KELUARAN 2:21 - Allah Wene Fano Wene Hupla Inane

²¹ A'nogo yagaisasikhemo ayonggo lagaukwasik wagaukwama, at Musa nen he, ”Ninom yoma logogun fanoaro,” iluk yagaisasikhe. Yagaisasikhemo inom logolik, at Yitro nen a'logo enu Zipora Musa wogetikhe.

KELUARAN 2:21 ပူးပေါင်းရင်းမြစ်များ

KELUARAN 2:10

A'nogo wogoti lagaikhesik, omalik a'nogo arat alue agaikhemo, agaisa nen he, at raja Firaun a'logo a'nogo wogosi lagaikhe. Wogosi lagaikhemo re, at eak hangge kulikhi logolik mel isikhe: ”An neak yi re, ima were'ma heligi mene andi u hak, enu Musa,” iluk salhikhe.

KELUARAN 2:20

Yagatukwama, aren he, ”Ap andi ebe yogondak koma werek. Nenahalok at andi herakfuluk wagep? Ninom sumburu nouwogen he, weak-weak ayonggo lani o,” iluk yagaisasikhe.

KELUARAN 3:1

Andem sambul he, at Musa wam eamal Yitro Allah eisewerek o Median mene a'nogo anggo domba, kambing inom konhi lagaikhe. Konhi logolik, wam woginarek he, o leimo afuni le'ma abel yikwe wagaikhesik, Allah onggwarek andom Sinai oba wagaikhe.

KELUARAN 4:18

A'nogo mondogat yagatikhemo re, at Musa a'nogo ambotkwe eamal Yitro aiba lagaikhesik, mel yagatikhe: ”An nambotkwe o Mesir lambik, an nagaila'lak omanogo ineluk werega, lega iluk neilenggen isa lageluk yagaheti lagi o, neisena. Higit lagain a? Lega?” iluk yagatikhemo, at Yitro nen he, mel yagatikhe: ”Lagain fano. Nagot,” iluk yagatikhe.

BILANGAN 10:29

Musa nen ombasi Hobab hun Rehuel amlogo o Midian mene a'nogoba ikhi logolik he, ”Nit he At Tuhan nen kweang hit wokhisagain iluk isikheba andoma logoino. Tuhan nen he it afuni Israel mene faget fano mene nek abok yagaisasikhe. Yagaisasikhemo re, niren hat hoba fanothobagagun enggere, ninom louwogo,” iluk yagatikhe.

BILANGAN 12:1

Attagat Musa agwe o Kus mene helasikhe andi nen oba lisin, at Miryam Harun emberegen Musa abok weak ikhi logolik,

KISAH PARA RASUL 7:29

A'nogo yagati lagaikhemo, wene andi esanggo holhikhesik he, heise wulifikhesik o andi herakfisaluk o Midian andoma lagaikhesik welagaikhe. Logolik he, amlogomi inebe pire taginafikhe.

1 TIMOTIUS 6:6

Meneat he, ninagaisalak inalabutmo nen ta'laga logolik he, yi mene ti mene ekhe ninenggim waluk wagorek lek andi hak, ninebe wa'laga logolik he, yi mene ti mene ekhe waluk logoin legat andi nen, ninenggi werek logou hak, nit Allah awe a'ma kuluk logolik ninendawimo nen he, ”Elogat welago,” iluk, ninafe morogo logoumo nek he, ebe mene eise asugun andi.

IBRANI 11:25

An nebe fano logolik, we elama faget meneat he, anggilukhogo weak hilingiti logogin andi nabit. We, it Allah againafuri ninom yi enggin ti enggin hilingninafi logogun fano o,” iluk, endawimo anggasikhesik,

IBRANI 13:5

Allah nen ninebe lombok faget ikhi logolik: ”An nen hat nenggi kobokhogo herakhobagagik, hebe hale'ma hobagagik igin lego,” iluk isikhe andi nen he, hit uang hinendawinggen tulemetfuluk logogubo. We, endebat werek andi, hit hinendawimo nen he, ”Yi elok werek,” iluk anggogoin o.

YAKOBUS 1:10

Menere, mo aninirogo yati logolik, e engga sawet agik, enggen lologo puluk elokhonggen weak agik, ikherek hak, a'nogoat he, it kaindek inenggi werek mene andi, yi mene ti mene oan hilingitu were'ma inebe lek asugun mene werek andi nen he, hit ekhe hinenggi werek mene hinebe kainat logolik, e enggen lologo pikherek andi hak, ”An nenggi werek yi lek asigin aro. Allah nen nenu sebelogo nobagaikhemo welagi,” iluk, hinendawimo hinagaiyek asugun aro.