KELUARAN 15:5 - Allah Wene Fano Wene Hupla Inane

⁵ A'nogo pelaginafenma re, helep enggen ima pelakfugunem nanumukhogo ial oba ma'lima pikherek andi hak, It inebe i yenggelek a'nogo nen haumhogo ningge.

KELUARAN 15:5 ပူးပေါင်းရင်းမြစ်များ

NEHEMIA 9:11

Hat hagainafuri inebe wulibi wesuageluk he i laut yenggelek a'nogo healogo kwe yagisasigin andi. Yagisasigindik, i mondok firokse'ma ial pililirekwe nen inebene i kulelagi'legat woginarek wulibi wagagin andi. A'nogo woginarek wulibi wagagindik, ap Mesir mene nen it inoasuogoluk muginarek wagaukwa mene andi inebe helep ima pikherek andi hak, i laut yenggele'ma ma'lima mondok sebelogo pelakfisasigin andi.

MAZMUR 106:11

Oba nen he it inaweim mene omanogo re, misik ekhe polokhogo wilifi'lek, abirengge i a'ma pelaginafikhe.

KELUARAN 14:28

Andi nen he, i a'nogo ambotkwe nabung-habunghogo afuni inebe inangge kereta elonggoma welagaukwa mene inom, tentara afuni Israel mene muginarek i yenggelek a'nogo enggen tulem ki wagaukwa mene ekhe mondogat inom, sebelinafikhemo wa'lagaukwa.

KELUARAN 15:10

iluk ikhe meneat he, Nineisena Tuhan nen heleage misigamat futhegenma, It Mesir mene ima pelaginafen. It inebe helep enggen enggin mene ima nanimukhogo pikherek andi hangge, I ha'labu inailo meneba nanimukhogo pelakfisegen.

KELUARAN 15:16

Neisena Henupogoren hilingiten mene andi. It ekhe nen yagaisamo, inailo hokho asigin, Hat hagainafuri ninaselei mene inailokwe lagunem, inalpouweak hilingisugun lek, Hagainafuri telninafen mene andi re inanggwe selegat logoin.

AMSAL 8:24

I laut hokho yenggelek mene andoma oan elalhi'lek were'ma, i elesi-elesi andoma oan fulogoum esi wagi'lek were'ma, an tak ta'lagagi.

YEHEZKIEL 27:34

Yogondak yi hat he mondogat ubukhogo pegen, laut a'ma ma'lima wolelenggenhogo lek agen. Hagainafuri inom hangge mondogat kwelabek engge omanogo honggwarek hebe hinom seberogo laut ele'ma nen longgo egen andi o,” ikhi logogun.

YUNUS 2:2

”Tuhan neisena! An weak logolik nane hokhorogo hayonggo fikhi lagi mene yi hesanggo holin o. Afuni wa'la'luk wagaikharek oba yoma nen telnabinogen iluk hayonggo fikhi lagi mene yi, hesanggo holimbik futnobagaino, neisena

MIKHA 7:19

Nineisena, hobugen ogo nit hendawi hundik hilingninafik, ninaweak sebelogo legetfisigik ninobagagik, ikhi logoino o. A'nogo hilingninafi logolik niren ninaweak hilingiti lago mene andoma, Hat heisogen sibil sebelisaluk he i laut yenggele'ma ma'lima hugisa pino o.

MATIUS 18:6

A'nogo yagaisasikhesik he, ekhe mel yagaisasikhe: ”Sa nen yenggerugwi magendek yi hangge endawinggen an noba himbirik were'ma obokhogo heraknobagauwageluk endawimo kagaligin oba an obokhogo heraknobagaikhe halok, at endawimo kagalhe mene andi helep hokho mene alonggopma kelogo i laut yenggele'ma enggen tulem andoma tamakhogo pelakfisamo fano o.

WAHYU 18:21

A'nogo ugunem holhiri'mo nen ombo'ne re, at malaikat omame hokho mene ekhe wagasik helep hokho yi mene ti mene sagalharek mene hangge hambokhogo i laut yenggele'ma hugisikhi logolik mel ikhe: ”At Allah nen hit afuni o kota Babel mene, yi'nogoat omamerogo hambokhogo pelakhinobagagin o. A'nogo pelakhinobagaumo hobuk afuni nen ineilenggen hisogoin mondok lego.