KELUARAN 15:16 - Allah Wene Fano Wene Hupla Inane

¹⁶ Neisena Henupogoren hilingiten mene andi. It ekhe nen yagaisamo, inailo hokho asigin, Hat hagainafuri ninaselei mene inailokwe lagunem, inalpouweak hilingisugun lek, Hagainafuri telninafen mene andi re inanggwe selegat logoin.

KELUARAN 15:16 ပူးပေါင်းရင်းမြစ်များ

KEJADIAN 35:5

Salfuluk, at Yakub agoromi inagainafuri inom inebe mondogat wilipluk wagu kwelek, it afuni o kota andoma mene nen muginarek wesinogoluk, Allah nen inebe mondogat inailo mene hilingfisasikhemo, it inebe selek wagaukwa.

2 SAMUEL 7:23

Afuni inunggulenu lombok o yi awi ti awi welagaikharek mene andi, nit afuni Israel mene ninom higit lego. Nit afuni ninunggulenu Israel mene andiat hat honggwarek hagainafuri logouwagaluk afuni Mesir mene nen inamingmingengge higit fetninarek were'ma, telninafigin mene nit ninamunek welago o. Nit faget elalin mene hokhorogoat hilingitigin andiba, henu o yi awi ti awi mondogat lili'lago andi, neisena. Hat hagainafuri weim yabik wagunem, afuni inunggulenu hunogoat mene inebe inom, it inandugwi kembu inom, mugusogo wulakfisasigin andi.

MAZMUR 105:38

Afuni Mesir mene, it Israel mene inoba inailo mondok welagaikhe andi nen he, it wulibi wesuogoluk wagunem inagaiyek mondok agaikhesik, fano helaloak iluk isukwa.

MAZMUR 74:2

Hat hagainafuri o attagat wenagaisogo fakhasigin mene a'nogo ebethan o, it inunggulenu yi mene Hat honggwarek hagainafuri mene asuageluk Harenat fikhalogo wilakfisa wagagin. Hat hebe werek oba faget Handom Sion hilingisogo fegen a'nogo ebethan o.

MAZMUR 89:14

Hat he homame mondok hokho mene welagen, Nen Haren hilingiti lagen mene andoma re mondok elalin mene hilingitendek.

KELUARAN 11:7

A'nogo meneat he, afuni Israel mene inailokwe nek he, afuni inebe inom, wam inom, weagerinafik, inoba sebelhik, igin mondok lego. A'nogo hilingitunem fut fembik, hiren, andi afuni Israel mene ineisena Tuhan nen nit afuni Mesir mene ninoati logolik, afuni Israel mene herakfisikhemo enegat hilinglaga, iluk futfanubagaigeluk a'nogo hilingisigin o, iluk ikhe,’ ” iluk yagatikhe.

KELUARAN 15:13

Haren wene wa'nisasigin mene higithogo hilingiten andi nen, Nit telninafendik wo'ninarek waga lagen, Homame hokho a'nogoba fetninarek welagen, Hat honggwarek hanggweang hore'ma wo'ninarek lageluk waga lagen.

KELUARAN 15:5

A'nogo pelaginafenma re, helep enggen ima pelakfugunem nanumukhogo ial oba ma'lima pikherek andi hak, It inebe i yenggelek a'nogo nen haumhogo ningge.

KELUARAN 15:6

Henupogot neisena, homameba elalin hilingiten, Homameba, selei mene wulil tagalogo inoaten.

KELUARAN 18:8

Kwisukwasik he, at Musa nen eamal oba Tuhan nen it afuni Israel mene inagap teligiluk yi wene ti wene at raja oba inom, it afuni Mesir mene inoba inom, hilingfisasikhe aple omanogo tindelhikhe. Andi nen aren ogore it afuni Israel mene ebekhalem waga logolik enggin-fenggin hasukwa aple inom, nen it a'nogo hugunem Tuhan nen inagap telinafikhe aple inom tindelhikheat.

KELUARAN 23:20

”An nen malaikat misik ekhe hit ebekhalem lagunem hinelokhoma wokhinarek lagik, kweang An nen fouget fesigiba andoma wokhinarek lagik, uageluk ayonggo figirik eberogo nen lakfei wesigin.

KELUARAN 23:22

Hit at oba tipsek logolik An nawene melalek a'nogo furogo hilingiti logogun halok he, hit hinaselei mene andoma An ninomat weim yabugun.

KELUARAN 23:27

Afuni inunggulenu lombok were'ma hit logoin oba andoma, it hinaselei mene andoma inoba An faget inailo hokho mene asuageluk hilingfisagain. An nen hit hinom weim palek mene andoma inafe nong-honget fisagain, An nen a'nogo hilingitunem it hinaselei mene andoma inambotkwe sugulogo heise logoin.

KELUARAN 6:7

An nen he, o Abraham inom, Ishak inom, Yakub inom, hit wokhisagain, iluk hombuk palogo wene warisasigiba andoma wokhinarek lagain o. Lambik o andoma, hit hinonggwarek faget eise mondok logobagaigeluk wokhisagain o. Hineisena Tuhan he, Anaro,” iluk yagaisasikhe.

YESAYA 51:10

Harenat i laut agum mondok uan yenggelek mene firokhogo hilingfesigin, it hagainafuri inagap telogo fisasigin mene omanogo palogo wilibuageluk he, i andi bene Haren ebekwe yak fesigin.

YESAYA 63:12

Nen At Tuhan Musa inom hundik logolik, enggi omame hokho meneba At enu mondok-mondok andoma lego logouwageluk, it inelokhoma i tekhogo maminget fesikhe mene a'nogo koma werek?

YEREMIA 31:11

An nagainafuri Israel mene re ap inunggulenu ekhe inomame hokho mene nen ferinarek were'ma, inagap telinafigisik fikhalogo fisasigi.

KISAH PARA RASUL 20:28

Wam domba wam kwalogo welagaikharek andi hak, hiren Allah againafuri kwelaginarek logouwageluk, at Areagun en hinayonggo fesikhemo, kwelaginarek logolik he, hinonggwarek hinebe hebelogo logoino o. A'nogo hinebe hebelogo logolik he, Allah againafuri yoma, at onggwarek amlogo amep oba woginafikhemo inebe at onggwarek againafuri werek, iluk fanorogo kwelaginarek logoino o.

ULANGAN 11:25

O sili andoma abirenggeba re At hineisena Tuhan Allah nen a'nogo hilingisigin iluk abok yagahisikhe higithogo inailo aga logouwageluk youk kwelakfoumo ap misigen ogo ekhe inelokhe palu elo'lek logogin.

ULANGAN 2:25

O yogondak yi huli nen yi afuni ti afuni inunggulenu lombok welagaikharek mene nen inailot hinafi logouwageluk hilinghinobagagin, a'nogo hinobagaumore afuni nen hit faget inesanggo holhaluk he inailo nen inoak leigeti logogun, iluk yaganisasikhe a'nogo,’ iluk yagaisasikhe.

ULANGAN 2:4

A'nogo isikhemo an nen wene melalek yi'nogo hilingiti logogun ti'nogo hilingiti logogun iluk Tuhan nen hit yagahisoageluk mimingnafi logolik he, yi'nogo isikhe: we hinenggi welagi'legat o Edom kweang oba hit Esau nen tagomangge mene were'ma kuogeluk welagep. Nen hit a'nogo kugunem iren hit faget inailot hinabugun aplerek logou hak.

ULANGAN 32:6

Nineisena Tuhan nen he, fano hilingninaferek mene faget, hiren onggo a'nogo, hilingisu mene hilingiteba? Hit hinobabut kembu hangge, hinendawimo ebesugun elo'lek, hineisena At amuat werek lek nogo a? Aren elalhinafikhe lek nogo a? Hit hinunggulenu re, misigat mene logouwagaluk, wenakhinafikhe lek nogo a?

ULANGAN 32:9

A'nogo meneat he, afuni Yakub en tagongge mene re, nineisena Tuhan, onggwarek againafuri, logouwagaluk wenaginafikhe.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

YOSUA 2:9

Lagasikhesik mel yagaisasikhe: ”At hineisena Tuhan nen o yoma hit hinenggiba fikhemo werek andi re, an nelu o. Afuni yoma mene abirengge hit hinoba inailo mondok werego.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.

2 PETRUS 2:1

Attagat andoma re, ap ekhe it Allah ane yagaisikhi lagaukwa mene inebe higit we'luk ineranen wene ikhi lagaukwa mene, Allah againafuri inanggelekwe menlarik wagaukwa. Andi higit he, hobuk ap ebe wene yagaisagarek mene hangge wesimbik, ineranen ikhi logogun mene hinanggelekwe ekhe weinam arik wesugun aro. Weinam asimbik he, wene afuni inebe weagerinafarek wene yagahisa kwi wesugun. Kwi wesimbik he, ninoe Enupogoren it ninomat telninabigeluk ninonggo palhikhe meneat he, iren he, ”Athe, nit ninoe lego. Ninonggot,” iluk labelhi logogun andi. Labelumo re, inonggwaregen wene weak-weagat inoba fakhaluk weak akhogoin o.

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.

1 SAMUEL 25:37

Hubet he ap Nabal a'nogo afe enggat agaikhemo at agwe nen he weak kwanirogo hilingitikhe mene a'nogo mondogat tindelogo yagatikhemo endawimo warasikhesik oba lebelekhogo warek mene hangge hilinglagaikhe.