KELUARAN 17:7 - Allah Wene Fano Wene Hupla Inane

⁷ A'nogo hilingitukwa andi re, it afuni Israel mene nen, nineisena Tuhan Allah ninom welago a? Lega, iluk obabut paluogeluk hilingitukwa andi nen o andoma enu ekhe re, ”Masa,” iluk salhik, nen wene palogo lalhukwa andi nen, enu, ”Meriba,” salhik, isukwa.

KELUARAN 17:7 ပူးပေါင်းရင်းမြစ်များ

MAZMUR 106:32

I Meriba mogo habulikwe omanogo nen iren Tuhan a'mage lagou hak mene nek hilingitunem he, iren hilingiti lagaukwa mene andiba at Musa a'nogo afekwe nonghong u hak enek hilingfikhi lagaukwa.

MAZMUR 78:18

Iren he ineranen Allah obabut palugun iluk he, nunggungge it inamolo mene omanogo kinoti lagaukwa.

MAZMUR 81:7

”Hat horoa'ma enggin sagalirek mene a'nogo An nen hambokhogo wokhiigi o, nen hat homoloba sungge harogo welagagin mene a'nogo waganogo figi aro.

MAZMUR 81:8

Hat hebe mondok wiik-weakhogo logolik hane kwetu were'ma re, An nenat hagap telogo hobagasigi. An nebe hinago welagirek oba nen he unggunggu subukhogo hane onggo yagahetigi aro, nen i Meriba elesimo aremnogo nen he An nenat hat hobabut palheasigi.

MAZMUR 95:8

inungguloak haro logolik Allah ane ninabit iluk, Allah obaharo asuageluk hundik-handik obabut palhi lagaukwa hak he, yogondak Allah nen wene yagahisugunem laga logolik he: ”Ninabit iluk hinendawinggen omame aguba.”

KELUARAN 17:2

A'nogo hilingik welagaikhemo iren he, inane mul-mul Musa mel yagatukwa: ”Nit ninagai noageluk i ekhe wo'nisan o,” iluk yagatukwama, at Musa nen he, ”Hit he, Tuhan a'mage werek a? Lega, iluk, an noba wene palogo nenahalok lalnafi lagep,” iluk yagaisasikhe.

KELUARAN 34:9

mel yagatikhe: ”Tuhan neisena, hat eberogo nenat, an nebe hoba liok ili'lago halok, hat hebe nit fetninarek logoinogen iluk hayonggo figi andi nane hesanggo holin o. Afuni Israel mene andi inendawinggen mondok helep meneat he, niren yi weak ti weak hokhorogo hilingitorek mene andi, haren sagalogo legetfisambik he, ninebe hat honggwarek hagainafuri meneatma wo'ninabino o, neisena,” iluk ayonggo fesikhe.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

MIKHA 3:11

Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi.

BILANGAN 14:22

An nombak-bak mondok yararethigirek mene andiba, iren futfouwageluk, elalin mene o Mesir en hilingitunem ineilenggen higik, o leimo afuni le'ma nen hilingitunem ineilenggen higik, ili'lagwi meneat he, An nane hologo hilingisu mondok inabit logolik, iren he, omame werega? Lega, iluk nobabut paluogeluk lalnafu mondok werek andi nen, afuni it aroma mene ebe eluk ekhe inom hogo logombik, An nen o it inombalak wogisageluk wene warisasigiba andoma logoin mondok lego.

BILANGAN 20:13

O andoma it afuni Israel mene nen, ”Yigini'mo yoma logou ninabire,” iluk Tuhan yagatukwama At onggwarek omameba a'nogo hilinginafikhe andi nen, i elesi andi enu Meriba salhukwa.

BILANGAN 20:24

”Hat Harun he, An nen afuni Israel mene o wogisageluk wene warisasigiba andoma kwigin lego. Hit hemberegen i Meriba elesi wulibi wagaikheba andoma nen An nane sagalogo hilingitep a'nogo nen, hat wa'lasigin o.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

ULANGAN 31:17

It a'nogo hilingita halok he, An na'makwe mondok hetperimbik, nanini inoba fagain o. A'nogo fembik it inebe arat herakfisambik he, inebe mondok legetfisagain o. A'nogo legetfisikhi logolik, yi mene ti mene inailo mene hokhorogo inoba fugunem iren he, eige, nit he, nineisena Tuhan Allah fetninarek werek lek higi, iluk futfogoin o.

ULANGAN 33:8

A'nogo yagatikhesik, afuni inunggulenu Lewi mene faget, wene Allah mel yagatikhe: ”It ap hat hamingmingengge ekhe inunggulenu Lewi mene hat hoba lomborogo logolik, hebe eisewerek welagaikharek. Logolik, inami'mo itarek mene Urim inom Tumim inom oba hat hendawimo anggegendek mene faget heinok wanhunem senggerogo yaganisoagaluk yagaisegendek andi. O Masa andoma nen inobabut palhik, i Meriba elesimo andoma nen hinom wene palhik, isigip oba nen,

ULANGAN 6:16

Hit waga logolik, o Masa andoma nen nineisena Tuhan Allah a'mage werega, lega, iluk obabut paluogeluk hilingirik wagep andi hak hilingiti logogubo.

ULANGAN 9:22

Nen, hit o Tabera inom, Masa inom, Kibrot-Taawa andoma logolik, At nineisena Tuhan a'makwe het-pet uagaluk weak hilingitigip aro.

YOSUA 22:31

A'nogo anggasukwama, at Pinehas imam Eleazar amlogo a'nogo nen it inunggulenu Ruben, Gad, Manasye timur fikhit mene aremnogo inoba yagaisikhi logolik, ”Yogondak he hiren Tuhan ane sagalogo hilingitep le'ma re Tuhan nit ninom werek a'nogo hinelu aga. Hiren he Tuhan nen afuni Israel mene wene inoba feinogo iluk inagap telinafep,” iluk yagaisasikhe.