KELUARAN 2:6 - Allah Wene Fano Wene Hupla Inane

⁶ Yagatikhemo pisikhesik, wogosi wagaikhemo, at raja a'logo a'nogo nen mul elonggoma a'nogo healogo kwelakhasikhe re, omalik a'nogo le agaikhe. A'nogo le agunem eilenggen hasikhesik he, endawi agaikhemo mel isikhe: ”Omalik yi afuni Ibrani mene inamlogo o,” iluk isikhe.

KELUARAN 2:6 ပူးပေါင်းရင်းမြစ်များ

1RAJA-RAJA 8:50

Hagainafuri nen Hat hoba lombokhogo welagi'lek, hane sagalogo hilingisugun mene andi mondogat sagalogo herakfisaluk he, it inaselei mene nen inendawirinapluk fano hilinginafi logouwagaluk hilinginafi logoino o, neisena.

NEHEMIA 1:11

An nen ogo, hamlogomi fenakwe inebe mondogaren ogo, ninebe mondogen hat agaukhogo fogethafi logouwogeluk samban hayonggo fikhi lago mene andi, ninane hesanggo holin o, neisena. O yogondak he, an hamingmingengge nebe ninoe raja oba lagain enggere, aren endawit nabuageluk endawimo kagalin o, neisena,” iluk samban oba Allah ayonggo fikhi lagagi. Andem oba re, an nebe raja agai nunggu mene faget yi'nogo hilingisugun ti'nogo hilingisugun, iluk lenggalhu logolik, Allah ayonggo a'nogo fikhi lagagi andi.

MAZMUR 106:46

It afuni amu mene it inebe hele warogo fisa lagu mene omanogo nen inendawi hundik hilinginafi logouwageluk Aren afuni andoma inoba hilingfisikhi lagaikhe.

KELUARAN 1:22

A'nogo hilinglagaukwama, at raja Firaun nen he, afuni Mesir mene mondogat inoba yi'nogo yagaisasikhe: ”Afuni Israel mene inomalik ta'lagu halok, abengge halok he, i Nil ima lakfisikhi logolik, helengge ta'lagu halok he, inanum palinafunogo,” iluk yagaisasikhe.

KELUARAN 2:5

Werek kwelek, at raja Firaun a'logo kume wasigiluk lagaikhesik, it helime yenggerugwi ekhe kain aiba andoma yabu hilingitarek mene i esanggokwe lagik-wagik ugu kwelek, at kain a'logo a'nogo ima pisikhesik eilenggen yethasikhe re, mul ugu yobin hangge mene i amboloba lialhugunem eilenggen hasikhesik inamingmingengge mene hele yenggerek mene ekhe nen wogesi puageluk yagatikhe.

KELUARAN 2:7

A'nogo isikhemo, at hele yenggerek omalik a'nogo oe nen he, kain a'logo a'nogoba mel yagatikhe: ”Noe, omalik ari eilak hunet hesuageluk an nen, he Ibrani mene ekhe herakhesigin hamolo a?” iluk yagatikhe.

AMSAL 21:1

I lagarek mene Tuhan endawimo anggikherek higithogo laga logouwageluk halogo fikherek hak, at raja endawimo wenggelherek mene hilingisuageluk ogo Tuhan nenat halogo fikherek.

YEREMIA 34:9

afuni Ibrani mene inamingmingengge a'luk werek mene andoma re it inunggulenu Israel mene misigen ogo ekhe it inunggulenu mene ap ogo helime ogo ekhe inamingming enggerogo hilingfisikhi logogun lego, we it hele fikhalek logouwak, iluk wene homatukwa.

KISAH PARA RASUL 7:21

Fisogo welagaukwasik, hobuk wulakfesukwama, at kain Firaun a'logo nen ebe wanhikhesik, at onggwarek eak hanggeat kulhikhe.

1 PETRUS 3:8

Wene andi wurep kobokhogo mel yagahisak. Hit hinebe mondogat hinendawimo nen he, ”Ninebe Allah againafuri ninerugwi ninagaila'lak ninom,” iluk, hinendawinggen hundik logolik, hinendawimo misigat mene anggigik, hinendawinggen misigat mene ebetik, ikhi logoino. A'nogo ikhi logolik, hinonggwaregen fogerakhigi'lek, hinendawinggen seberogo logolik, hit-hit nendawi-hendawirogo hilingiti logoino.