KELUARAN 17:3 - Allah Wene Fano Wene Hupla Inane

³ A'nogo yagaisasikhe meneat he, it afuni omanogo i mondok nele hokhorogo agaikhemo re, Musa oba inane mul-mul fikhi logolik, mel yagatukwa: ”Nit ninebe inom, ninagainafuri inom, ninanggo inom, i nele nen o yoma wa'lasuageluk, o Mesir en wo'ninarek wagen andi nenahalok,” iluk yagatukwa.

KELUARAN 17:3 ပူးပေါင်းရင်းမြစ်များ

NEHEMIA 9:15

Nen, it inamburu endebatma, nele were'ma, haren inamburu pogoroba nen pelagisa waga lagagin andi. Nen, it i mondok nele were'ma, haren, helep mondok haro mondok mene elema nen i elesi wulibisogo wogisasigin andi. Nen, haren he, An nen o andoma hit eise asubagaigen wokhisagain o, iluk honggwarek henu hombuk palogo yagaisasigin oba, yoma kwi wesuagaluk yagaisasigin andi.

NEHEMIA 9:20

Hat Hareagun fano meneba it komorinafi lagagin andi. Haren it inamburu manna mene kamo igi'lek wogisugunem ninggik, inagai nele were'ma wogisugunem elokhogo ninggik, ikhi lagaukwa andi.

MAZMUR 107:5

It inamburu inagai nele nen, inobakheindok pala'luk, inendawinggen nong-hong ikhi lagaikhe.

KELUARAN 12:38

A'nogo waga logolik, inanggo hokhorogo sapi inom, domba inom, kambing inom waluk wagunem, inanggele'ma afuni pok mene inomat inebe hokhorogoat inom wagaukwa.

KELUARAN 14:11

A'nogo yagatukwasik, Musa mel yagatukwa: ”O Mesir afuni salinafarek oba re, legen o yoma wa'lasuageluk wo'ninarek wagen nogo a? Hat hilingiten oba re, yi hilinglasugun yi yethan.

KELUARAN 15:24

Andi nen it afuni omanogo inane mul-mul Musa oba fesukwasik mel yagatukwa: ”Nit i koma mene nogoin nogo,” iluk heinok wokhasukwa.

BILANGAN 14:22

An nombak-bak mondok yararethigirek mene andiba, iren futfouwageluk, elalin mene o Mesir en hilingitunem ineilenggen higik, o leimo afuni le'ma nen hilingitunem ineilenggen higik, ili'lagwi meneat he, An nane hologo hilingisu mondok inabit logolik, iren he, omame werega? Lega, iluk nobabut paluogeluk lalnafu mondok werek andi nen, afuni it aroma mene ebe eluk ekhe inom hogo logombik, An nen o it inombalak wogisageluk wene warisasigiba andoma logoin mondok lego.

BILANGAN 20:4

Hiren nit o leimo afuni le'ma yoma wo'ninarek wagep yoma nenahalok? Nit ninebe inom, ninanggo inom, yoma wa'lasuagaluk wo'ninarek wageba?