KELUARAN 20:3 - Allah Wene Fano Wene Hupla Inane

³ Hiren hineisena allah hunogoat mene ekhe fogerati'lek, An namunek foge'nafi logoino.

KELUARAN 20:3 ပူးပေါင်းရင်းမြစ်များ

1RAJA-RAJA 11:4

at ebe yaman agaikhemo re it agagwi omanogo nen endawinggen kagalogo kembu ilah omanogo fogerati lagaikhe. Salomo eisena Daud he Tuhan Allahba endawinggen tipsek welagaikhe, oba nen he at amlogo Salomo re eisena higit welagaikhe lek.

MAZMUR 29:2

At Tuhan enu ibi ebe mene andi fogera'ni o, At obaget hilingiti logolik su labetu mene andoma laberogo apne wanhi logoni o.

MAZMUR 73:25

O pogoroba an lebetneogoin mene ekhe werek nogo? We Hat hami hamuat welagen anggigi. An nendawinggen hundik mene o kweangma mene ekhe werek lek, we Hat hami hamu nek welagen o.

MAZMUR 81:10

Hit hinanggele'ma andoma nen allah higit hilingfuluk fogeratu mene ekhe logoinogo o, allah hiren ogo mondok hinonggot mene andomaba apne wanhi logogubo.

MAZMUR 81:9

Hit Israel hinap yi, An nen yagahisikhi lagi mene yi hinesanggo holugun hinamolo halok he fanorogo holini o. Yago hit An nagainafuri mene re, An nen hinendawi wenggelogo iluk yagahisikhi lagi mene yi hinesanggo holini o!

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?

KELUARAN 20:23

Halok he hiren, emas mene ogo, perak mene ogo, An Tuhan nebe werek kwelek, amu mene hit hinonggwarek faget alik-alik hilingfuluk, apne wanhik, fogeratik, hilingisu fuk.

KELUARAN 22:19

Ap ekhe nen hali'lagongge, ap ekhe inom sebetu halok he ebe pinggi wasugun.

KELUARAN 23:24

Hiren it inanggembu inalong palogo hilingiri'lagwi mene andoma fogerati logou fuk, nen iren kembu oba fogerati logolik obaget hilingiri'lagwi mene andoma alik-alik wuthigik hilingisu fuk. Iren kembu elele waganogo iluk werek mene andoma mondogat tukhumhogo lakfisambik wolelenggen tagalogo legetfisano.

KELUARAN 32:8

Iren An nane sagalogo herakfisagasik, hunogoat mene ekhe hilingita o. Inalilingge emas mene lebelekhogo weragaisogo tugwi kembu sapi hangge ekhe hilingitasik he, anggo warogo endu noletasik fogerata o. A'nogo fogerati logolik, mel aga: Tugwi kembu Allah hangge o Mesir en wo'ninarek waga mene ebe yi o, iluk aga.

KELUARAN 34:14

An hineisena Tuhan Allah re, it afuni nen he, yi mene ti mene faget, Allah emberek higit, iluk fogeratarek mene andi mondok napsiri welagirek andi nen he, hiren afuni ekhe nen fogeratarek mene andi fogeratubo.

YESAYA 26:4

Hineisena Tuhan Allah andi re At awea'ma ninobagaluk fetninarek mondok werek enggere, At oba nek hinendawinggen eberogo anggikhi logoni.

YESAYA 42:8

An nenu re, Tuhan andi aro. An fogetnafarek andi hak, it afuni ekhe fogerinabuageluk wogisagain lego. Nen, nenu o yi awi ti awi lagarek mene andi, tugwi kembu enggiba fagain legaro.

YESAYA 43:10

Hit An nagainafuri mene yi sani, Hit enek he An nen hilingiti lagi mene hineilenggen higik, hinesanggo holhik, egep mene welagep. An nen hit wenakhinafigi andi re An namingmingengge mene logobagaik iluk wenakhinafigi o. Andiba re hiren An nebe hinelu a'luk hinendawinggen noba tibet figik, An nebe Allah welagi mene a'nogo hinelu agik, egep. An nebe re Allah nami-namu logolik netok mondok welagirek mene a'nogo, Attak An nebe le'ma andoma ap ekhe welagaukwa lek, nen hobuk An nombo'ne ogo ekhe logogun legat.

YESAYA 44:8

Hit An nunggulenu mene re hinailotik, youk lagik, u fugo, attagen engge yogondak huli nen An nen yi'nogo hilinglasigin iluk nane isigi lek nogo? Isigi aro. A'nogo isigi mene andi faget nane ugunem neasigip mene hit hinebe welagep andi. Hit hinebe hinagap telogo ale'ma hinobagaluk fethinarek werek mene re amu mene ekhe mondok lek, nen ap ebe ti iluk An nonggoraro.” iluk ikhe isikhe.

YESAYA 46:9

O attak hilinglarik waga lagaikhe mene omanogo hinendawimo wenggel hikhi logoni, An Allah welagimo re, Allah At amu werek iluk hinendawimo eberogo anggikhi logoni, nen ekhe amu mene werek lek. An he hineisena Allah, amu mene An nemberek higit mene ekhe werek lek.

YEREMIA 25:6

It nabi-nabi andoma nen he hiren tugwi kembu amu meneba apne wanhik, obaget hilingitik, hilingiti logou fuk, hiren a'nogo hilingisugun oba re Tuhan a'mage kwelafi lagep, iluk yagahisikhi lagaukwa. Nen, hiren Tuhan ane ikherek mene higithogo hilingisugun halok he, Aren unggum hinoba fagain lego,” iluk yagaisikhi lagaukwa.

YEREMIA 35:15

Hundik-handik An nen namingmingengge nabi omanogo lakfisa wagunem iren hit komothinafi logolik, hinobabut agametik, hinobaharo welagep mene andoma sebelhik, ini o, iluk yagahisikhi lagaukwa. Iren yagahisikhi logolik he, ”Hit he o kweang An nen hit hinombawi inoba wogisasigiba yoma logobagaigen he kembu ilah apne wanhik, it inobaget hilingitik, ikhi logou fugo, iluk yagahisikhi lagaukwa. Oba nen hiren he fut figi'legengge welagik, holhi'legengge hilingitik, ikhi lagep andi.

YEREMIA 7:9

Hiren he ap inangge hinatik, ap watik, babi lagik, hineranhogo wene igik, Baal oba warogo wogetik, nen dewa hit hinonggot mene omanogo apne wanhik, hilingiti lagep.

DANIEL 3:18

A'nogo meneat he, aren telninafi'lek halok, niren he, haren, Neisena ebe yi aro, iluk oba himbirik logolik fogerati lagen mene andi fogeratik, tugwi kembu emas mene wuten ari nineindep awi yagaisogo fogeratik, ugun legat. Andi nen he harogo helurogo logoino o, ninoe,” iluk yagatukwa.

HOSEA 13:4

Tuhan nen ikhi logolik: ”Hit hinebe o Mesir en wokhinarek wulibi wagagi mene hineisena Tuhan Allah re, An aro. Allah amu mene ekhe werek lek, An nami-namu nenat hit hinagap telogo hinobagasigi o.

MATIUS 4:10

at Yesus nen he, ”Hat Iblis yi lan o. Allah nen ikhi logolik he: Hiren he, hineisena Allah Nenupogot Anat hineindep awi yagaisogo nawe a'ma kwi wesimbik fogetnafi logolik he, an faget enek hilingiti logoino o, isikhemo lisu palogo fesukwama werego,” iluk yagatikhe.

1 KORINTUS 8:4

Tugwi kembu anggo waretarek andi re, tugwi kembu kweangma mene yoma ebe lek meneat, iluk ninelu. Nineisena Allah ebe misigat. Ekhe lego.

1 KORINTUS 8:6

A'nogo meneat he, nit nineisena Allah ebe misigat. Ekhe lek. Yi mene ti mene mondogat aren elalhikhemo re, ninebe at fagerat welago. Andi nen he, ninoe Enupogot Yesus Kristus ebe misigaro. Yi mene ti mene mondogat Allah nen elalhikhe andi, ebe at Yesus nen elalhikhesik, ninebe arenat telninafikhemo nineluk welago.

EFESUS 5:5

It afuni pailak fakfisagarek mene inom, inenggali lek weak hilingitarek mene inom, ”Yi mene ti mene an mene nek logoilep,” iluk inendawimo nen anggaluk hilingitarek mene andi, tugwi kembuba himbirik logolik hilingitarek hagat hilingitu halok, Kristus Allah emberek inawe a'ma fisugunem welagaikharek oba andoma eisewerek asugun mondok lego, iluk, fanorogo hinendawimo ebe'ni o.

ULANGAN 5:7

Hiren hineisena allah hunogoat mene ekhe fogerati logou fuk. We, An enek fogetnafi logoino.

ULANGAN 6:14

Afuni inunggulenu hunogoat mene o hit logogun oba andoma hinera'lukwe mene nen, Nineisena ebe andiat, iluk hunogo mene fogeratarek mene andi, hit ekhe fogerati logogubo.

ULANGAN 6:5

Hinendawinggen inom, hinobabut inom, hinomame inom, misigat asimbik, nineisena Tuhan Allah hinendawinggen hundik logoino o.

FILIPI 3:19

It andi inendawinggen Allahba himbirik logou meneat he, inoba agasabu agunem hilingitarek andi meneba himbirik logolik, inenggali ha meneat he, fano heaba andi fagerat inenggali lek fogerakhili'lagwi andi. A'nogo hilingiti logolik he, inendawimo nen yi namolo ti namolo, wene kweangma mene oba eberi'lagwi andi, wurep oba arat nong asuguno.

KOLOSE 2:18

Nen, it ekhe nen he, inobabut inetogat logolik tulemat fogerakhikhi logoligat he, mel agarek andi: ”Nit afuni ninebe kembu. We kaindek he, malaikat Allah nen yonggo pelak fisa wagarek mene andiat. Halok he, inawe a'ma logolik fogerinafi logogun, iluk an nabikanggo higirek mene nen yagahisikhi lagi andi,” iluk ineranhogoat Kristus hinom hundik mene wulak hinobagauwogeluk yagahisili'lagwi andi re, ”Eberogoat,” iluk hinendawimo anggagubo.

WAHYU 19:10

A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.

WAHYU 22:9

A'nogo meneat he, aren mel yaganete: ”A'nogo fuk! An a'nogo fogetnabugun lego. An nebe re, hat inom hagaila'lak ekhe at Allah ane yagaisagarek mene inom, it ekhe inebe mondogat wene lisu palek yi inesanggo hologo higithogo hilingiti logogun mene inom, ninom higit, ninebe at Allah amingmingengge nek hilingi'mo re, hendawinggen at Allah oba eberogoat himbiret fuluk, at enek fogerasugun o,” iluk yaganete.

HAKIM–HAKIM 6:10

A'nogo wokhisagain iluk hilingiti logolik he, An nen attak yi'nogo yagahisasigi a'nogo, An nebe re hit hineisena Tuhan Allah hilingi'mo re, hiren he afuni Amori mene inoba re yogondak welagep oba ari nen kembu dewa oba apne wanhi logogun lego, iluk yagahisigi. Oba nen he hiren An nane hologo hilingisu mondok hinabit welagep andi, iluk Tuhan nen yagahisikhe,” iluk nabi a'nogo nen yagaisasikhe.