KELUARAN 2:2 - Allah Wene Fano Wene Hupla Inane

² Wanhikhesik, at he a'nogo eak abengge takhasikhe. A'nogo takhasikhesik, eilenggen kwelakhasikhe re, omalik a'nogo fano mondogen hinakfesikhesik were'ma tugi henagan welagaikhe.

KELUARAN 2:2 ပူးပေါင်းရင်းမြစ်များ

2 RAJA-RAJA 11:3

At he Atalya ratu menlagaikhesik melalinafu werek kwelek he tahun falfalik enggeba re abo Yoas a'nogo o Tuhan awi wuri'mo andoma he Yoseba nen hinago logolik kulhi lagaikhe.

MAZMUR 112:5

It afuni inendawi fanorek logolik inagaila'lak ekhe hobuk obali'mo fagain nen iluk kino ugunem wogisigik, yi wene ti wene faget tiphogo nek hilingiti logolik henarogo hilingiti'lek higithogo hilingitarek mene andoma re inagaiyek hikhi logouwak.

KELUARAN 6:20

Yizhar againafuri abengge inebe henagan welagaukwa. Inenu re: Korah, Nefeg, Zikhri.

BILANGAN 26:59

Amram nen he, he Yokhebed hun Lewi a'logo a'nogo helasikhe. Yokhebed andi re o Mesir en ta'lagaikhe mene. Amram inom Yokhebed inomen he inamlogomi abengge inebe pire taginafikhe mene re Harun inom Musa inom nen a'logo hele mene Miryam takhasikhe.

KISAH PARA RASUL 7:20

A'nogo hilinginafi lagaikhe andem sambul, at Musa ebe fano mondok ta'lagaikhemo re, tugi henagan eisena aiba fisogo welagaukwa.

ULANGAN 33:16

At Yusuf ebe, at ogogwi, agoromi, inanggele'ma nen inoe kain logouwageluk menfesigin andi nen, hagainafuri inanggweang oba nen he, yi mene ti mene yago mene fano mondok mene nek oba heilarogo wogisigik, Hat hebe e sebelek mene anggele'ma endu amulok hangge wialhi logolik hane yaganetigin a'nogo hobabut fano nen fanotfigik, ikhi logoino o, neisena.

IBRANI 11:23

At Musa ogo re, eisena agaisa inendawinggen Allah oba himbiret fuluk welagaukwa andiba, Musa ebe tatukwasik kumuthasukwa re, omalik ebe fano mondogen, at ap kain andoma mene nen wene wulafikhe mene inailo legat omalik tago andi hinakfesukwasik werek kwelek he, tugi henagan folelhikhe.

1 SAMUEL 16:12

A'nogo yagatikhemo, at Isai nen he, amlogo a'nogo ayonggo lakfisasikhemo, wolesi lagaukwama re, ap alage fano mene agap mola eil alili mondok fano mene wagaikhemo, At nineisena Tuhan nen Samuel mel yagatikhe: ”An nen igi a'nogo ebe ari o. Andi nen he, haren zaitun amusu unggul oba warogo menfein o,” iluk yagatikhe.