KELUARAN 14:9 - Allah Wene Fano Wene Hupla Inane

⁹ Waga logolik, tentara Mesir mene wam kuda waluk mene mondogat inom, afuni kereta waluk mene inom, inomen afuni Israel mene muginarek i yenggelek a'nogo esanggoma o Pi-Hahirot andoma o sabu tenda mene wutukwasik were'ma inombo'ne wagaukwa.

KELUARAN 14:9 ပူးပေါင်းရင်းမြစ်များ

KELUARAN 13:18

We, kwe lagokhogo o leimo afuni le'kwe nen i enu Gelagah mogo yenggelek fikhit andoma nen lagokhogo woginarek wagaikhe. Andi sambul he, afuni Israel mene o Mesir herakfuluk weim yabuogeluk hangge inasikhe inarige lik-loukhogo wulibi wagaukwa.

KELUARAN 14:2

”Afuni Israel mene inambotkwe lambik o sabu tenda mene o kota Baal-Zefon era'lu o kota Migdol honggolek, i laut enu Gelagah honggolek o kota enu Pi-Hahirot elokhoma higit andoma wusi loagen yagaisano o.

KELUARAN 15:9

Nit ninaselei mene nen ikhi logolik he, An nen muginarek lambik fakfisagain, Nenggarok lisogo wanimbik inebe legetfisagain. Inebe legetfisambik inangge mondogat telogo helagain, It ekhe sumburogo wogisikhi logolik, An nalawi engginet fakhambik, nalong pi-pe ikhi logogin,

BILANGAN 33:7

Andoma nen he it a'nogo nekhengge inambotkwe lagokhogo re o Pi-Hahirot, o Baal-Zefon en mo lagai wagarek fikhit andoma wagaukwasik o Migdol horokhogo andoma o sabu wusi lagaukwa.

YOSUA 24:6

Hit hinombalak o Mesir en a'nogo woginarek wulibi wagunem, afuni Mesir mene nen weim yafarek mene inangge kereta wam kuda nen lisogo waluk lagarek mene inom, ap tentara inanggo kuda oba lagaluk yafarek mene inom, inomen muginarek wagaukwa andi. A'nogo muginarek wagaukwama, hinombalak andi, i laut enu Yobin yenggelek oba andoma asi wagaukwasigen,