KELUARAN 16:10 - Allah Wene Fano Wene Hupla Inane

¹⁰ A'nogo yagatikhemo, at Harun nen it inebe mondogat yagaisugu kwelek, it ineilenggen o leimo afuni le'ma higit yethasukwa re, nineisena Tuhan ebe ombak-bak ineilenggen silik-pabuk igin mene ohena elonggoma nen weinam agunem ineilenggen yethasukwa.

KELUARAN 16:10 ပူးပေါင်းရင်းမြစ်များ

KELUARAN 16:11

A'nogo yethasukwama, At nineisena Tuhan nen Musa mel yagatikhe:

KELUARAN 16:7

Hobit hubet siakhogo, At nineisena Tuhan ebe ninom welago andi ombak-bak ineilenggen silik-pabuk igin mene hogoin o. Wene niren hit yagahisikhi lago andi re, nineisena Tuhan komotninafi logolik, yi'nogo hilingi'no, ti'nogo hilingi'no, iluk yaganisikherek mene nek yagahisikhi lago andi nen he, hiren hina'mage lagaluk wene palhi lagep andi, nit ninoba palhi lagep fuk. We, nineisena Tuhan oba palhi lagep mene esanggo arat holhe o.

KELUARAN 24:16

Salhikhemo At Tuhan ebe ombak-bak hokho meneba werek mene a'nogo tom oba pi wagunem he, afuni Israel mene nen he, endu tom punu ebeba nen amuilok ibilik werek mene hangge ineilenggen liakhasukwa. Inenggi falfaligen he ohena tom punu andi salek mondok welagaikhesik, inenggi ekhe sabit meneba re Tuhan ebe ohena a'nogo elonggoma nen Musa woletikhe.

IMAMAT 9:23

Andi nen at Musa inom Harun inom Tuhan Awi Sabu sale'ma a'nogo kwisukwasik wulibi waga logolik it afuni Israel mene a'nogo inoba fanot fisugu kwelek, it afuni Israel mene mondogaren a'nogo nen Tuhan ombak-bak selegeraterek mene a'nogo weinam asi wagunem hasukwa.

IMAMAT 9:6

Kabogetukwama at Musa nen yagaisikhi logolik, ”Tuhan nen a'nogo hilingi'no iluk yagahisikhe andi re, hiren At ombak-bak selek mondogat logolik hinelokhoma weinam ari'lago a'nogo hineilenggen hoageluk yagahisikhe o,” iluk yagaisasikhe.

BILANGAN 14:10

A'nogo yagaisasukwama, it afuni omanogo ina'makwe het perisukwasik, helep oba tung-tanghogo inebe mondok pinggi inoasuogeluk isukwa. A'nogo isukwa meneat he, aremnogoat Tuhan ombak-bak fogeratarek mene o At awi su mene wuri'mo tum oba weinam agaikhesik yararet hasikhemo, it afuni omanogo ineilenggen yethasukwasik he, kamo isukwa.

BILANGAN 16:19

Andi nen he, at Korah nen agaila'lak andogerinafikhesik Tuhan Awi Sabu Solombonma omanogo Musa Harun inom inelokhe kwelabek logolik mendek welagaukwa. A'nogo mendek were'ma nen he ferekhogo aremnogoat it afuni ineilenggen werek kwelegat Tuhan aselek a'nogo ombakbaget hasikhe.

BILANGAN 16:42

It a'nogo kabogetukwasik Musa inom Harun inom inoba wenagisikhi logolik, it inelokhe hebelogo Tuhan Awi Sabu wurik fikhit omanogo yethugunemen he ohena o a'nogo salhunemen he ombak-bak Tuhan werek aple a'nogo weinam agunem hasukwa.

MATIUS 17:5

A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,