KELUARAN 16:34 - Allah Wene Fano Wene Hupla Inane

³⁴ A'nogo yagatikhemo, at Harun nen sumburu Manna a'nogo mene belanga elema kwelagaisogo re, nineisena Tuhan nen, yi'nogo hilingi'no, iluk isikhe hagat fouwogeluk he, Peti Allah nen wene warogo wo'ninafikhe mene iluk werek mene a'nogo elokhoma fei wagaikhe.

KELUARAN 16:34 ပူးပေါင်းရင်းမြစ်များ

1RAJA-RAJA 8:9

Peti andi elonggoma re, yi mene ti mene ekhe kwale'lek, we, helep pire afuni inunggulenu Israel mene o Mesir en Kanaan wesuogoluk wagunem, nineisena Tuhan Tom Sinai ba nen wene Warisasikhe mene at Musa nen kwalogo fesikhe mene a'nogo nek kwalek welagaikhe.

KELUARAN 25:16

A'nogo hilingfuluk he e peti andi elonggomare, An nen Nawene melalek helep pire meneba palogo wokhetigi mene aremnogo kwal feino.

KELUARAN 25:21

Helep pire andi peti andi elema fembik he ambe sebelogo feino.

KELUARAN 27:21

At Harun amlogomi inomen he lampu andi hu'mokwe huli nen he, hubet huli andoma iren enek An nebe weinam asi waga logogin oba, Peti Wene warek mene a'nogo elokhoma re, kain kologo pelabek mene endakwe fikhit andoma nen halhi logogun. Wene melalek andire, afuni Israel mene inom, iren tagongge mene inom huli andomaba hilingitu mondok-mondok logogun,” iluk yagatikhe.

KELUARAN 30:36

Amben engge andi mene fena re, sagik-sagokhogo hilingfeino. A'nogo hilingfuluk he, ebe waluk An Nawi sabumo andoma kwi laluk Peti Wene Warek were'ma andoma kweisali laga logoino. Amben-amben engge andi re, mondok wesarogo An nobaget enogo werek mene anggikhi logoino. Hit hinonggwarek mene faget he amben-amben engge andi hakhogo inom higithogo ekhe pugunera fuk.

KELUARAN 30:6

Wut fuluk he mezbah andi re ebe e Peti Wene Warek mene a'nogo elokhoma kain werek mene andi takwe fikhit obalik An nebe hat ninom ambi aga logogun oba andem hutfeino.

KELUARAN 31:18

A'nogo At Tuhan nen Musa inom Tom Sinaiba nen ane arat isikhesik he, At Allah nen helep pire kagalek meneba Allah awene melalek a'nogo onggwarek enggi nen palogo Musa wogetikhe.

KELUARAN 38:21

Tuhan Awi Sabumo helep pire meneba Allah Awene melalek 10 nen a'nogo palegengge were'ma hilingiti lagaukwa mene enu palek he yi. Enu palek andi re at Musa nen wene lenggalek oba it ap Lewi mene, hun Imam Harun amlogo Itamar a'nogo nen lenggalinafu kwelek hilingiti lagaukwa mene omanogo palfesukwa.

KELUARAN 40:20

A'nogo salhikhesik, helep pire a'nogo peti Allah nen wene warogo wo'ninafikhe iluk hilingisogo elema kwelakfesikhe. Kwelakfesikhesik, peti ambe yagarogo re, epokhogo waluk nikhi logogun mene senggan oba kelhigik fesikhe.

BILANGAN 1:50

It andi re, An Nawi sabu ebe inom o andi elonggoma nen hilingitu mene inom halhi logogun mene wogisano. It ineabu re An Nawi Sabu andi pia'luk lagik, halhik, ikhi logogun. It inebe re, o Sabu andi maserogo andoma inawi sabu wuraluk logogun.

BILANGAN 1:53

Oba nen he, it ap Lewi mene re An Nawi Sabu era'lukwe huli'liphogo wusugun. It andi nen he afuni ekhe horokhogo asi wagunem, An nanini a'luk it Israel mene andoma pinggi inoati hanogo re, iren kagalek logogun,” iluk yagaisasikhe.

BILANGAN 17:10

A'nogo hilingitukwasik hobuk Tuhan ane Musa oba ikhi logolik, ”Harun arige tomuk andi re nekhengge Peti Wene Warek were'ma era'lu fei kwin. Fei kumo tomuk andi andoma were'ma afuni inane mul-mul enek ikhi logolik wene sagali'lagwi mene andi, iren hilingiri'lagwi mene andi palfugu lek halok he, wa'laga logogun iluk inendawinggen wenggelengge logogin o.” iluk yagatikhe.

ULANGAN 10:5

A'nogo waluk pi wagagisik, neisena Tuhan nen, yi'nogo hilingi'no, iluk yaganetikhe hagat, helep sabia pire andi peti hilingisogo fesigi mene andi elema kwalogo fesigi. A'nogo fesigi andi huli nen pikhit o yogondak huli andomaat welagarek andi,” iluk yagaisasikhe.