KELUARAN 2:25 - Allah Wene Fano Wene Hupla Inane

²⁵ Ebetikhesik he, afuni Israel mene it Mesir mene nen inamingmingengge hangge ferinarek were'ma eilenggen isasikhesik, it inane hologo leberisagain iluk endawimo anggasikhe.

KELUARAN 2:25 ပူးပေါင်းရင်းမြစ်များ

2 SAMUEL 16:12

We At Tuhan eilenggen werek kwelek a'nogo yaganeri'logo halok, Arenat onggo fikhi logolik, homan nobagaikhe mene andi onggo fano hilingnabigin weregat anggigi o,” iluk yagaisasikhe.

AYUB 33:27

Andiba re afuni hokhorogo inelokhoma nen aren ikhi logolik he, ”Mondok weak mene faget an nen fano mene anggikhi lagimo re naweak hokho mene werego. Ariginik kwelek oba nen he At Allah nen he an unggum wo'nete lek,” iluk igin.

MAZMUR 1:6

Andi re, At Tuhan he afuni at ane hologo hilingitarek mene andi, at awe a'ma fisaluk ferinarek welagarek. A'nogo meneat he it inobabut weak hilingitarek mene andi, alomat lasugun oba andoma louwogeluk hilingitarego.

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

MAZMUR 31:8

Haren hendawi hundik hilingnafu mondok welagenma re, an nen fogerakhigik, nagaiyegetik, hilingiti lagi o. An noba enggin-fenggin hikhi lagi mene inom, nendawimo weak peakhogo hikhi lagi mene inom andoma re we Harenat futnobagakhi lagen.

MAZMUR 55:22

Nen At ane ugunem he ane mondok sakhorek oba afuni inendawinggen wanherek, oba nen endawimo nen he mondok abit logoligen hilingiterek. Wene ane ugunem he ane hafe mene legengge ikherek, oba nen he weim enggat fel-felengge mago mene hakhogo inendawimo yuguli lagarek.

KELUARAN 1:8

Hobuk at raja Firaun ekhe Yusuf onggot mene menfesukwama afuni Mesir mene awe a'ma ferinarek welagaikhe.

KELUARAN 18:8

Kwisukwasik he, at Musa nen eamal oba Tuhan nen it afuni Israel mene inagap teligiluk yi wene ti wene at raja oba inom, it afuni Mesir mene inoba inom, hilingfisasikhe aple omanogo tindelhikhe. Andi nen aren ogore it afuni Israel mene ebekhalem waga logolik enggin-fenggin hasukwa aple inom, nen it a'nogo hugunem Tuhan nen inagap telinafikhe aple inom tindelhikheat.

KELUARAN 3:9

Afuni Israel mene Mesir mene nen sebelogo ferinarek weregen le ari'lagwi andi An neilenggen isigik, inane nesanggo holhik, igi o.

KELUARAN 4:31

A'nogo hilingitukwama, it ap omanogo nen, eberogoat, iluk futfesukwa. It Musa Harun emberegen, ”Tuhan nen hit afuni Israel mene eilenggen wokhinafik, yi enggin ti enggin hugunem eilenggen hisigik, ikhemo o,” iluk yagaisasukwama inesanggo holhukwasik he, ineindep awi yagaisogo Allah fogeratukwa.

MATIUS 7:23

an nen fakhogo yi'nogo yagaisagain: Hit hinebe an nonggoro. Weak mondok hilingirik nikhi lagep mene andi nera'lu ya logogubo. Pugulakhani, iluk yagaisagain o,” iluk yagaisasikhe.

KISAH PARA RASUL 7:34

An nagainafuri afuni o Mesir mene nen yi enggin ti enggin hilinginafunem neilenggen isigik, inendawi ane ugunem nesanggo holhik, ikhi lagarik he, an nen telinabigeluk nebe pi wagi o. Halok, an nen hat yogondak o Mesir lakhobagaigen eme o, iluk yagatikhe.

ULANGAN 26:7

A'nogo hilingninafunem, ninombalak ineisena Tuhan Allah nen telninabinogen iluk ninane hokhorogo hayonggo fesugu andi. A'nogo yagahetugumo, haren ninane hesanggo holhigindik, yi enggin ti enggin hilingninafunem heilenggen nisigik, set kwil-kwalhogo hilingninafunem nisigik, inendawimo seramet ninobagaluk sebelogo ninobagauwogoluk ugunem nisigik, isigin andi.

1 SAMUEL 1:11

Werek kwelek, at Hana nen samban Allahba wene yi'nogo waretikhe: ”Neisena Tuhan Homame Mondok Hokho mene a'nogo nen an hamingmingengge heilenggen wo'nabin o, neisena. An hamingmingengge yi mondok weak welagi andi heilenggen neambik hera'nobagagi'lek, noba ebe'no o, neisena. Haren an neak ap ekhe wo'neten halok, an nen at andi ebe hat faget mondok logouwageluk ambotkwe wokhesigin o, neisena. Nen, at ebe ta'laga halok, esi re palhi'lek herakfikhi logogiluk wene watheti o, neisena,” iluk yagatikhe.