KELUARAN 2:3 - Allah Wene Fano Wene Hupla Inane

³ A'nogo hinago welagaikhe meneat he, omalik a'nogo hinago mondok logou elo'lek agaikhe. Elo'lek agaikhemo, at he a'nogo nen he, yobin hangge mul itarek hak ugu mene wanhikhesik he, i kwinogo iluk ebenekwe amusu sin amusu hangge mene watfesikhe. A'nogo watfesikhesik he, omalik a'nogo mulugu andi elonggoma kwalfesikhesik, i Nil ima waluk lagaikhesik he, i esanggoma yobin hangge mene engga hokhorogo were'ma anggele'ma fesikhe.

KELUARAN 2:3 ပူးပေါင်းရင်းမြစ်များ

KEJADIAN 11:3

Logolik, it-it ekhe nen ekhe yagatik ikhi logolik mel isukwa: ”Niren he, kweang mene helep hangge omame asuageluk endumo werasuogo,” iluk isukwa. A'nogo isukwasik, helep hangge asuageluk kweang mene inom, amusu anggokhorweak mene inom, weragaisogo sep hunitarek mene ekhe heratukwa.

KEJADIAN 14:10

O tonggwe weim yafukwaba andoma, aspal mene abi weagengge yenggelek welagaikhe. Were'ma, it ap kaindek o Sodom, Gomora mene weim heise wilibugun ha'ma re, it inebe aspal mene abi weagengge yenggele'ma andoma pile pisukwa. A'nogo pugu kwelek it ap kaindek inebe henagan ekhe nek he, elok heise wulifukwasik o tom oba andoma wagaukwa.

KEJADIAN 6:14

Halok, hat faget, kapal e omame meneba folhigik wu'no o. A'nogo wuti logolik, o hulithigik senggelogo wu'no. A'nogo wutfembik, e sin amusu hangge abel a'makwe inom endakwe inom mondogat wa'no.

KELUARAN 1:22

A'nogo hilinglagaukwama, at raja Firaun nen he, afuni Mesir mene mondogat inoba yi'nogo yagaisasikhe: ”Afuni Israel mene inomalik ta'lagu halok, abengge halok he, i Nil ima lakfisikhi logolik, helengge ta'lagu halok he, inanum palinafunogo,” iluk yagaisasikhe.

YESAYA 18:2

O kweang andiba nen ap o sili misik mene enuba inogogwi kain werek mene omanogo i Nil agumkwe perahu ele'ma kwelakhigik weri'lagwi. Yago hit ap yonggo wene waluk wagep mene yi re, i bene andoma nen hinawi eroma hinambotkwe weak-weak lani o, laluk he ap hit hinunggulenu mene inebe inomame werek inap omanogo inom, inoakhuse uandek mene omanogo inom, inagap sakhorek inap omanogo inom, o yi afuni ti afuni mondogaren inailorinabi'lagwi mene omanogo inobaget wene waluk weak weakhogo yagaisa lani o.

YESAYA 19:6

I kalok hokho mene waganekwe omanogo re i ebe lek agunem he amben weak mene sang ikhi logogin. Kem-kem inom, engga inom mondogat pugasigin.

YESAYA 35:7

Ilingage aganhan mene pililirekwe andoma re i mogo yenggelhik, nen kweang mondok iringik weakwe omanogo nen i elesi? elesingge fulogoumhogo wulabi wagik igin. Attak olomene welagaikheba omanogo re, hobuk kem-kem inom, amben-amben engge inom wulibigin.

MATIUS 2:13

It ap hesagal ineilenggen en waluk wagaukwa mene omanogo arat lagaukwama re, hubanggo at Yusuf nogo ugunem malaikat pogoroba nen wagaikhesik he, abiba mel yagatikhe: ”Yusuf. Hat he, omalik tago ari agaisa emberegat woginarek, o Mesir andoma heise lan o. Lambik he, andomaat logoino o. Were'ma an nen yagaheti halogat we'no. At kain Herodes a'nogo nen omalik tago ari wasigeluk ili'logo o,” iluk yagatikhemo abi hasikhe.

MATIUS 2:16

At kain Herodes a'nogo nen it ap wene warisasikhe mene a'nogo,” Wesugun a? Lega,” iluk, yerinarek welagaikhe-welagaikhe re, inebe legaren he, ”Lalnafama higi,” iluk a'mage hokhorogo lagasikhe. A'mage hokhorogo lagasikhesik he, omalik ket tago mene o Betlehem andoma mene inom, o era'lukwe andoma mene inom, huli ap hesagal ineilenggen nen waluk wagaikhasik, yi huliba nen hogo, iluk senggerogo yaganeta huli nen, umur 2 tahun mene inom, hobuk ta'larik wagaikha mene inom, ap halok mondogat inoa'no,” iluk, agoromi lakfisasikhe.

KISAH PARA RASUL 7:19

Logolik he, afuni nit mene ninombalak omanogo lalinafik, yi enggin ti enggin hilinginafik, ikhi lagaikhe. A'nogo ikhi logolik inagainafuri ket tago mene ineluk logoinogo iluk, wa'lasuagen enda'ma wulakfisani, iluk ane ninghogo yagaisikhi lagaikhe.