KELUARAN 19:5 - Allah Wene Fano Wene Hupla Inane5 Hit yogondak an nane hologo wene wathisasigi mene andi higithogo hilingitep halok he, hit he, an nagainafuri hinale'ma kenghogo wokhinabigin o. Afuni kweangma mene mondogat he, inebe an mene. Meneat he, hirenek he, hinebe an nendawinggen hundik mene hilinglasimbik အခန်းကိုကြည့်ပါ။ |
KELUARAN 19:5
54 ပူးပေါင်းရင်းမြစ်များ
A'nogo ikhi logolik, mel yagaisasikhe: ”Hiren eberogoat mondok an nane hologo hilingitik, an nen andi fano iluk anggigirek mene andiat hilingitik, an nen, yi'nogo hilingiti logoino, ti'nogo hilingiti logoino, iluk komorogo yagahisigi mene andiat higithogo hilingiti logoino o. A'nogo hilingiti logogun halok he, an nen yi ou ti ou afuni Mesir mene inoba figi a'nogo hangge ekhe hinoba fagain lego. Hit hinebe se asuageluk hinoba fano hilinghinafirek mene hineisena Tuhan nebere Anaro,” iluk yagaisasikhe.
A'nogo hilingitikhesik, Tuhan nen wene, yi'nogo hilingiti logoino, ti'nogo hilingiti logoino, iluk komorinafikhe mene Musa nen lisu palogo fesikhe mene a'nogo wanhikhesik he, ane hokhorogo afuni Israel mene holuageluk enu salhikhemo, iren he, mel isukwa: ”Niren he, nineisena Tuhan nen wene komotninafe mene andi mondogat hologo higithogo hilingiti logogun o,” iluk yagatukwa.
mel yagatikhe: ”Tuhan neisena, hat eberogo nenat, an nebe hoba liok ili'lago halok, hat hebe nit fetninarek logoinogen iluk hayonggo figi andi nane hesanggo holin o. Afuni Israel mene andi inendawinggen mondok helep meneat he, niren yi weak ti weak hokhorogo hilingitorek mene andi, haren sagalogo legetfisambik he, ninebe hat honggwarek hagainafuri meneatma wo'ninabino o, neisena,” iluk ayonggo fesikhe.
A'nogo yagaisasikhemo, at Musa nen at raja yagati logolik: ”Haren he, kweangma yoma eise re, hit hineisena Tuhan andi aro, iluk futfeinogoluk, an weak-weagat o sili hokhoma nen enda'ma wulifi logolik, nenggi liakfembik, Tuhan samban oba yagati halok, meiso sogenggen unggunggu ane pakhogo nili'lago mene andi legasigin o.
Sarung horogengge ap inobakheba ketkethogo puksek welagarek andi higit, An nen anggikhi logolik afuni Israel mene inom, Yehuda mene inom he An ninom a'nogo homago logogun anggasigi. A'nogo hilingi'mo re it he An nagainafuri mene logolik nenu liafik, esinet nobagaluk legeisogo nobagagik hilingiti logogun anggasigi. Oba nen he iren An nane holure inabit mondok welagaikha andi,” iluk ikhe isikhe.
An hineisena Tuhan Allah nen yi afuni ti afuni inunggulenu lombok werek oba nen, hit enek he An nagainafuri wenagaisogo hinobagagi mene a'nogo hilingi'mo, kweang ebe mondok heiselek logolik yi mene ti mene enggen hokhorogo were'ma andoma re hit wokhisagain iluk abok yagahisigimo re, hit hinonggwarek hinangge asuageluk wokhisagain.
A'nogo ikhesik hobuk ekhe mel ikhe: ”Hit o Sion hinagaiyekhogo welagep mene andoma inom, nen hit o Samaria fanorogo welago iluk anggikhi lagep mene andoma inom, hit afuni hinunggulenu Israel mene hinogogwi kaindek hinebe lego welagep mene yi nen he, wene fanorogo pilingisogo yaganisoageluk it hinagoromi re hit hinoba wagaikharek andi nen he, eige hit he alomat hinabigin o.
At Tuhan Omame Mondok Hokho mene a'nogo nen ikhi logolik, ”Inenggi ekhe An nen hilingisigin sambul andi re it andi An nagainafuri agik, An nonggwarek nangge nendawimo namolo mene hak agik, hilinginabigin. Afuni nen inagainafuri inobaget hilingituba hinendawi hundik logolik welagaikharek hakhogo An nen ogo it andi inoba nendawi hundik hilinginabigin aro.
Hit he At hineisena Tuhan Allah obaget mondok horek mene welagepma re, sue, paik yi mene ti mene amu wa'lagu mene andi re hit ninggi logogun lek, oba nen he it ap pok mene hit hinaggelekwe werek mene noageluk wogisigik, nen it pok mene inoba onggo hunirigik ikhi logogun fano. Wam domba eak halok inom kambing eak halok inom he onggwarek agaisa eilak amusu meneba isati logogun mondok lek,” iluk yagaisasikhe.
O yogondak yibaat, nineisena Tuhan nen, Hit hinebe yi'nogo hilinghinabigin, iluk wene wathisasikhe hak, hinebe at onggwarek againafuri mene asuagaluk wokhinafe o. A'nogo wokhinafesik, yi'nogo yagahisili'lago: An nen, Yi'nogo hilingiti logoino, ti'nogo hilingiti logoino, iluk komo weneba yagahisigi mene andi, mondogat hilingiti logoino, iluk yagahisikhe.
Nineisena Tuhan Allah nen afuni inunggulenu ekhe elalinafikhe mene andi, inunggulenu, we, endep elo'lek hangge werek kwelek, hirenek he, hinunggulenu hokho mene hilinghinabigin o. A'nogo hilinghinafunem, it afuni andi nen hit agaugwet hinafik, foget hinafik, ikhi logogun o. Nineisena Tuhan Allah nen wene wathisikhe hagat, hit hinebe at onggwarek againafuri mene hilinglasimbik logogun o,” iluk yagaisasikhe.
A'nogo yagaisasikhesik he ekhe yagaisikhi logolik, ”Hiren hineisena Tuhan Allah ane hologo hilingiti logolik, an nen wene melalek yogondak ya yagaisikhi lagi mene yi tiphogo nek hilingiti logogun halok he, At hineisena Tuhan Allah nen it afuni inunggulenu amu mene o kweangma welagaikharek mene oma sebelek hak werek kwelek, hirenek he hinenu werek logouwageluk legeisogo hinobagagin.
Hit hinebe Tuhan Allah againafuri esin mene hilinglasubagaigeluk, yi afuni ti afuni kweangma welagaikharek mene mondogat inunggulenu lombok inanggele'ma nen kigilogo wenagaisogo hinobagasikhesik hinayonggo fesikhemo hinebe eise At Tuhan Allah onggwaregat andi nen he, mondogat a'nogo hilingirik lano o.
Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.
Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.
A'nogo yagatikhe meneat he, at Samuel en he, ”At nineisena Tuhan amolore, At ane hologo hilingisugun andi esin a? Athe, wam warogo nolesugun andi esin a. At nineisena Tuhan ane hologo hilingisugun andi esin mondok meneat he, at wam warogo nolesugun andi re elo'lek hangge o. Wam asei andi re elo'lek hak oba nen he, yi'nogo hilingi'no iluk ikherek mene andi hologo hilingitu mene nek he mondok fano o.
ကြော်ငြာတွေ