KELUARAN 15:1 - Allah Wene Fano Wene Hupla Inane

¹ Afuni Israel mene inomen Allah fogerasuogeluk he, Musa nen wuni yi'nogo isikhe: ”Tuhan nineisena homame fogethafarek mene a'nogoba, Arat mabenetfisegen andi nen, An hat faget wuni wasigin o, Afuni Mesir mene mondogat inanggo kuda oba lagagasik wagaikha omanogo, Mondogat i yenggelek a'nogo ima lakfisegen.

KELUARAN 15:1 ပူးပေါင်းရင်းမြစ်များ

NEHEMIA 9:11

Hat hagainafuri inebe wulibi wesuageluk he i laut yenggelek a'nogo healogo kwe yagisasigin andi. Yagisasigindik, i mondok firokse'ma ial pililirekwe nen inebene i kulelagi'legat woginarek wulibi wagagin andi. A'nogo woginarek wulibi wagagindik, ap Mesir mene nen it inoasuogoluk muginarek wagaukwa mene andi inebe helep ima pikherek andi hak, i laut yenggele'ma ma'lima mondok sebelogo pelakfisasigin andi.

AYUB 36:24

Aren yi mene ti mene mondok pugun-paganhogo elalhikhe mene faget fogeratarek, nen haren ogore we Arenek fogerati logogin halok fano.

MAZMUR 105:43

Againafuri wenaginafikhe mene, inendawimo inagaiyek oba, a'mit suphogo, woginarek wulibi wagaikhe.

MAZMUR 106:12

A'nogo hilingitikhe andiba re it againafuri omanogo At Tuhan nen wene warisasikhe mene a'nogoba eberogo anggasukwasik, At obaget wuni fogeratarek awuni wulakfuluk wati lagaukwa andi.

MAZMUR 107:15

Aren it inobaget elalin mene hilingitik, endawi hundik hilinginafik, isikhe andi nen he, iren At Tuhan hai watik fogeratik ubaat ikhi logouwak.

MAZMUR 107:8

Aren it inobaget elalin mene hilingitik, endawi hundik hilinginafik, isikhe andi nen he, iren At Tuhan hai watik fogeratik u higit obaat ikhi logouwak.

MAZMUR 32:7

An nebe hinak lagirek oba re, hat hebe aro. An weak were'ma re, telnafendek andi nen, nane hokhorogo hai wathafi lagi o.

MAZMUR 76:6

Afuni inailo mondok lek mene omanogo, mondogat telagama re it inebe arat nogo aga andi nen he hobuk ineluk asugun lego. It ap sikhe inenggi puk inap omanogo re inomame mondogat lek agaikha.

MAZMUR 76:7

At Yakub eisena Allah nineisena, it ap wam kuda ba lagaluk weim yabi lagaikharek mene inom, kuda ebe inom ogore, Hat hane pararagen he it inebe mondogat wa'lagaikha.

KELUARAN 14:26

A'nogo isukwama At Tuhan nen Musa mel yagatikhe: ”I ambotkwe nabung-habung hikhi logolik afuni Mesir mene inebe inom, inangge kereta inom, sebelinabuagen he, henggi i agum oba higit lakfein o,” iluk yagatikhe.

KELUARAN 14:27

A'nogo yagatikhemo, at Musa enggi i yenggelek a'nogo agum oba higit lakfesikhemo, o hil mogolhu kwelek i ambotkwe welagaikhe hagat hilinglagaikhe. A'nogo hilinglagaikhemo, afuni Mesir mene omanogo inebe teluogeluk walhasukwa meneat he, nineisena Tuhan nen inebe i yenggele'ma mondok pelaginafikhe.

KELUARAN 15:21

Wuni wati logolik, at Miryam en wuni anggup yi'nogo isikhe: ”Nineisena Henupogot homame fogethafarek mene a'nogoba, arat mabenetfisegen andi nen, hat faget wuni wasuok. Afuni Mesir mene mondogat inanggo kuda oba lagagasik wagaikha omanogo, mondogat i yenggelek a'nogoba pelaginafen o,” iluk wuni watukwa.

KELUARAN 18:11

It afuni Mesir mene nen wonoget fakhikhi logolik hilingitu kwelek At Tuhan nen a'nogo hilingiti laga andiba re, it mene inanggembu ilahi omanogo mondok sebelek werek kwelek At Tuhan enek he mondok hokho mene werek iluk an yogondak futfikhi lagi o,” isikhe.

AMSAL 29:6

Ap higithogo hilingitarek mene re inagaiyek oba fanorogo welagaikharek, oba nen he ap inanini weak mene re inaweak oba inonggwarek yebet fakhagarek.

YESAYA 42:10

Wuni ket mene Tuhan faget felalogo ini o, Hit afuni kweangma welagep mene mondogaren he, Arenek fogera'ni o! I laut inom, elonggoma werek mene inom, yi awi ti awi yatkwe-yatkwe welagaikharek mene inom, inebe mondogat At faget fogerasuogeluk andogosi we'ni o!

YEREMIA 51:21

Hat he An nen ap kuda ba lagaluk lagaikharek mene inom, kuda ebe inom, ap kereta ba lagagarek mene inom, kereta ebe inom haren wolelenggen isoageluk hayonggo figirik wokhafi lagi.

HOSEA 2:17

Afuni nen tugwi kembu Baal andi enu ugu mene inonggorasuageluk he, An nen at oba Baal enu ikhi logou fugo, iluk yagasigin.

HABAKUK 3:18

an telnaferek mene re neisena Tuhan Allah werego, iluk, nendawimo nagaiyek hikhi logolik wuniba Allah fogerati logogin.

BILANGAN 21:17

Andem oba re afuni Israel mene nen wuni watukwa mene yi, ”I mogo-mogongge yoma nen elesi fulogoumhogo wulabi me, niren he wuni warogo wokhabuogen.

KOLOSE 2:15

At Kristus ebe e andiba wa'laga logolik Iblis agoromi kaindek inomame werek mene inom mabenet fisaluk he, afuni nen selei mene inom weim yafi logolik inomame a'luk, inebe ineluk hele warogo afuni ineilhanem woginarek wagaikharek hak, at Kristus nen sele'ma inenggali watikhe andi.

WAHYU 15:3

A'nogo logolik, at Musa Allah amingmingengge a'nogo awuni inom, Domba Eak a'nogo awuni inom, emberek inawuni wati logolik mel ikhi lagaikha: ”Allah nineisena, Hat homame hokhoma re, Yi mene ti mene hilingisu hagenek, Elalin mene hokhorogo inailo mene nek hilingitendek. Hat yi afuni ti afuni ineisena Henupogot logolik, Higithogo nek hilinginafendek, Fano nek hilinginafendek, Nineisena.