KELUARAN 2:14 - Allah Wene Fano Wene Hupla Inane

¹⁴ A'nogo yagatikhemo, at ap a'nogo nen he: ”Hat nit ninoe fetninarek logolik, wene ninoba figik kotik, ikhi logouwageluk sa nen menhobagaikhemo. Ap Mesir mene waten a'nogo hak an noasigiluk ikhi lagen a?” iluk yagatikhe. A'nogo yagatikhemo, at Musa ailo mondok agaikhesik endawimo nen he: ”Egi, nailo e. An hilingiti a'nogo afuni inelu agama higi,” iluk endawimo ebetikhe.

KELUARAN 2:14 ပူးပေါင်းရင်းမြစ်များ

KEJADIAN 13:8

Inagoromi wam konhi lagaukwa mene wene a'nogo palhi lagaukwama, at Abram en Lot mel yagatikhe: ”Nit ninebe misigen tago hilingi'mo, hat hagoromi inom, an nagoromi inom wene a'nogo pali'lagwi andi weago.

KEJADIAN 19:9

A'nogo yagaisasikhe meneat he, it afuni Sodom mene omanogo nen Lot mel yagatukwa: ”Hebe hela lan! Hat hebe ap pok mene nen, hit yi'nogo hilingi'ni, ti'nogo hilingi'ni, iluk yaganisagain nogo? Nineilenggen werek kwelek yaat lan o! Lagi'lek halok, niren ap pok inebe pire andem endebat hak fakfisikhi logolik, hat enek he, mondok weakhogo senhobagagun o,” iluk yagatukwa. A'nogo yagatukwasik he, Lot ebe tamakhogo lakfisasukwasik he, inebe horokhogo hobetha kwisukwasik kwe sou meisaluogeluk isukwa.

KEJADIAN 34:27

It inebe pire aremnogo pin talogo inoasi kwisukwa, at Yakub againafuri fenakwe omanogo nek he ninagot weaget fagama iluk inendawimo sebelek welagaukwasik o kota a'nogo pin kwisukwa.

AMSAL 19:12

Raja a'mage re mene singa nen ngineterek andi higit lagaikherek, oba nen he at raja nen fano hilingiterek mene andi re lilengge enggabene sakhoraterek andi higit werek.

AMSAL 29:25

Aben ugu mene faget hailoti logogin mene halok he weak mene ambisangma hoba asigin, nen Tuhan oba hendawinggen tiphogo logogin halok he hat hobuk hili waganek logogin.

BILANGAN 16:13

Haren o Mesir kweang mondok fano heisele'ma andoma nen wo'ninarek o leimo yoma ninoasigiluk wulibi wagagin mene andi re higitsek legen a? Nit harenat melalninafu mondok logogin nogo?

BILANGAN 16:3

It inebe mondogat lambulogo Musa, Harun emberek were'ma inambit lagaukwasik iren yagaisikhi logolik, ”Musa! Yogondak arat egen, it afuni Israel mene mondogat he Tuhan obaget tegelogo fakhagasik werek. Nen Tuhan ebere nit ninanggele'ma werek. Oba nen he haren anggikhi logolik he afuni oma inanggele'ma nen, an enek he lego welagi iluk anggikhi lagen a?” iluk yagatukwa.

MATIUS 21:23

At Yesus nen wene a'nogo yagaisasikhesik he, at ebe Allah awi wuri'mo kwisikhesik logolik wene yagaisugunem he, it ap Allah eisewerek mene inogogwi kaindek inom, it ap inaluendek inom, Yesus oba wagaukwasik he, mel yagatukwa: ”Hat he, nena mene eisewerek agendik yi hilingitik, ti hilingitik, ikhi lagen. Nen, ap sa nen eisewerek logouwageluk menhobagaikhemo hilingiti lagen,” iluk yagatukwama,

LUKAS 12:14

at Yesus nen he, mel yagatikhe: ”Hinebe tegelogo hinobagaluk hinagarek lombok sumbuthisagain andi, an mennobagagama anggegen?” iluk yagatikhesik he,

LUKAS 19:14

Lagu kwelek he, it oe agot omanogo ap andi inabiren he, wene palhukwasik, at ap andi ninoe kain enupogot logogin he, ninabit, iluk yagaisa lano, iluk, yonggo ombo'ne lakfisasukwa.

LUKAS 19:27

A'nogo yagaisasikhesik he: It ap an ninom inaselei mene hangge hilingninabi'logo ikhi logolik: At andi nit ninoe kain enupogot logogin he ninabit, iluk aga mene andi inebe woginarek wesimbik he, an neilhanem yaat inoasubagaigo, iluk yagaisasikhe,” iluk he, at Yesus nen afuni omanogo yagaisasikhe.

KISAH PARA RASUL 7:35

Fageat it afuni Israel mene nen he: Hat nit ninoe kain logolik wene inoba figik, kotik, ikhi logouwageluk, sa nen menhobagaikhemo. Ninabiro, iluk wenagetukwa a'nogo, at Musa aro. A'nogo wenagetukwa meneat he, malaikat Allah nen yonggo pelakfisa wagarek mene omanogo, at Musa eilenggen hoageluk ekhe pelakfei wagaikhemo re, e panggi hangge mene anggele'ma nen weinam agaikhemo eilenggen hasikhe mene a'nogoat, inoe kain logolik telinabuageluk ayonggo fuluk lakfesikhe andi.

IBRANI 11:27

A'nogo anggaluk wulifikhesik he, endawinggen Allah oba himbiret fuluk, ”Ap kain Piraun andi a'mage lagagin andi nailo e,” iluk endawimo anggigi'legat, Allah ebe nineilenggen hogorek lek mene andi eilenggen hikhi logolik hangge, ”Nendawinggen at oba lakfigiri'mo re, wulibigin aro,” iluk o Mesir herakfisaluk wulibi wagaikhe andi.