KELUARAN 16:7 - Allah Wene Fano Wene Hupla Inane

⁷ Hobit hubet siakhogo, At nineisena Tuhan ebe ninom welago andi ombak-bak ineilenggen silik-pabuk igin mene hogoin o. Wene niren hit yagahisikhi lago andi re, nineisena Tuhan komotninafi logolik, yi'nogo hilingi'no, ti'nogo hilingi'no, iluk yaganisikherek mene nek yagahisikhi lago andi nen he, hiren hina'mage lagaluk wene palhi lagep andi, nit ninoba palhi lagep fuk. We, nineisena Tuhan oba palhi lagep mene esanggo arat holhe o.

KELUARAN 16:7 ပူးပေါင်းရင်းမြစ်များ

KELUARAN 16:10

A'nogo yagatikhemo, at Harun nen it inebe mondogat yagaisugu kwelek, it ineilenggen o leimo afuni le'ma higit yethasukwa re, nineisena Tuhan ebe ombak-bak ineilenggen silik-pabuk igin mene ohena elonggoma nen weinam agunem ineilenggen yethasukwa.

KELUARAN 16:12

”Afuni Israel mene nen wene pali'lagwi andi an arat nesanggo holhi o. An nen wogisugunem, hu'mokwe re sue ninggik, ohealekwe re sumburu roti hangge mene ninggik, inalabut ninghogo ninggi logogun o. A'nogo wogisugunem, An it ineisena Tuhan Allah nebe futnobagagun o,” iluk yagatikhe.

KELUARAN 16:8

Hit hina'mage lagaluk ninoba wene fikhi lagep andi, eberogoat he, nineisena Tuhan oba wene fikhi lagebo. Wene ikhi lagep mene andi re, nineisena Tuhan esanggo arat holhe andi nen he, aren hit nogoin mene faget hu'mokwe re, sue wokhisigik, ohealekwe re, sumburu roti hangge mene wokhisigik, ugunem hinalabut ninghogo ninggi logogun o, iluk eberogoat yagahisogo,” iluk yagaisasukwa.

KELUARAN 24:10

Lagasukwasik he, afuni Israel mene ineisena Allah ebe o hulu helep enu nilam hangge mene elokhenggen pogot muli mene mondok lia-fiarek mene hangge talek oba mendek were'ma ineilenggen hasukwa.

KELUARAN 24:16

Salhikhemo At Tuhan ebe ombak-bak hokho meneba werek mene a'nogo tom oba pi wagunem he, afuni Israel mene nen he, endu tom punu ebeba nen amuilok ibilik werek mene hangge ineilenggen liakhasukwa. Inenggi falfaligen he ohena tom punu andi salek mondok welagaikhesik, inenggi ekhe sabit meneba re Tuhan ebe ohena a'nogo elonggoma nen Musa woletikhe.

KELUARAN 40:34

At Musa nen o a'nogo arat wutikhemo nen, hobuk he, ohena Tuhan awi wuri'mo andi sebeli pi we'luk Tuhan ebe andoma were'ma re, o andi o hulu mondogat ombak-bak mondok hokho mene yararet hikhi lagaikhe.

YESAYA 35:2

O andoma mondogat owil-owilengge wurilogo fegelik lagunem, inagaiyegen wuni lekhikhi logogun. Elokhe hilingik logogin mene re tom Libanon hilingik hakhogo mondok pigin-pugunsek logogin. Elokhe heanerogo hilingik mene re o Karmel fanggong inom, Saron fanggong inom hak hilingik logogin. A'nogo hilingi'mo re ap inebe lombogen nit nineisena Tuhan Omame werek mene a'nogo inom nen nineisena Allah elalin hilingiterek mene omanogo inom ineilenggen hogoin.

YESAYA 40:5

Andiba re At Tuhan Omame Mondok Hokho welagarek mene a'nogo weinamet fugunem yi afuni ti afuni inebe mondogaren ineilenggen hogoin o. Wene andi eberogo mene, Tuhan ebe nenat ikhe!”

IMAMAT 9:6

Kabogetukwama at Musa nen yagaisikhi logolik, ”Tuhan nen a'nogo hilingi'no iluk yagahisikhe andi re, hiren At ombak-bak selek mondogat logolik hinelokhoma weinam ari'lago a'nogo hineilenggen hoageluk yagahisikhe o,” iluk yagaisasikhe.

BILANGAN 14:10

A'nogo yagaisasukwama, it afuni omanogo ina'makwe het perisukwasik, helep oba tung-tanghogo inebe mondok pinggi inoasuogeluk isukwa. A'nogo isukwa meneat he, aremnogoat Tuhan ombak-bak fogeratarek mene o At awi su mene wuri'mo tum oba weinam agaikhesik yararet hasikhemo, it afuni omanogo ineilenggen yethasukwasik he, kamo isukwa.

BILANGAN 14:27

”Afuni inobabut weak mondok hilingitarek mene o andoma nen An na'mage lagauwageluk, yigini'mo yoma ninabire, iluk inenggi miren oba nen yaganeti logogun nogo. Iren, nabire, iluk inane yi'nogo ti'nogo yaganeri'lagwi mene andi An arat nesanggo holhi o.

BILANGAN 16:11

Hat inom agaila'lak mukharek wagaikha mene oma hinomen Harun eilhanem hinane mul-mul ikhi lagep mene andi ibi-eberogo nen he, Tuhan ane oak sagalhi lagep andi!” iluk yagaisasikhe.

BILANGAN 16:42

It a'nogo kabogetukwasik Musa inom Harun inom inoba wenagisikhi logolik, it inelokhe hebelogo Tuhan Awi Sabu wurik fikhit omanogo yethugunemen he ohena o a'nogo salhunemen he ombak-bak Tuhan werek aple a'nogo weinam agunem hasukwa.

BILANGAN 17:5

Ap An nen wenagaisogo figi mene andi arige tomuk enek he asimit wulibigin. Andi hilingisigin oba nek he it afuni nen hundik-handik hat hoba inane mul-mul yagaheri'lagwi mene andoma lek palfogoin o.” iluk isikhe.

YOHANES 11:4

at Yesus yagasi lagaukwama, esanggo holhikhesik he, mel yagaisasikhe: ”Ou oba agama werek andi nen ebe wa'lasigin fuk, we an nen higitunem afuni nen Allah ebe fogeratik, amlogo an fogetnafik, uageluk ou oba aga andi o,” iluk yagaisasikhe.

YOHANES 11:40

at Yesus nen he, mel yagatikhe: ”An nen wene yagaheti logolik, hendawinggen an noba eberogo himbiret fegen halok he, Allah fogeratarek mene a'nogo nen ekhe hilingitunem heilenggen hagain aro, iluk arat yagaheti lek nogo? Yagaheti aro,” iluk yagatikhemo,