KELUARAN 17:14 - Allah Wene Fano Wene Hupla Inane

¹⁴ A'nogo mabenet fisasukwama, At Tuhan nen Musa mel yagatikhe: ”It afuni Israel mene inomame agaikha mene andi inendawimo eberek mondok logouwagen he, lisu palogo fein o. Nen, An nen afuni Amelek mene mondok leget fisagain o, iluk Allah nen ikhe, iluk Yosua yaga'no o,” iluk yagatikhe.

KELUARAN 17:14 ပူးပေါင်းရင်းမြစ်များ

2 SAMUEL 1:1

Saul ebe wa'lagaikhemo, at Daud ap Amalek mene inomame leget fisaluk, ambotkwe o Ziklag wagaikhesik enggi pire welagaikhe.

1 TAWARIKH 4:42

Nen, at Yisei againafuri omanogo nen woginarek menere, hun Pelaca, Nearya, Refaya, Uziel inom, nen it inunggulenu Simion mene fena inebe 500 mene inoma he o Edom mo liabi wagarek fikhit andoma pugulogo lagaukwa.

1 TAWARIKH 4:43

Andem oba re it afuni inunggulenu Amalek mene fena welagaukwa mene omanogo inoatukwasik he yogondak huli nen o andoma welagaikharegat.

EZRA 9:14

Arigini'mo re niren Hat Hawene melalek a'nogo herakfuluk taganhogo hilingiti logolik afuni inobabut weak mene andi re ninggi'nogo woginafo aplerek? Niren nekhe aple a'nogo nek hilingisugun halok he, eberogo Hat mondok ha'mage lagaluk ap misik iluk ogo ekhe eluk figi'lek mondok alpisanghogo ninoaten aplerek.

AYUB 18:17

It afuni o kota elonggo fikhit werek mene nen inom, endakwe fikhit werek mene nen inom, ap a'nogo agwi iluk ebesugun mondok lek, at enu re ap misigen iluk ogo ekhe eberek logogun legat.

AYUB 19:23

Wene an nen yagahisikhi lagi mene andi, eberek logobagaigiluk ap ekhe nen buku ba lisu palogo feilep agwi.

MAZMUR 9:6

Haren he it afuni ekhema-ekhema inunggulenu lombok omanogo unggum wogisigik, weak hilingitarek mene omanogo leget fisigik hilingitunem he, it afuni ekhe nen it inoba eberek logogun lek.

KELUARAN 12:14

A'nogo hinoati'lek herakhinobagagin andi nen, hiren he, Nineisena Tuhan nen he o yi sambulat ninoati'lek herakninobagasikhe iluk, An noba ebetnafi logolik, ninggi logogun mene attak-attak erora'no. A'nogo naluk he, hobuk tahun ebe lombok oba, hiren Pesta Paskah andi hakhogoat ninggi logoino ikhe, iluk yagaisano,” iluk Musa Harun emberek inoba yagaisasikhe.

KELUARAN 13:9

Niren seni isati lago mene andi re, inendawinggen wenggelogo iluk inenggi falfalik oba pugetik, inelhaba pugetik u hak he, nineisena Tuhan omame hokho mene a'nogoba hit o Mesir en waganogo wulak hinobagai wagaikhe andi. Andiba re, hiren seni yi mene hilingiti logogun oba re, wene melalek yi'nogo hilingi'no ti'nogo hilingi'no iluk werek mene a'nogo hinambeba nen igik, ebe furogo pilingitik, ikhi logogun.

KELUARAN 17:13

A'nogo werek kwelek he, afuni Israel mene nen Amelek mene mabenetfisasukwa andi.

KELUARAN 24:4

A'nogo isukwama re, at Musa nen nineisena Tuhan nen, ”Yi'nogo hilingiti logoino, ti'nogo hilingiti logoino,” iluk yagatikhe mene andi mondogat lisu palhikhe. Palhikhesik ohealek hubet he, tom a'ma andoma wam yi mene ti mene Allah faget warogo endu noleti logogun oba obuluk ebe hilingiti logolik, eisok helep mene 12 nen hilingisogo menegeisogo fesikhe. Eisok andi ebe lombok he, afuni Israel mene inunggulenu werek higithogo hilingisogo fesikhe.

KELUARAN 32:33

A'nogo yagatikhemo, At Tuhan nen he, ”A'nogo hilingisigin lego. We, afuni ekhe An neilhanem weak hilingita mene inenu nek he, buku andiba lisu palek mene terogo lakfisagain o.

KELUARAN 34:27

A'nogo yagatikhesik Tuhan nen Musa ekhe mel yagatikhe: ”An nen wene yagahisigi mene yibaat hat hebe inom, afuni Israel mene ekhe inom, wene warogo wokhinafi andi nen he, lisu palogo fein o,” iluk yagatikhe.

AMSAL 10:7

Ap fano mene re inenu fanot fisugunem inoba eberek werek oba nen, ap weak hilingitarek mene re inoba weak weagat inonggot agarek.

YEREMIA 30:2

an noba ikhi logolik, ”Linggene ekhe wesigin meneba re An nen nagainafuri Israel mene inom Yehuda mene inom it inebe werek aple faget hal fisagain enggere, An nen yagaheti mene andoma mondogat he buku misik mene ekheba palogo fein o. An nen it nekhengge woginabimbik o kweang it inombalak wogisasigiba andoma fisa wesigin. Ma re kweang andi it nekhengge eise asimbik logogun. Iluk An Tuhan nen nane mondogat igi o,” ikhe.

YEREMIA 36:2

”Buku yinggilik mene misik ekhe wanimbik he An nen hat hoba afuni Israel mene inom Yehuda mene inom, yi afuni ti afuni inunggulenu lombok faget inom, yagaheti mene andoma lisu palogo fein o. An nen attak at Yosia ebe raja logolik ferinarek welagaikheba attak-attak yagatigi mene a'nogoba nen erorasimbik he yogondak ya huli yagaheti lagi mene andoma mondogat palogo fein.

BILANGAN 24:20

At Bileam abikanggoba a'nogo yethikhi logolik, afuni Amalek mene eilenggen yerisasikhe. A'nogo yerisasikhesik, wene it faget hobuk hilinglasigin mene mel isikhe: ”Afuni inunggulenu lombok mondogat kweangma welagaikharek mene endebat elo'lek hangge meneat he, Amalek mene nek he, inomame hokho werego. A'nogo meneat he, afuni inunggulenu andi mene logombigen wurep oba re, inebe mondok-mondok lek asugun o,” iluk isikhe.

BILANGAN 33:2

Tuhan nen Musa oba yagati logolik he, iren o sabu ya wutik ta wutik wagaukwa kwe andoma enu lisu palhigik fouwageluk yagatikhe.

ULANGAN 31:9

At Musa nen a'nogo yagatikhesik, wene Allah nen, ”Yi'nogo hilingiti logoino, ti'nogo hilingiti logoino,” iluk komorinafikhe wene a'nogo lisu palogo fesikhe. A'nogo palogo fesikhesik he, it ap Allah eisewerek inunggulenu Lewi mene Peti Wene Warogo Allah nen wo'ninafikhe iluk hilingik mene a'nogo waluk nikhi logouwagaluk inayonggo fesukwa mene omanogo inom, afuni Israel mene inogogwi mondogat inom, wogisasikhe.

YOSUA 4:7

yi'nogo yagaisikhi logoino: O endamat, niren nineisena Allah nen Peti Wene Warogo wo'ninafikhe iluk hilingik a'nogo waluk wulibi wagunem, i Yordan yaga'lagaikhesik firok isikhemo, waluk wulibi wagagu mene o, iluk yagaisikhi logoino. Wene andi, it afuni nen hinedawimo ebethisikhi logou hak, helep andi nen, Allah nen ti'nogo hilingitikhe iluk hit afuni Israel mene hinendawimo ebethisikhi logogin o,” iluk yagaisasikhe.

1 SAMUEL 15:18

A'nogo welagen andi nen, nineisena Tuhan nen he, afuni Amalek mene Allah ane holhi'lek weak hilingitarek mene andi hinom weim yafi logolik, inebe mondok felelenghogo leget fisanogen iluk yagahete andi.

1 SAMUEL 30:1

A'nogo lagaukwasik he linggene pire welagaukwasik at Daud inom, agoromi omanogo inom sugulogo o kota Ziklag lagaukwa. It inebe omanogo lagaukwasik hilingitunemen he ap Amalek mene re o Yehuda abel a'ma selatan fikhit andoma pin kwi wagaukwasik he, o Ziklag a'nogo inom inoasi wagaukwa. Iren he ap misik iluk ogo ekhe inoatukwa lek meneat he, o kota a'nogo abirengge endu fikhi logolik he, kwe pikhit louwogeluk hemi inom, yenggerugwi inom, afuni fena inom hele warogo woginarek lagaukwa. Nen, iren he at Daud eisok erokwe mene mondogat inom, nen at agoromi ineisok erokwe mene mondogat inom, hele warogo woginarek lagaukwaat. Nen, a'nogo laga logolik he at Daud agagwi inebe pire hele Ahinoam inom Abigail inom aremnogo ogore inomat woginarek lagaukwama re, at Daud inom agoromi inom he inendawinggen warugu mondok logolik he leagu werek kwelek enek he inoba mondogat lebelek agaikhe.

1 SAMUEL 30:17

O wei igiluk hil mogolhu kwelek aremnogo re, Daud a'nogo nen it were'ma pin kwisikhemo weim yafu werek kwelek enek he o mondogat hup agaikhe. A'nogo hilingitunem it ap inebe 400 nen mene wam unta amboloba lagaluk wulifukwa mene aremnogo nen enek oba nen he it inaselei mene misik ekhe iluk polokhogo wulibi lagaukwa lek.