KELUARAN 16:3 - Allah Wene Fano Wene Hupla Inane

³ A'nogo inoba fesukwasik, mel yagaisasukwa: ”Nineisena Tuhan nit ninebe o Mesir a'lima nen ninoasuageluk herakninobagauwem o. Nit o Mesir logolik he, wam ninggik, sumburu roti mene ninggik, ninalabut ninghogo ninggi lagagu meneat he, o yoma yi mene ti mene le'ma nele nen ninebe mondogat wa'lasuageluk wo'ninarek wagep yoma ri!” iluk yagaisasukwa.

KELUARAN 16:3 ပူးပေါင်းရင်းမြစ်များ

2 SAMUEL 18:33

A'nogo yagatikhemo, at raja wene andi esanggo holhikhesik, endawimo mondok weak agaikhesik he o senggelek ambolkwe meneba kwe ambe palek a'nogo amboloba le arik lagasikhesik mel isikhe: ”Namlogo e. Absalom, namlogo e. Absalom namlogo e. Hat hobali'mo an wa'lasu mene, Absalom namlogo e, namlogo e,” iluk le agaikhe.

AYUB 3:1

A'nogo logolik, at Ayub a'nogo ane wulagaisogo onggwarek ebe ta'lagaikhe sambul a'nogo homan fikhi logolik he mel isikhe,

AYUB 3:10

An nagaisa alabutmo nen ta'lagi'lek logouwageluk, nanggwe huti'lek logouwem, yi enggin ti enggin hikhi lagi andi, higi'lek logouwagaluk neilenggen humunik logouwem. O an nebe ta'lagagi sambul andi re homan ugu logouwago.

AYUB 3:20

Afuni yi enggin ti enggin hikhi logouwagaluk, tagaisogo sele'ma fisagarek andi ninggi'nogoluk nogo. Inendawimo mondok weak logouwagaluk, ineluk taginafarek andi nahalok nogo.

MAZMUR 107:5

It inamburu inagai nele nen, inobakheindok pala'luk, inendawinggen nong-hong ikhi lagaikhe.

MAZMUR 78:19

At ane sagalogo hilingiti logoligenat he, iren ikhi logolik he, ”O leimo yoma nen At Allah nen nunggu mene higithogo wo'nisikhi logou hak nogo a?

MAZMUR 78:25

Aren it nunggu mene faget mondok sik-pikhogo wogisikhi lagaikhe, nen roti re malaikat en nenggarek mene ninggi lagaukwa.

KELUARAN 14:11

A'nogo yagatukwasik, Musa mel yagatukwa: ”O Mesir afuni salinafarek oba re, legen o yoma wa'lasuageluk wo'ninarek wagen nogo a? Hat hilingiten oba re, yi hilinglasugun yi yethan.

KELUARAN 17:3

A'nogo yagaisasikhe meneat he, it afuni omanogo i mondok nele hokhorogo agaikhemo re, Musa oba inane mul-mul fikhi logolik, mel yagatukwa: ”Nit ninebe inom, ninagainafuri inom, ninanggo inom, i nele nen o yoma wa'lasuageluk, o Mesir en wo'ninarek wagen andi nenahalok,” iluk yagatukwa.

KELUARAN 2:23

Tahun hokhorogoat welagaukwasik he, at raja Mesir mene a'nogo ebe arat wa'lagaikhe. A'nogo wa'lagaikhe meneat he, afuni Israel mene, it Mesir mene nen inamingmingengge hangge ferinarek logolik enggin-fenggin inoba fikhi lagaukwa andi nen, ”Allah nineisena, telninabin o,” iluk yagatu mondok welagaukwa mene andi, inane Allah were'ma lagakhi lagaikhe.

KELUARAN 5:21

Ambi agaukwasik he, mel yagaisasukwa: ”Ero hit weak hilingiti lagep oba re, kain agoromi inomen nit ninebe inabiret ninobagagasik ninoa'lep mene. Hit hilingiti lagep andi Tuhan elure'ma re, Aren wene hinoba fouwago,” iluk yagaisasukwa.

YEREMIA 2:6

A'nogo hilingirilik laga logolik iren he, Nineisena Tuhan o Mesir en wo'ninarek wulibi waga logolik, kwe o leikwe yi mene ti mene fulelek legat, mondok weakwe, kiling ele hokhorogo werekwe, puk halongorekwe, afuni lagaikharek lekwe, wo'ninarek wagaikhe mene a'nogo ebe koma werek iluk mel heinok wo'nafi lagaukwa legat andi.

YEREMIA 44:17

Niren wene wato mene andoma re ekhe inom hilingiti logogun aro. Niren he ninagaisa Ratu Surga andi obaget wam warogo figik, nen o kota Yehuda ba oma nen inom, o Yerusalem kwe bene omanogo nen inom, nit ninombawi nen ogo, raja-raja lagen ogo, ap pemerintah ba yabu legoma hilingitarek inaben ogo, nit ninonggwaregen ogo ninetokhogo ninagaisa andiba anggur agai hilingisogo obaget fikhi lagagu hagat, hilingiti logogun o. A'nogo hilingiti lagagu sambul andem he, nit he yi mene ti mene ninenggim sikhogo nek logolik ninamburu werekhogo nek mondok welagagu, nen niren enggen mene ekhe hikhi lagagu lek.

RATAPAN 4:9

It inangge nunggu mene legen inebe aninurogo enggin-fenggin hugu wela'luk orok-orok wa'lari'lagwi, it ap weim oba nen wa'lari'lagwi mene andoma re fano oba nen sumburu nele nen wa'lari'lagwi mene andoma nek he mondogat enggin sek.

BILANGAN 11:15

Haren, an noba a'nogo nek hilingnafi logou fugo, hendawit nabin. An noba enggin-fenggin hilingnafi lagen andi, noba selek asuageluk, nebe hendawit nabimbik weak-weagat noasumo fano o,” iluk wenagetikhe.

BILANGAN 11:20

We, tugi misik inukhogo ninggi logogun o. A'nogo nunggu mondok logombik wurep oba re, hinoba ou agik, hebak wutik, ikhi logogun o. A'nogo hilingisugun andi re, An Hineisena Tuhan nebe hinanggele'ma welagi mene andi herak nobagegepsik, ninaiba Mesir herakfisaluk wago andi ninabire, iluk oba ebeti logolik neilhanem le aga lagep andi nen aro, iluk ikhe, yagaisano,” iluk yagatikhe.

BILANGAN 14:2

A'nogo ikhi lagaukwasik, Musa Harun emberek inoba limamit palogo mel yagaisasukwa: ”Nit ninebe o Mesir a'lima he a? O leimo afuni le'ma yoma he a, wa'la'loma fano mene. Nit ninebe wa'lasumo fano o!

BILANGAN 14:3

It afuni andoma nen nit ninebe ninoa'luk, ninagagwi inom, ninagainafuri inom, hele warogo fisoageluk Tuhan nen o andoma wo'ninarek lageluk waga andi nenahalok. Ninambotkwe o Mesir lamo elo'lek nogo? Elok lagoin aro,” iluk yagaisasukwa.

BILANGAN 16:13

Haren o Mesir kweang mondok fano heisele'ma andoma nen wo'ninarek o leimo yoma ninoasigiluk wulibi wagagin mene andi re higitsek legen a? Nit harenat melalninafu mondok logogin nogo?

BILANGAN 16:41

Andi hilinglagaikhemo ohealekwe re it afuni Israel mene mondogaren Musa inom Harun inom inoba wenagisasukwa. Iren ikhi logolik he, ”Hiren Tuhan againafuri pinggi inoatebo,” iluk wenagisasukwa.

BILANGAN 21:5

”Yigini'mo yoma ninabire,” iluk Allah inom, Musa inom, inendawimo seramet fisasukwasik, mel isukwa: ”Nit o Mesir en wo'ninarek wagen andi nenahalok? O leimo afuni le'ma sumburu inom, i inom, mondok le'ma yoma ninebe wa'lasuageluk wo'ninarek wagen a? Enduk mondok lek namuk andi mene nek nunggu-nunggu mondok ninabire,” iluk inane pou fuangorogo yagatukwa.

KISAH PARA RASUL 26:29

A'nogo yagatikhemo, at Paulus nen he, ”Yogondak ya he a? Logombigen he a. Hat inom, hit ekhe nane yogondak holhi lagep mene hinebe mondogat inom, an nenggi hele warek welagi yi hangge nek hinoba agi'lek, we, an welagirek hagat hilinglasubagaigen iluk Allah ayonggo fikhi lagi o,” iluk yagatikhe.

1 KORINTUS 4:8

Hit yi mene ti mene arat helegep higi. Arat kain akhegep higi. Nit kembu werek kwelek, hit enek he, hinenupogot arat akhegep higi. Hit a'nogo hinenupogot a'lepma, nit ninomat ninenupogot logoilo e. Meneat he, lego.

2 KORINTUS 11:1

An nen wene endebat afuni kembu mene nen agarek igin yi re, wena'nesu fuk, hinesanggo hologo logoni o.

ULANGAN 28:67

Hiren amu mene ekhe hikhi logolik mondok hinailo nen he hinendawimo set pongeti logogun. A'nogo hilingiti logolik o hubanggore weak-weak wei inik agwi igik, nen o linggene logolik he weak-weak o huba'nik agwi igik hilingitu mondok logogun.

ULANGAN 8:3

A'nogo wokhinarek waga logolik, hit sumburu nele logouwageluk eranenat hilinghinafikhesik, hobuk sumburu manna hit inom, hinombalak inom, ekhe ninggi'lek enduk hinonggot mene noageluk wokhisasikhe andi. Aren a'nogo hilinghinafikhe andi re, mel yagahisageluk: Afuni sumburu nek ninggi logolik, ineluk mondok welagaikharek lego. We, An hineisena Tuhan nane igirek mene andi mondogat wanhu halok, hineluk mondok logogun o, iluk yagahisageluk hilingitikhe andi.

YOSUA 7:7

Yosua nen Tuhan oba ikhi logolik he, ”Tuhan Allah neisena! Nenahalok nit Haren wo'ninarek i Yordan fena fikhit yoma wagagin? Afuni Amori meneba wogisagain iluk wo'ninarek wagagin a? Nit wa'lasuageluk hilingiten a, nit he i Yordan fena fikhit a'lima logoiloma nen he fano!