KELUARAN 17:1 - Allah Wene Fano Wene Hupla Inane

¹ A'nogo hilingiti lagaukwasik, hobuk it afuni Israel mene inebe mondogat at nineisena Tuhan nen he, ”Yi'nogo hilingi'no,” iluk yagaisikhi lagaikhe hagat, o leimo afuni le'ma enu Sin leimo andoma herakfuluk he, o ekhema nen ekhema wagik, wagaukwa. Inenggi ekhe sambul he, o su mene o Rafidim andoma wutukwa, meneat he o andoma i nunggu mene mondogat lek welagaikhe.

KELUARAN 17:1 ပူးပေါင်းရင်းမြစ်များ

KELUARAN 15:22

Hobuk at Musa nen afuni Israel mene i enu Gelagah yenggelek a'nogoba nen woginarek o leimo afuni le'ma enu Syer wagaikhe. Inenggi henagan oba waga logolik i mondok le'ma waga lagaukwa.

KELUARAN 16:1

Afuni Israel mene o Mesir herakfisaluk wulibi wagaukwasik oba re, tugi ekhe mum agaikhesik he, hobuk ekhe folokhogo tanggal 15 oba, o Elim en waga lagaukwasik he, o andoma nen honggolek, tom Sinai nen honggolek, tulem o leimo afuni le'ma enu Sin andoma wagaukwa.

KELUARAN 17:8

It afuni Israel mene omanogo o Rafidim andoma were'ma, afuni Amelek mene inoasuogeluk wagaukwa.

BILANGAN 20:2

Inenggi ekhe sambul he, it inawi su mene wuri'mo andoma i mondok lek welagaikhe. A'nogo weregen, afuni Israel mene omanogo Musa Harun emberek inoba andogosi wagaukwa.

BILANGAN 9:17

Ohena andi salek wela'luk lagagu halok he, afuni Israel mene inawi su mene wurik omanogo meisalhigik helaluk waga lagaukwa. Waga logolik, ohena a'nogo o ekhema pi we'luk kamo ugu halok he, o andomaat inawi su mene wuti lagaukwa.

BILANGAN 9:23

At nineisena Tuhan nen he, ”Yi'nogo hilingi'no,” iluk Musa nen yagaisoageluk yagatikhe higithogoat, it inom wela'luk ekhema nen ekhema wagik, ya higil ta higil waga lagaukwa andi.