KELUARAN 18:7 - Allah Wene Fano Wene Hupla Inane

⁷ at Musa wulifikhesik he, it inelokhoma eindep awi yagaisogo inelokhe saluk hai wat-wat agaukwa. Ariginhukwasik he, iren inebe hilingik aple heinok wok-wok agaukwasik he, tenda salek welagaikhe mene a'nogoba kwisukwa.

KELUARAN 18:7 ပူးပေါင်းရင်းမြစ်များ

KEJADIAN 14:17

At Abram en kain Kedorlaomer inom, agaila'lak kaindek ekhe at inom fano mene inom, mabenetfisaluk ambotkwe wagaikhe. Wagunem at ap kain Sodom mene Abram elokhoma o Syawe tongge enu ekhe Raja Awi tongge, iluk agarek oba andoma lagaikhe.

KEJADIAN 18:2

ot legeisogo eilenggen yethasikhe re, afuni inebe henagan mene elokhoma mendek were'ma yerisasikhe. A'nogo yerisasikhesik, awi tenda wuri'mo a'nogo nen wulifikhesik, uarek it inera'lu lagaikhesik he, eindep awi yakfesikhesik,

KEJADIAN 19:1

It ap malaikat inebe pire aremnogo Abraham inom ambi agaukwasik a'nogo laga lagaukwasik he, o Sodom hubanggo kwi lagaukwa. Kwi lagaukwa hak he, at Lot ebe o kota kuogeluk kwagarek oba kwe ambe palek oba hurek logolik, it ap a'nogo eilenggen yerisasikhesik he, it woginabigeluk siakhogo menlagaikhesik inelokhoma wagaikhesik eindep awi yakfesikhesik he,

KEJADIAN 29:13

Lagaikhesik, mel yagatikhe: ”Heak Yakub wagasik yi'nogo werek,” iluk yagasi lagaikhemo, esanggo holhikhesik, emberek ambi asuogeluk fumusek wagaikhe. Wagaikhesik emberek ambi agaukwasik he, agoumo felikhogo wanhikhesik hai ambe saluk watikhesik he, aiba waluk lagaikhemo, at Yakub en wene pilingisogo Laban yagatikhemo,

KEJADIAN 31:28

An na'logomi inom, nombawi inom, logoin nen inelokhoma inambe saluk hai warinabuakhogo iluk ogo yaganeten legat. Haren mondok-mondok moruerogo hilingiten.

KEJADIAN 43:26

It a'nogo hilingfesukwasik were'ma nen, at Yusuf a'nogo oloba wagaikhemo re, iren ineilenggen oba fesukwasik a'ma sebe ikhi logolik fougetukwa mene omanogo at Yusuf wogetukwa.

KEJADIAN 45:15

Le agaukwasik, nginuk le yak-yak at agaila'lak fena omanogo inom inobakhe felik-felik aga logolik, inelokhe kwe top-top agaukwasik hobuk enek he iren at inom inane ma'mak agaukwa.

KEJADIAN 46:29

at Yusuf eisena emberek ambi asuogeluk kereta, kuda nen lisogo waluk lagarek a'nogo meneba lagasikhesik wagaikhe. Wagaikhesik, inom ambi agaukwasik he, eisena obakhe felik hai wati logolik, le mondok aninurogoat agu welagaikhe.

2 SAMUEL 11:7

Wagaikhesik, at kain Daud oba wagaikhemo, Daud en he, ”At Yoab inom, agoromi tentara Israel mene inom, inebe ninggi'nogo werek. Nen, weim ninggi'nogo yabi'lagwi,” iluk heinok wokhasikhe.

1RAJA-RAJA 2:19

Andi isikhesik at Batsyeba a'nogo re Adonia awene a'nogo faget yagasiogen iluk lagaikhe. Lagaikhemo re, at raja a'nogo agaisa hai warogo iluk menlagaikhesik he eindep awi yagaisogo hai watikhesik nekhengge at hurek oba takhta a'nogoba hu'lagaikhe. Andi nen aren agaisa hu'lasigin oba faget at ebe werek oba nen enggi pikhit fikhit a'nogo hu'lasuageluk obalik fougerasuageluk yagaisasikhe.

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

KELUARAN 18:6

Wagaukwama it a'nogo wagaikhasik werek iluk Musaba yagasi lagaukwama,

KELUARAN 33:7

A'nogo hilingitukwasik, at Musa nen nineisena Tuhan awi wusigiluk he, it afuni Israel mene inawi sabu tenda andomaba nen endakwe ale'ma pa'nakhogo wuthikhesik he, enu o andogoti logogun oba iluk salhikhe. Andi nen he, it ekhe nineisena Tuhan nen komo wene ikherek mene holu inamolo mene halok he, wulibi laluk o andi laga lagaukwa.

KELUARAN 4:27

A'nogo arigin hikhesik, Tuhan nen he, Harun mel yagatikhe: ”Musa o leimo afuni le'ma werek a'naga oba lan o,” iluk yagatikhemo, at Harun wagaikhesik, agot Musa Allah onggwarek andom oba a'nogo were'ma wagaikhesik hai ambe saluk watikhe.

BILANGAN 22:36

A'nogo wagaukwama, it afuni ekhe nen he, ”Bileam a'nogo weri'lago,” iluk isukwama, at Balak Bileam elokhoma o afuni Moab mene inawi tonggwe huli-hulimo, i Arnon pi wagunem esanggoma re, o kota enu Moab andi oba lagaikhe.

LUKAS 7:45

Nen, haren hai hambe saluk watnafen legaro. Meneat he, he yi nek he, an kwi wagi huli nen, neisok oba hai ambe saluk watnafu mondok werego.

KISAH PARA RASUL 20:37

Samban isikhemo re, it mondogat le aga logolik he, Paulus ebe obakhe felikhogo fakfesukwasik, inambe saluk hai wati logolik, hai warogo lakfesukwa.

KISAH PARA RASUL 28:15

Wagunem, it afuni ekhe nen, ”It weri'lagwi,” iluk isukwama, Allah againafuri o Roma mene nen inesanggo holhukwasik, ninelokhoma, it ekhe Pasar Apius, lagu kwelek, ekhe o hotel ap pok mene we'luk nogo agarek oba o ebe henagan wuri'mo andoma lagaukwama, at Paulus eilenggen isasikhesik he, Allah hai watikhesik endawinggen yamuk isikhe.

HAKIM–HAKIM 11:34

A'nogo hilinglagaikhemo at Yefta a'nogo sugulogo o Mizpa wagunemen he, at a'logo silerik mene hele andi re we misik masik enek engge a'nogo eisena elokhoma no rebana kwengerik abunugerik waga lagaikhe.

1 SAMUEL 17:18

Laga logolik, ap tentara esa logalharek mene inoe komandan faget, nunggu mene enu keju 10 nenat yi inom waluk lan o. Lambik he, hogogwi inoba, Hinebe ninggi'nogo welagep? iluk heinok wogisano o. Wogisambik, an nen he, Ogogwi inoba eberogoat lagasik inebe fano were'ma eilenggen arat isaluk wagama higi, iluk anggayogen he, nendawi wenggelogo ekhe waluk we'no o.

1 SAMUEL 17:22

Lagaikhesik, yi mene ti mene waluk lagaikhe mene omanogo ap tentara inasungge fisogo welagarek mene omanogo inoba fuluk he, weim yafunem ogogwi inom ambi asuogoluk inoba lagaikhe.