KELUARAN 18:11 - Allah Wene Fano Wene Hupla Inane

¹¹ It afuni Mesir mene nen wonoget fakhikhi logolik hilingitu kwelek At Tuhan nen a'nogo hilingiti laga andiba re, it mene inanggembu ilahi omanogo mondok sebelek werek kwelek At Tuhan enek he mondok hokho mene werek iluk an yogondak futfikhi lagi o,” isikhe.

KELUARAN 18:11 ပူးပေါင်းရင်းမြစ်များ

MAZMUR 95:3

At Tuhan andi re, Allah mondok andungdang werek mene hilingi'mo re, At ebere it dewa omanogo sebelek werek kwelek, At he Raja mondok lego mene werek.

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?

2 TAWARIKH 2:5

Nen o an nen wusigin iluk nendawimo anggikhi lagi mene andi re, nit nineisena Allah andi re mondok lego agun a'nogo faget, it amu mene faget Allah higit iluk eberi'lagwi mene a'nogo faget he fuk. Arigini'mo re o andi re mondok esin mene wusigin.

LUKAS 1:51

At enggi omame hokho andiba, afuni inendawimo nen fogerakhili'lagwi mene andi mondok pugulogo nalek-falek isikhe o.

MAZMUR 135:5

Eberogo nen At Tuhan andi re mondok hokho agun werek a'nogo an nelu o, At ebe lego agun were'ma dewa afuni nen fogeratarek mene andoma re sebelek hak werek.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

MAZMUR 97:9

Nineisena Tuhan, Hat he pogot kweang henggi fisogo mene welagen andi nen he, Hat hebere handungdang logolik it kembu dewa omanogo sebelek hak werek kwelek Harenek he lego mondok welagen.

1 TAWARIKH 16:25

At Tuhan andi ebe hokho agun hilingi'mo legeisogo fugu mondok welagaikharek. Afuni nen kembu dewa ba inailo anggagarek andi re maben hak oba nen he At oba re mondok alonghogo ninailo anggikhi logogun.

YAKOBUS 4:6

A'nogo meneat he, Allah nen ninebe endawirogo logolik, hokhorogo lebe'nisikherek andi. A'nogo hilingitarek andi nen mel isukwa: ”Afuni inonggwaregen fogerakhugunem Allah nen inoasigeluk abit isikherek. Menere, inonggwarek inendawinggen seberogo logogun halok endawirinaferego,” iluk lisu palogo fesukwa.

MAZMUR 119:21

Haren he it afuni Hat Hawene melalek taganhogo hilingiri'lagwi mene re inenggali watik, nen afuni winik-wonok agarek mene inoba re homan ikfisigik, ikhi lagen.

NEHEMIA 9:10

Inane a'nogo hesanggo holhi lagagindik, hat hagainafuri yi enggin ti enggin hilinginafi lagaukwa mene andi helu andi nen he, afuni Mesir mene inoe raja ebe inom, agoromi inom, afuni aren ferinarek welagaikhe mene inom, elalinat weagarinafi lagagin andi. A'nogo hilinginafigin andi nen, henu o yi awi ti awi lagu mondok huli yogondak huli nen laguat werek andi.

2 RAJA-RAJA 5:15

A'nogo hilinglagaikhesik, agoromi inom wagaukwa mene mondogat inom inambotkwe Elisa oba wagaikhe. A'nogo wagaikhesik, mel yagatikhe: ”O kweangma yi awi ti awi Allah ebe pire welagarek lek. We, hit afuni Israel mene hineisena Allah fogerati lagep mene andi ami-amu negat welagarek andi an yogondagen arat futfigi o. Andi nen he, an nen onggo wokhesigin andi wanin o,” iluk yagatikhe.

1 PETRUS 5:5

Nen, andi hagat he, hit ap alage nagoromi. It ekhe nen Allah aneba mel isukwa: ”Afuni inonggwaregen fogerakhugunem, Allah nen inoasigeluk abit isikherego. Meneat he, inonggwarek inendawinggen sebelek logogun halok, endawirinaferego,” iluk lisu palogo fesukwama werek andi nen, hiren inaluendek inawe a'ma kuluk inane hologo hilingiti logoino o. A'nogo hilingiti logolik hit mondogat he, hinonggwaregen fogerakhigi'lek inawe a'ma logolik, hit ekhe nen it ekhe inamingmingengge welagik, iren hit hinamingmingengge welagik, ikhi logolik lebet-lebet ikhi logoino o.

MAZMUR 31:23

An nendawi nonghong ugunem logolik he, An he Tuhan elokhoma nen hukniikhe hea, iluk anggikhi lagi. Oba nen he, an nen At enu hombuk palogo yagatu sambul he, Aren an nane ugu mene a'nogo esanggo holi'lago.

NEHEMIA 9:29

A'nogo telinafi logolik, wene haren komotninafigin wene andi hologo hilingiti logouwageluk, inenggali warogo komorinafi lagagin andi. A'nogo meneat he, inonggwaregen fogerakhikhi logolik, wene komotninafigin wene andi herakfisikhi lagaukwa. It afuni ekhe nen wene komotninafigin wene andi hologo hilingitunem haren fano inelugerinafendek meneat he, iren a'nogo herakfisikhi lagaukwa. It inungguloak mondok helep hangge logolik, inendawimo nen seramet fuluk, inesanggo furogo holhi'lek, higithogo hilingiti'lek, hilingiti lagaukwa andi.

NEHEMIA 9:16

A'nogo meneat he, nit ninombalak andi, inendawinggen mondok helep hangge logolik, inonggwaregen fogerakhikhi logolik, haren, yi'nogo hilingi'no, ti'nogo hilingi'no, iluk komorinafigin wene andi hologo hilingiti'lek herakfisasukwa andi.

1RAJA-RAJA 17:24

A'nogo wogotikhemo, at he sogwe mene a'nogo nen he, Elia mel yagatikhe: ”An yogondak en, hat hebe Allah amingmingengge, iluk futhobagagirik, haren wene yaganeti lagen andi, nineisena Tuhan ane eberogoat ikhi lagen, iluk futfigi o, noe,” iluk yagatikhe.

1 SAMUEL 2:3

at ege ebe were'ma yagasu hak, mel isikhe: ”Hat nege nen heranen weneat honggwarek fogerakhigik, sewirakhigik ikhi logolik, yaganesigin mondok lego. Nineisena Tuhan yi mene ti mene faget futfikherek enek hilingi'mo re, afuni inobabut hilingitarek lombok mondogat higithogo nek wene inoba figik, kotik, ikherek andi nen, hat heranen wene an nabok piliphogo pela'nafi lagen mene andi re elugun warogo hane tonggok in o.

KELUARAN 14:18

A'nogo hilinginafunem afuni Mesir mene nen An faget he, At Tuhan Allah ebearo, iluk futnobagambik inelu asugun o,” iluk yagatikhe.

KELUARAN 14:8

At nineisena Tuhan en raja endawinggen helep mondok hilingisogo fesikhemo nogo nen he, afuni Israel mene nineisena Tuhan nen woginarek o Mesir en wulibi wagaikhesik wagunem muginarek wagaikhe andi.

KELUARAN 12:12

A'nogo nogoin andi sambulat hubanggo An o Mesir yi awi ti awi mondogat neilenggen kogolik waga logolik, inagainafuri manggusa tago ap mene nek inom, it inanggo ai mene attagat tago mene inom mondogat inoasigin. Nen, afuni Mesir mene nen yi mene ti mene oba himbirik logolik fogeratarek mene andi mondogat weaget fisagain. An Nebere Hineisena Tuhan.

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

KELUARAN 5:7

”Helep fano ningsek logouwageluk engga puk engga mene inom werari'lagwi andi, hiren hobuk wogisikhi logogup. We, inonggwaregen heragaisogo werati logouwagen yagaisano o.

KELUARAN 5:2

A'nogo yagatukwama, aren he, ”Tuhan andi sa nogo?” iluk heinok wogisasikhesik he, ”An nen he, at andi nen fano ikhe, iluk afuni Israel mene loageluk nenahalok At ane holfuluk lani igin? Tuhan andi ebe nonggotma re, afuni Israel mene andi, lani, iluk yagaisagain lego,” iluk yagaisasikhe.

KELUARAN 1:22

A'nogo hilinglagaukwama, at raja Firaun nen he, afuni Mesir mene mondogat inoba yi'nogo yagaisasikhe: ”Afuni Israel mene inomalik ta'lagu halok, abengge halok he, i Nil ima lakfisikhi logolik, helengge ta'lagu halok he, inanum palinafunogo,” iluk yagaisasikhe.

KELUARAN 1:16

”Hit hemi Ibrani mene ineagwi takhugunem leberisikhi logolik he, yi'nogo hilingiti logoino: Omalik ap ta'lagu halok inoati logolik, hemi ta'lagu halok ineluk herakfisikhi logoino,” iluk yagaisasikhe.

KELUARAN 1:10

Weim kagalasigin halok, it selei mene inom fano asimbik, nit ninoa'luk o yoma herakfuluk ekhema wulibugun anggikhi lagi o. Halok, it hobuk inebe hokho asinogo iluk niren ekhe hilinginabuogo,” iluk yagaisasikhe.

BILANGAN 33:4

inagainafuri manggusa mene Tuhan nen pinggi inoatikhemo inebe warek he kwe-angma salinafukwama ineil isasukwa. A'nogo hilingitukwa andiba re afuni Mesir mene inanggembu ilah omanogo omame lek hak hilingik kwelek Tuhan enek he Omame Mondok Hokho mene a'nogo weinamet fesikhe andi.