KELUARAN 13:9 - Allah Wene Fano Wene Hupla Inane

⁹ Niren seni isati lago mene andi re, inendawinggen wenggelogo iluk inenggi falfalik oba pugetik, inelhaba pugetik u hak he, nineisena Tuhan omame hokho mene a'nogoba hit o Mesir en waganogo wulak hinobagai wagaikhe andi. Andiba re, hiren seni yi mene hilingiti logogun oba re, wene melalek yi'nogo hilingi'no ti'nogo hilingi'no iluk werek mene a'nogo hinambeba nen igik, ebe furogo pilingitik, ikhi logogun.

KELUARAN 13:9 ပူးပေါင်းရင်းမြစ်များ

NEHEMIA 1:10

TUHAN. Nit yi re, honggwarek hagainafuri mene o, Hat honggwarek hamingmingengge logouwagaluk homame hokho a'nogoba homamerogo telninafigin mene o, neisena.

MAZMUR 136:11

It Israel mene re Aren o Mesir en woginarek wulibi wagaikhe, Endawi hundik hilingninaferek mene andi re mondok-mondok logogin mene.

MAZMUR 136:12

Enggi omame mondok hokho meneba, Endawi hundik hilingninaferek mene andi re mondok-mondok logogin mene.

MAZMUR 89:13

O i elesi higit inom, i ambut higit inom andoma re, Harenat elalogo fesigin. Tom Tabor en inom, Hermon nen inom, Hat hobaget inagaiyegen henu seralhu logolik hawuni watu werek.

KELUARAN 12:14

A'nogo hinoati'lek herakhinobagagin andi nen, hiren he, Nineisena Tuhan nen he o yi sambulat ninoati'lek herakninobagasikhe iluk, An noba ebetnafi logolik, ninggi logogun mene attak-attak erora'no. A'nogo naluk he, hobuk tahun ebe lombok oba, hiren Pesta Paskah andi hakhogoat ninggi logoino ikhe, iluk yagaisano,” iluk Musa Harun emberek inoba yagaisasikhe.

KELUARAN 12:41

A'nogo welagaukwasik, 430 tahun arat kobokhogo re, At Tuhan nen againafuri Israel mene andi o Mesir arat herakfisaluk wulibi wagaukwa.

KELUARAN 13:14

Hobuk andoma, hit hinamlogomi nen heinok wokhinafi logolik, mondogat andoma re ninggi'nogo faget? Iluk heinok wokhinafu halok, onggo yi'nogo yagaisikhi logoin o, ’Tuhan omame hokho meneba nit o Mesir kweang oba andoma helewarek were'ma lologo wulakninabi wagaikhe mene faget hilingiti lago o.

KELUARAN 13:16

Niren a'nogo ninetokhogo hilingiti lago andiba re, ninendawinggen wenggelogo ninenggiba inom, ninelhaba inom, pugetunem eberek welago a'nogo hak, niren a'nogo hilingiti logogun oba re, At Tuhan nen he omame hokho meneba o Mesir en woginarek wulibi wagaikhe iluk ebethikhi logogun.” iluk yagaisasikhe.

KELUARAN 13:3

Musa nen it inggulenu israel mene a'nogo inoba yagaisikhi logolik he, ”Linggene yi sambul Tuhan omame hokho meneba hit o Mesir mene nen enggin-fenggin hinoba fikhi logolik sebelhinarek were'ma omanogo nen lologo hinobagaikhemo wulibi wagep. Andi halok he, lingge andi sambul he, ebeti logolik logoino roti fitu meneba hilingik menere nafuk.

KELUARAN 3:20

Ma re, An nomameba afuni Mesir mene yi enggin ti enggin inailo mene inoba lakfei wesigin o. A'nogo hilingitunem enek he, lani iluk yagahisagain o.

KELUARAN 7:4

A'nogo hilingiti logogin andi nen, An nen afuni Mesir mene wene mondok enggin mene inoba fuluk weagerinabimbigen, hobuk Nagainafuri Israel mene andi inebe mondogat o Mesir en herakfisaluk woginarek wulibigin o.

AMSAL 1:9

Iren yagahisugu mene andoma re, hinalilingge higit hinunggulkwe pugetik, eile higit hinalonggopma itik ugunogo.

AMSAL 3:21

Arigini'mo re namlogo haren inendawinggen hebelagarek mene andi obokhigi'lek pukhogo fisogo logoino! Nen haren henggi obokhogo lakfisagun,

AMSAL 7:23

We ferekhogo aremnogoat sue tarogo hele wephogo fagarek oba ke'nok ilagarek hak, ap alage andi endawinggen hambuget hikhe lek andiba re ebe tok endawinggenma kagaukhogo watemo, at eluk a'nogo alomarogo fakhikhe andi.

KIDUNG AGUNG 8:6

Enggere an nebe yi re hat hendawinggen tulem mene hilingnabin o, Amu mene ekhe inoba hendawinggen tulemhogo logou fuk, we an namu nek pukhogo fetnarek logoino. Nendawinggen ninggerek mene andi re wa'lagaikhare'ma pagarek andi higit omame mondok werek, nen inoba aganhan eterek mene andi re endu wabunak ninggi logolik amulok lagaikherek andi hak hilinginaferek.

YESAYA 27:1

Andi sambul he Tuhan nen enggarok omame mene enggat mondok merengsek mene andi waganogo re no Lewiatan kisu ambolebene pololangerik nikherek mene, mase masengge liaferek mene andi inom, kisu menawe i laut oba werek mene andi inom unggum wogisagain.

YESAYA 40:10

Tuhan Allah omameba elalinhogo hilingisigiluk weri'logongge a'li yethani. At ebe re afuni Aren fikhalogo fisikhe mene omanogo nen hop palogo weri'lago a'li.

YESAYA 44:5

Ap inebe misik-misigen nit At mene welago iluk inaneba fakhogo ugun, nen it inebe wesimbik he at Yakub ombawi inom misi'mo sebesi wesugun. It inebe lombok inenggiba re: Tuhan mene iluk palek logogin, Nen inonggwaregen ikhi logolik, nit he Allah againafuri welago ikhi logogun o,” iluk ikhe isikhe.

YESAYA 49:16

Yerusalem, An he hat hoba eberek mondok welagi o, Hat henu re An nenggi aguroba palogo figimo werek.

YESAYA 51:9

Tuhan neisena, hebe heluk a'luk he nit lebetninabin o, Hat homameba ninili wo'ninabin. O attak Haren Rahab al perelogo fesigin sambul a'nogo inom, nen kisu naga laut i agumo welagarek mene talogo watigin sambul a'nogo inom, hilingitigin hakhogo hebe siakhogo menlame o.

YESAYA 59:21

An nen hit ninom wene wasimbik, hit hinoba re An nomame inom, Nawene melalek yagahisikhi lagi mene andoma inom mondok-mondok faget wokhisagain o. Hiren he, hinagainafuri inoba yagaisikhi logoino, nen, iren ogore it inagainafuri tagomangge mene inoba mondok-mondok andoma yagaisilik laga logogun aro,” ikhe iluk yagaisano isikhe.

YEREMIA 22:24

Tuhan nen raja Yoyakhin hun Yoyakim afuni Yehuda mene inobaget inoe raja welagaikhe mene a'nogo amlogoba ikhi logolik, ”An Allah nonggwarek neluk welagi mene nenurogo re, hat hebe faget An nen he helep senggan henggi segelet pikhit kwe meneba enegengge kel fugunem hangge hilingik welagen o, oba nen An nen hat hebe henogo re,

DANIEL 9:15

Tuhan Allah nineisena. Hat henggi omameba hagainafuri o Mesir en woginarek wulibi wagagin andiba henu ekhema-ekhema mondok wialarik lagaikhe andi. Meneat he, nit ninobabut weak hilingitik, kwanirogo hilingitik, ogorek andi o, neisena.

YOEL 2:11

Nen at agoromi tentara omanogo inendawi wenggelogo iluk enegengge re Tuhan ane unggunggu ane hangge supuk ikherek. At agoromi ane hologo weim yafarek mene re inomame mondok hokho mene logolik, inebe esare inenggi wenasu mondok elo'lek. O Tuhan onggwarek awi wei igin andi re, mondok elalin wesa polan awi wei igin. Inenggi andi sambul andi re afuni nen inailo lekhogo hambuget haluk logou re elo'lek asigin o,” iluk yagaisasigi.

BILANGAN 15:39

Yo lalek kelhi logogun mene andi re inendawi wenggelengge faget, hundik-hundik hiren kumuthaluk he An nawene melalek omanogo ebethaluk higithogo hilingiti logogun. Andiba re, hiren An hinonggora'luk hit hinonggwarek hinendawimo anggugu mene nek hilingiti lagep hanogo.

MATIUS 23:5

Iren ekhe mene ekhe mene hilingiri'lagwi andi mondogat he, ”Afuni nen ineil nisoageluk inendawimo anggikhi logolik hilingiri'lagwi o. Iren he, samban ikhi lagi,” iluk, Allah ane suesinggaba lisu palogo inelhaba homatarek a'nogo, iren hokhorogo homatik, su endakwe mene hunogoat labetarek a'nogo, iren su ogo'lu uanhogo igisogo labetik,

ROMA 10:8

Halok he, wene andi mel anggaluk isikhe: ”Allah ane andi ebe horogat werego. Andi hambeba inom, hendawinggenma inom, werego,” iluk isikhe andi, afuni nen inendawinggen Allah oba himbiret fogoin wene niren yagahisikhi lago andi fagerat isikhe o.

ULANGAN 30:14

Wene andi hit hinoba horogat werek andi nen he, hiren a'nogo heinok wanugun mondok elo'lego. We, hit hinendawimo wanhepsik hinelumo re, ebe pikhit hilingiti logogun andi aro.

ULANGAN 5:15

Hirogo attak o Mesir ap ina'ma sebelhinarek were'ma hineisena Tuhan Allah nomame hokho meneba fikhalogo hinobagasigi aple a'nogo wenggel hano. Andi halok he linggene Sabat mene andi re esin mene iluk legeisogo fikhi logoino.

ULANGAN 6:21

iluk heinok wokhisugu halok, hiren he, mel yagaisikhi logoino: Nit o attagat, afuni Mesir mene inoe kain Firaun amingmingengge hangge hilingninafukwasik fetninarek were'ma, nineisena Tuhan omame hokho andiba telogo wo'ninarek wulibi wagaikhe.

ULANGAN 6:6

Aren, yi'nogo hilingiti logoino, ti'nogo hilingiti logoino, iluk komotninafe mene yogondak yagahisikhi lagi yi, hinonggoragi'lek eberek mondok logoino.

ULANGAN 6:8

Hinendawimo eberek logouwogeluk, wene komothinafikhe wene andi hinenggiba kelhik, hinelhaba pugetik, ikhi logoino o.

WAHYU 18:8

A'nogo anggikherek andi nen he, an Allah nomame Hokho welagimo re, misigam fagerat sumburu ouwak inom, ou hokho mene inom wogosimbik, ebe endumo nolfisugunem afuni ekhe endawimo weak a'luk le aga logogun andi,” iluk pogoroba nen ugunem nesanggo holhi.