakfei wagasik, an nunggulmo nesi sen niikhi laga. Andi nen nabi hangge hasigi mene a'nogoba re an nebe Allah Areagun nen wo'narek we tulem sele'ma poma yathogoat nobagai lagaikhesik wo'narek he o Yerusalem Tuhan awi wuri'mo, senggelek elonggoma mene obalik mondok hore'ma a'nogoba kwi lagunem solombonma abel utara fikhit omanogo nobagai lagaikhe. Nen andem he kembu alik hilingik mene Allah anini kwelafarek mene a'nogo welaga.
A'nogo yagarinafikhemo, Tuhan nen afuni Yehuda mene inoe raja Yoyakim ebe Nebukadnezar enggiba fikhi logolik, yi mene ti mene onggo hokho mene Tuhan awi wuri'mo welagaikhe mene ekhe hugulengge heloagaluk yagatikheat. A'nogo yagatikhemo, afuni inebe hele warogo woginarek waga logolik, yi mene ti mene onggo hokho mene hugulengge helasikhe mene omanogo waluk wagaikhesik, at angge tugwi kembu awi wuri'mo andoma fesikhe.
’An hineisena Tuhan nobabut he, weak-weak na'makwe het-periluk wenagisigirek lego. Nen, hokhorogo nendawirinafik, herakfisigi'lek ferinarek mondok welagik, afuni weak hilingitarek mene inom, inaselei mene hangge hilingnafarek mene inom, sagalogo legetfisigik, igirego. It a'nogo hilingitu kwelek meneat he, it weak hilingiti logogun andiba, onggo re, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat inoba fagain o,’ iluk isigin anggigi.
It inendawinggen we mene oba himbiretfuluk fogeratukwa, Anat fogetnabuem iluk na'mage lagasikhe, it inandugwi kembu andi, na'mage oba fesigi, Andi hak, an irat ferinarek logogin, afuni inunggulenu, hunogo mene woginabumo, nagainafuri ina'mage lagagin, Afuni kembu mene, an nen it woginabumo, nagainafuri nen inabit isogoin.
An hineisena Tuhan Allah nebe Anat ma re, hiren he, Ap amu mene ekhe inom At emberek higit iluk higiret nafu aple mondok nabit andi nen he, tugwi kembu a'nogo ekhe alik waganogo fuluk fogerasugun mondok lego. Afuni an nebe inabit mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.
At nineisena Tuhan Allah nit fetninarek mondok welagarek mene a'nogo obabut he, afuni ekhe nen, hunogoat mene faget, Nineisena ebe yiat, iluk agarek mene andi, inendawinggen oba himbiretfuluk fogerasu abit mondok anggikherek andi nen he, hiren, Nineisena ebe yiat, iluk hinendawinggen hunogoat meneba himbiretfuluk fogerati logogun halok, At nineisena Tuhan Allah a'mage endu higit hinoba fembik, hinebe mondok legethinabigin o.
Hemi nen inaguni ineil salharek andi hak, Allah eil salogo hilingiti lagep andi re? Afuni kweangma mene yoma inobabut inetogat logolik hilingiri'lagwi mene andi hinom hundik welagep halok, Allah hinom weim palek hanggeat welagep andi, hinonggot nogo? Hit ekhe nen afuni kweangma yoma mene inobabut inetogat logolik hilingiri'lagwi mene andi hinom hunisuogeluk ikhi lagep halok he, hinonggwaregen at Allah hinom weim kagalhi lagebo.
Hineisena Tuhan Allah nen wene melalek hiren hologo hilingiti logouwageluk yagahisikhe mene a'nogo sagalogo fuluk, hiren ambi tugwi kembu amu meneba obaget hilingisi lagik, kembu andoma apne wanhik, hilingisugun halok he, Tuhan anini hinoba fembik wene hinoba fagain o. Linggene misik oba nek hit hinebe mondogat o kweang fanoma hineisena Tuhan nen hit wokhisikheba oma nen legethinobagagin o,” iluk yagaisasikhe.
A'nogo hilingiti logogun oba re, hiren ap inunggulenu hit hinanggelek kwe werek mene oma hinom, nanggelek hanggelek hilinglasugun lek. Hiren he it afuni andoma inanggembu dewa enu ikhi logogun legat, athe andi enu ba hombuk palhi logogun legat. Ekhe kembu ekhe alek mene andomaba hiren hinelokhe sagaum fogeratik, obaget hilingitik, ikhi logogun mondok legaro.
A'nogo isukwama, at Yosua nen he mel yagaisasikhe: ”A'nogo meneat he, Nineisena Tuhan Allah ebe horek logolik, Ami-amuat welagarek andi nen he, hiren At obaget enek hilingitu aple hilingisu elo'lek hak anggegeba? At Allah re, afuni at amingmingengge logolik, hunogoat mene amingmingengge hilinglasugun abit mondok welagarek. Hiren At kofologo herakfisaluk allah hunogoat mene ekhe amingmingengge hilinglasugun halok, Aren hit weak hilingisugun mene andi sagalogo legetfisagain mondok lego. At Allah attagat he, hit fano hilinghinafi lagaikhe meneat he, hit a'nogo hilingiti logogun halok, At ebe hit hinaselei mene hangge asimbik he, wene hinoba fuluk, hinebe mondok leget hinabigin o,” iluk yagaisasikhe.
A'nogo meneat he, ap inogogwi andi inebe wa'lagunem, it afuni Israelk mene attak welagaukwa andem oba inobabut endebat fano hangge mene re, it hobuk mene welagaukwa andem oba nek he, inobabut mondok weagat hilinglaga lagaukwa. A'nogo hilingiti logolik, allah hunogo mene faget, nineisena ebe andiat, iluk andi mene amingmingengge hilingla'luk oba himbirit logolik fogerati lagaukwaat. It inobabut attak mondok weak welagaukwa mene andi herak fisaluk, hobuk inambotkwe hebelu inabit mondok welagaukwa.
ကြော်ငြာတွေ