KELUARAN 15:7 - Allah Wene Fano Wene Hupla Inane

⁷ Homame hokho fogethafarek mene a'nogoba, Hat hoasuogeluk agarek mene mondogat legetfisegen. Hat ha'mage re, endu amuilok yelang-melang ninggerek andi hanggema re, It andi engga lei ninggerek hangge inebe hali ningge.

KELUARAN 15:7 ပူးပေါင်းရင်းမြစ်များ

AYUB 9:4

At Allah andi re hebelek mondok logolik along werek agun hilingi'mo re, ap sa hagen, At ane sagalogo fulugen eluk mondok logou hak nogo?

MAZMUR 148:13

It ap inenupogot ekhe inenu lek hangge werek kwelek, At Allah nek he enu werek logolik, pogot inom, kweang inom At enggiba welagarek, andi nen he hit hinebe mondogaren At enu nek, seralhi logoino.

MAZMUR 59:13

It inambeba nen he weak mene nek agarek, athe ineranen wene nek ikhi logolik hururung inafunem he, iren foget fakhagarek mene andiba ke'nok ikhi logouwak.

MAZMUR 68:33

Hit o kerajaan ekhema-ekhema welagep mene nen he, Allah obaget wuniba fogerati logoni, At Tuhan obaget wuni anggup wulagaisogo ikhi logoni.

MAZMUR 83:13

it andi nen ikhi logolik he, ”Nit he kweang At Allah ebe werek oba andi sebeli kuogeluk welago,” anggagarek.

KELUARAN 14:27

A'nogo yagatikhemo, at Musa enggi i yenggelek a'nogo agum oba higit lakfesikhemo, o hil mogolhu kwelek i ambotkwe welagaikhe hagat hilinglagaikhe. A'nogo hilinglagaikhemo, afuni Mesir mene omanogo inebe teluogeluk walhasukwa meneat he, nineisena Tuhan nen inebe i yenggele'ma mondok pelaginafikhe.

KELUARAN 5:12

A'nogo yagaisasukwama, it afuni Israel mene omanogo helep werasugun mene engga puk engga mene herarik o Mesir yi awi ti awi mondogat wulifukwa.

KELUARAN 9:16

A'nogo meneat he, yi mene ti mene inugisagarek andi hak, An nomame hoageluk, An nenu o yi awi ti awi loageluk, hinebe mondok hinoati'lek herakhinobagagi andi o.

YESAYA 37:17

Tuhan neisena, nit ninoba hilinglari'logo mene oma fut ninobagakhi logoin o. Hat Allah heluk mondok welagen mene a'nogo hoba at Sanherib en sebelogo hobagali'logo mene andi hesanggo holin o.

YESAYA 37:23

Nen haren he andi saba hilingiti lagi iluk halapsiri watik, sebelogo figik, ikhi lagen nogo? An he Israel mene ineisena Allah a'nogo aro, nen Allah namu tegelek welagi mene a'nogo noba hilingiti lagen.

YESAYA 37:29

Haren leget fakhikhi logolik wene palhi lagen mene inom, ha'mage lagakhi lagen mene inom andoma An mondogat holhi o. Yogondak he An nen hambisangmangge no mata kail hakhogo wathobagagik, hambeba hele eisel hobagagik, imbik kwe hat wagenkwe andi nen litharek haiba hobagai lageluk hilingiti lagi o,” ikhe iluk lakfesikhe.

YESAYA 37:36

A'nogo lakfesikhemo re hup a'nogoba malaikat Tuhan wulibi wagaikhesik ap Asyur mene inawi sabu sale'ma omanogo wagaikhesik ap sikhe fisogo inap inebe 185.000 nen mene inoatikhe. A'nogo inoatikhemo hubet weirogo re ap warek enek hilinglagaikhe.

YESAYA 37:38

Linggene ekhe sambul he at ebe anggembu dewa Nisrokh eroma omanogo nen obaget hilingitunemen he, at ebe hun Adramelekh inom Sarezer inom at againafuri omanogo nen karok oba talogo watukwa. Ariginhukwasik he Esarhadon amlogo ekhe amu mene at obali'mo raja menlagaikhe.

YESAYA 47:14

Kwelakhan, it he engga puk mene endu nen lei libunghogo ninggerek hak, it inamu nen ekhe inagap telasugun lego! Endu amulok andi re it faget aganhan hokho mene werek, it inoba aganhan hogo sogoi sakhamo re mondok elo'lek.

YESAYA 5:16

Oba nen Tuhan Omame Mondok Hokho mene andi re Aren eberogo hilingiterek mene a'nogo At ebe Omame hokho mene a'nogoba weinamet fagain. Nen, Aren yi afuni ti afuni At againafuri mene inawene katokhogo palinaferek andiba re At Mondok Amu enogo welagarek mene a'nogo inugisagain.

YESAYA 5:24

Hit he hineisena Tuhan Omame Mondok Hokho mene a'nogo nen wene yagahisasikhe mene omanogo ninabit iluk herakfisikhi lagep, nen hiren afuni Israel mene ineisena Allah Mondok Horek mene a'nogo sebelogo fikhi lagep. Andiba re, lei engga inom engga puk mene inom endu nen libunghogo ninggerek andi hak he hirogo hinomanggen mondok fili agik, hinowil puk agik, sogoien mondogat furogo lakhinobagagik, igin o.

YEREMIA 10:6

Tuhan Hat he esin mondok welagen, Hat hinom higit mene ekhe werek lek, Hat henu re mondok lego were'ma homame hokho mene welagen.

MIKHA 4:11

Hit afuni Yerusalem mene yi. Afuni inunggulenu lombogen he, hit Yerusalem mene hinoasuogeluk inebe arat logalhasik werego. A'nogo logalhasik he iren weim abok ikhi logolik, ”Afuni o Yerusalem mene andi re mondok alperelogo legetfisogoin o. O kota andi re, meisak lambukhogo hilingi'mo nineilenggen hogoin!” iluk ili'lagwi.

ZAKHARIA 14:3

A'nogo hilingisumo nen Tuhan wesimbik o attak it ap inunggulenu inap andi inom hilingiti lagaikhe higithogo it inom weim yabi wesigin.

ZAKHARIA 14:8

Inenggi andi sambul i eil habup mene o Yerusalem en wulibi wesigin. Wilibi wesumo re, i andi minggilogo re Laut Mati ba kwelabi lagik, nen fena re, Laut Tengah ba kwelabi lagik, ikhi logogin. I andi re tahun hundik-hundik andoma o hibiba ogo nen meisoba ogo lagu mondok logogin.

ZAKHARIA 2:8

Ap sa nen hit hinoasugun iluk hilinghinafu halok he, An nendawinggenma kagaukhogo noasu hagat hilingisugun o,” iluk ikhe. Andiba re, Tuhan Omame Mondok Hokho mene a'nogo nen an mimingnafi logolik wene a'nogo iluk andi it inunggulenu inap Tuhan againafuri telogo helasukwa mene andoma yagaisoageluk mimingnafi logolik,

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

MATIUS 3:12

Gandum enggen folugun mene faget garpu hangge meneba fologo lakfagain mene at eisewerek mene enggimo werek andi. Tegeligin oba higit asi waga halok, fano mene halok, tegelogo fikherek oba fanoma figik, afulfulengge mene halok endu nagulagarek le'ma a'nogoba lakfisigik, igin o,” iluk yagaisasikhe.

KISAH PARA RASUL 9:4

Fei wagunem he, at Saulus a'nogo kweangma talorogo weing lagaikhe. Weing lagunem he, at ekhe ane koma nen heat yagati logolik he, ”Saulus. Saulus. Anat yi enggin ti enggin hilingnabigeluk mu'narek nihki lagen andi nenahalok,” iluk yagatikhe.

ULANGAN 33:26

A'nogo yagatikhesik, afuni Israel mene lambulogo faget mel yagatikhe: ”Hit afuni Israel mene yi, afuni nen hunogo mene faget, ”Nineisena ebe andi aro,” iluk agarek mene andi, nit nineisena Allah hangge ekhe mondok lego. Halok he, at ebe fogeratu kwelek pogoroba wagik, hit lebethisagaluk ohena anggele'ma heakhogo wagik, ikhi logouwago.