KELUARAN 13:3 - Allah Wene Fano Wene Hupla Inane

³ Musa nen it inggulenu israel mene a'nogo inoba yagaisikhi logolik he, ”Linggene yi sambul Tuhan omame hokho meneba hit o Mesir mene nen enggin-fenggin hinoba fikhi logolik sebelhinarek were'ma omanogo nen lologo hinobagaikhemo wulibi wagep. Andi halok he, lingge andi sambul he, ebeti logolik logoino roti fitu meneba hilingik menere nafuk.

KELUARAN 13:3 ပူးပေါင်းရင်းမြစ်များ

KEJADIAN 15:16

Afuni Amori mene inobabut mondok weak hilingitunem wene inoba fagain mene oan welagi andi nen he, haren tagongge mene re, huli inebe enggaminogoba ta'lasimbigen hat hombalak inambotkwe o yoma wesugun o,” iluk yagatikhe.

1 TAWARIKH 16:12

Yago! Hit Allah amingmingengge Yakub eisok erokwe mene yi, e hu Yogo! Hit Israel en tagongge mene hineisena Tuhan nen tegelogo hinobagaisikhe mene yi, e hu Aren elalin mene hilingiti laga mene omanogo wenggel hikhi logoni, e hu Aren yi'nogo hilingiti logogun iluk tekhogo isikhe mene omanogo hinonggoragub, e hu

NEHEMIA 1:10

TUHAN. Nit yi re, honggwarek hagainafuri mene o, Hat honggwarek hamingmingengge logouwagaluk homame hokho a'nogoba homamerogo telninafigin mene o, neisena.

NEHEMIA 9:10

Inane a'nogo hesanggo holhi lagagindik, hat hagainafuri yi enggin ti enggin hilinginafi lagaukwa mene andi helu andi nen he, afuni Mesir mene inoe raja ebe inom, agoromi inom, afuni aren ferinarek welagaikhe mene inom, elalinat weagarinafi lagagin andi. A'nogo hilinginafigin andi nen, henu o yi awi ti awi lagu mondok huli yogondak huli nen laguat werek andi.

MAZMUR 105:5

Hit afuni Abraham Allah amingmingengge nen tagongge mene yi sani! Hit afuni Yakub Allah nen wenatikhe mene a'nogo nen tagongge mene yi sani! hit hinebe re, iren tagomangge mene inoba Allah nen he, elalin hilingiti lagaikhe mene andi, wene andi mondogat eberek logoino o. Ane palek werek mene andi, hinonggoragi'lek eberek mondok logoino o.

MAZMUR 114:1

Israel mene o Mesir en wulibi wagaukwasik, Nen Yakub en tagomangge mene o kweang ap pok mene inaiba herakfuluk wagaukwasik oba nen,

MAZMUR 136:11

It Israel mene re Aren o Mesir en woginarek wulibi wagaikhe, Endawi hundik hilingninaferek mene andi re mondok-mondok logogin mene.

MAZMUR 136:12

Enggi omame mondok hokho meneba, Endawi hundik hilingninaferek mene andi re mondok-mondok logogin mene.

MAZMUR 89:14

Hat he homame mondok hokho mene welagen, Nen Haren hilingiti lagen mene andoma re mondok elalin mene hilingitendek.

KELUARAN 12:15

Nineisena Tuhan nen a'nogo yagaisasikhesik, ekhe mel yagaisasikhe: ”Hinenggi 7 nen logolik, sumburu roti enggen fitungge mene inom werago mene halok nagubo. Hinenggi 7 nen andiba logolik, afuni ekhe nen sumburu roti enggen fitungge mene andi inom werago mene nogoin halok, it inebe An nagainafuri, iluk igin mondok lek andi nen he, hinenggi 7 nen andi mene ninggi logouwogeluk he, hinenggi attak meneba logolik, hit hinaiba enggen sumburu roti fitungge mene andi ekhe werek halok, felelenghogo wulak fisogoin o.

KELUARAN 12:17

O andem higithogoat, An nen hit afuni hit mene mondogat o Mesir en wokhinarek wulibi wagi o. Andi nen he, tahun ebe lombok, o andem oba higit asi wagu halok, An faget roti fiterek lek mene ninggi logolik a'nogo hilingiti logoino.

KELUARAN 12:19

O hinenggi 7 nen andi logolik, enggen sumburu roti fitungge andi mene hinaiba nen mondok felelenghogo wulakfisano o. Afuni Israel mene ogo, athe, afuni ap pok mene ogo, sumburu roti enggen fitungge mene andi inom werago mene nunggu halok, it inebe an nagainafuri re lek u hago,” iluk yagaisasikhe.

KELUARAN 12:2

”Tahun ebe lombok tugi hinenggi wenati logolik he, tugi yi attak wenasugun mene hilinglasuago. Hinenggi a'nogo wenati logoino, iluk yagahisigi mene andi, hiren afuni Israel mene mondogat inoba yi'nogo yagaisano:

KELUARAN 12:41

A'nogo welagaukwasik, 430 tahun arat kobokhogo re, At Tuhan nen againafuri Israel mene andi o Mesir arat herakfisaluk wulibi wagaukwa.

KELUARAN 12:42

Nineisena Tuhan nen afuni Israel mene o Mesir en woginarek wulibi wesigin sambul andi re, it faget kagalek mondok welagaikhe. Nen o andi sambul faget ogore nineisena Tuhan nen yi'nogo telninafikhe, iluk inendawimo eberek mondok logolik Allah faget hilingitu mondok logogun mene hilingitukwaat andi. Ohealekwe hubanggo andi sambul a'nogo hilingiti logolik afuni Israel mene yi mene ti mene tik-tukhogo fesukwasik, inafe hibil hebelhogo welagaukwa.

KELUARAN 12:8

A'nogo hilingi'luk he, o hubanggo andibaat wam andi endu enggen oba weragaisogo re, wundat arik weak mene isago inom, sumburu roti enggen fitungge mene inom werago lek mene inom nano.

KELUARAN 13:14

Hobuk andoma, hit hinamlogomi nen heinok wokhinafi logolik, mondogat andoma re ninggi'nogo faget? Iluk heinok wokhinafu halok, onggo yi'nogo yagaisikhi logoin o, ’Tuhan omame hokho meneba nit o Mesir kweang oba andoma helewarek were'ma lologo wulakninabi wagaikhe mene faget hilingiti lago o.

KELUARAN 13:9

Niren seni isati lago mene andi re, inendawinggen wenggelogo iluk inenggi falfalik oba pugetik, inelhaba pugetik u hak he, nineisena Tuhan omame hokho mene a'nogoba hit o Mesir en waganogo wulak hinobagai wagaikhe andi. Andiba re, hiren seni yi mene hilingiti logogun oba re, wene melalek yi'nogo hilingi'no ti'nogo hilingi'no iluk werek mene a'nogo hinambeba nen igik, ebe furogo pilingitik, ikhi logogun.

KELUARAN 20:8

Hinenggi sabit oba re, An hineisena Tuhan nonggwarek nawi andi nen he, o andiba tegelogo fuluk An nobaget agaukhogo hilingiti logogun o.

KELUARAN 23:15

Tugi Abib andi oba re, huli warek werek higithogo hiren Roti Fiterek Lek mene, Linggene Esin mene An nen hilingiti logouwageluk melalhinobagasigi higithogo seni isati logogun andi, ero re tugi andiba hit o Mesir herakfuluk wulibi wagagip andiba re a'nogo hilingiti logogun. Hiren hinenggi sabiren andem oba An napne wanhi logolik roti fiterek meneba weragongge ninggi lagou fuk. Nen hiren An were'ma andogosi waga logolik he, hundik-handik andoma An nobaget fugu meneet waluk waga logoino.

KELUARAN 3:20

Ma re, An nomameba afuni Mesir mene yi enggin ti enggin inailo mene inoba lakfei wesigin o. A'nogo hilingitunem enek he, lani iluk yagahisagain o.

KELUARAN 34:18

Hit o attak o Mesir herakfuluk wulibi wagagipsik aremnogo tugi Abip oba seni roti fiterek lek mene isati logolik fogetnafi lagagip andi. A'nogo fogetnafunem wene An nen hit yagahisasigi andi mene higithogo, linggene sabiren andem oba logolik tugi Abip andiba An fogetnafi logolik tahun hundik-handik roti fiterek lek mene andi ninggi logoino.

KELUARAN 6:1

At Allah nen a'nogo yagatikhesik, ekhe mel yagatikhe: ”Tuhan Nebe re, Anaro.

KELUARAN 6:6

An nen hit nagainafuri hilinghinabimbik he, An Tuhan hineisena Allah logogin o. Logolik, afuni Mesir mene nen inamingmingengge hak fethinarek were'ma wokhinarek wulibi wagunem hiren he, An Tuhan, hineisena Allah iluk hobuk futnobagagun o.

KELUARAN 6:7

An nen he, o Abraham inom, Ishak inom, Yakub inom, hit wokhisagain, iluk hombuk palogo wene warisasigiba andoma wokhinarek lagain o. Lambik o andoma, hit hinonggwarek faget eise mondok logobagaigeluk wokhisagain o. Hineisena Tuhan he, Anaro,” iluk yagaisasikhe.

KELUARAN 7:4

A'nogo hilingiti logogin andi nen, An nen afuni Mesir mene wene mondok enggin mene inoba fuluk weagerinabimbigen, hobuk Nagainafuri Israel mene andi inebe mondogat o Mesir en herakfisaluk woginarek wulibigin o.

DANIEL 9:15

Tuhan Allah nineisena. Hat henggi omameba hagainafuri o Mesir en woginarek wulibi wagagin andiba henu ekhema-ekhema mondok wialarik lagaikhe andi. Meneat he, nit ninobabut weak hilingitik, kwanirogo hilingitik, ogorek andi o, neisena.

MATIUS 10:12

Nen, it ekhe inaiba kwegep halok he, it inawi werek mene andi hai warinabino o.

LUKAS 22:19

A'nogo yagaisasikhesik, hobuk sumburu roti mene enggim wanhikhesik he, Allah hai warogo nen ebe kurogo re, agoromi sumburisikhi logolik he, mel yagaisasikhe: ”Yi an nebe aro. [An nebe hit faget noatunem wa'lasigin andi, an noba eberek logobagaigen he, yi'nogoat ninggi logoino,” iluk yagaisasikhemo,

1 KORINTUS 11:24

Ninoe Enupogot Yesus ap inobabut weak mene nen wasuageluk, ap ekhe nen hubanggo yonggo lagaikhe andi sambul, at Yesus nen he, sumburu roti mene enggim wanhikhesik he, Allah hai warogo re, enggi nen kurogo fesikhesik he mel yagaisasikhe: ”Sumburu yi an nebe aro. An hit fagerat noasugun andi, noba eberek logobagaigen he, yi'nogoat hilingiti logoino,” iluk agoromi wogisasikhe.

1 KORINTUS 5:8

Halok he, seni Paskah ninggi logolik, enggen roti fisuageluk elonggoma pelafarek mene pelafi'lek mene nenggarek hak, nit weak hilingitik, pailak fakfisigik, ikhi logogun lego. We, ninendawinggen misigat logolik, eberogoat mene nek hilingiti logouwogo.

EFESUS 1:19

at omame mondok hokho mene a'nogo nen, nit ninendawinggen at oba eberogoat himbiret fesugu mene halok, omamerogo hokhorogoat lebetnisili'logo mene andi hinelu asubagaigen iluk ayonggo fikhi lagi. At omame andiba re, Kristus ebe wa'lagaikhemo eluget fuluk pogoroba liak fesikhesi'mo re, at era'lu enggi ebekwe kain Enupogot logouwageluk menfesikhe andi higithogoat he, At omame a'nogoba lebetnisili'logo andi.

ULANGAN 13:11

A'nogo inoasumo re, afuni Israel mene mondogat inesanggo holimbik he, inailo a'luk, it ekhe nen weak mondok a'nogo hilingiti'lek logogun o,” iluk yagaisasikhe.

ULANGAN 13:6

A'nogo were'ma, hinerugwi hinagaila'lagen he a, hinagainafuri aben he a, helime yenggerugwi nen he a, hinagagwi hinendawi mene nen he a, afuni ekhe hinom hundik mene nen he a, hinendawimo kagalogo, afuni inaiba horokhogo welagaikharek mene inom, yatma welagaikharek mene inom, it inandugwi kembu fogeratarek mene andi, hit hinonggorat, nen hit hinombawi inonggorat meneat he, hiren ekhe fogerasuageluk hinendawimo kagalhu halok he,

ULANGAN 15:15

Hit ogore attak o Mesir afuni inamingmingengge were'ma nen At hineisena Tuhan Allah nen lologo wulak hinobagai wagaikhe a'nogo ebet hano. Andiba re an nen wene melalek yi hit hinoba yagahisikhi lagi.

ULANGAN 16:1

A'nogo yagaisasikhesik ekhe yagaisikhi logolik, ”Linggene Paskah faget ebeti logolik, hineisena Tuhan Allah legeisogo fikhi logolik he tugi Abib andiba hilingiti logoino. Tugi andiba re hit o hubanggo o Mesir en lologo wulakhinabi wagaikhenggere.

ULANGAN 16:12

Attak hirogo afuni Mesir mene inamingmingengge higit welagagip aple a'nogo hinonggot agep hanogore, hiren At awene melalek mondogat andi tiphogo fifurogo hilingiti logoino.” iluk yagaisasikhe.

ULANGAN 16:3

Wam linggene Paskah faget iluk watu mene andi re roti fiterek lek meneba weragongge inom ninggi logogun. Hit o Mesir herakfuluk hale'legengge wulibi waga logolik hilingitigip higithogo roti fiterek lek meneba werago mene andi re, linggene sabiren oba logolik ninggi logogun. Hit hinebe hineluk logolik o Mesir enggin-fenggin hikhi lagagip oba omanogo herak fisaluk wulibi wagagip sambul a'nogo faget ebethikhi logobagorigen he, roti enu enggin-fenggin andi ninggi logoino.

ULANGAN 24:18

Hit hinebe afuni Mesir mene nen inamingmingengge higit fethinarek welagaukwa a'nogo hinendawimo ebe'ni o. A'nogo were'ma, at hineisena Tuhan Allah nen wokhinarek wulibi wagaikhesik telhinafikhe andi nen he, hiren wene palek oba loukhogo hilingiti logogun mene komorogo wene afe halogo figi yi o.

ULANGAN 24:22

Hit hinebe afuni Mesir mene nen inamingmingengge higit fethinarek welagaukwa a'nogo hinendawimo ebe'ni o. A'nogo welagagip andi nen hiren wene palek oba louksek hilingiti logogun mene wene afe halogo figi yi o,” iluk yagaisasikhe.

ULANGAN 26:8

A'nogo nisasigindik, homame mondok hokho mene a'nogoba o Mesir en telogo wo'ninarek wulibi wagagin andi. A'nogo wulibi wagagindik, afuni futfouwagaluk elalin hilingsu lek mene hilingitik, enegengge inailo asu hak mene hilingitik, ninaselei mene inailo asuageluk hilingirik wagagin andi.

ULANGAN 4:34

Nit nineisena Tuhan Allah nen ailo agi'lek hit hinebe afuni Mesir mene inanggele'ma fethinarek were'ma At onggwarek againafuri asuageluk wokhinafikhe andi hangge, afuni inunggulenu hunogoat mene ekhe ineisena nen a'nogo ekhe hilingitikhe nogo? Mondok lego. Nit nineisena Allah omameba re, afuni nit ninaselei mene andi yi enggin ti enggin inoba figik, weim yafi logolik inoatik, elalin mene hokhorogo hilingitik, inailo mene hokhorogo hilingitik, ugunem hineilenggen nen tomok hasigip andi.

ULANGAN 5:15

Hirogo attak o Mesir ap ina'ma sebelhinarek were'ma hineisena Tuhan Allah nomame hokho meneba fikhalogo hinobagasigi aple a'nogo wenggel hano. Andi halok he linggene Sabat mene andi re esin mene iluk legeisogo fikhi logoino.

ULANGAN 5:6

’Hit afuni Mesir mene nen sebelhinarek were'ma wokhinarek wulibi wagagi mene hineisena Tuhan Allah a'nogo An aro.

ULANGAN 6:12

nineisena Tuhan hit hinebe afuni Mesir mene nen inamingmingengge higit fethinarek were'ma telogo wokhinarek wulibi wagaikhe mene a'nogo oba hinonggot asinogo iluk eberek mondok logoino.

ULANGAN 6:21

iluk heinok wokhisugu halok, hiren he, mel yagaisikhi logoino: Nit o attagat, afuni Mesir mene inoe kain Firaun amingmingengge hangge hilingninafukwasik fetninarek were'ma, nineisena Tuhan omame hokho andiba telogo wo'ninarek wulibi wagaikhe.

ULANGAN 7:8

A'nogo meneat he, nineisena Tuhan hinebe mondok endawi nen, Yi'nogo hilinghinabigin, iluk ninombalak wene warisasikhe mene andi, ebe tiphogo hilinglasuageluk hinebe wenagaisogo hinobagaigeluk hinayonggo fesikhe o. Hinayonggo a'nogo fesikhe andi nen, hit hinebe afuni Mesir mene inoe kain enupogot Firaun amingmingengge higit logouwageluk fethinarek were'ma nineisena Tuhan omame mondok hokho andiba telhinafikhesik wokhinarek wulibi wagaikhe andi.

ULANGAN 8:14

hinonggwaregen fogerakhigik, At nineisena Tuhan nen hit hinebe afuni Mesir mene nen inamingmingengge higit fetninarek were'ma telogo wokhinarek wulibi wagaikhe mene a'nogo oba hinonggoragik, inogo nen he, hinafe hebelogo hilingiti logoino o.

ULANGAN 9:12

A'nogo wo'netikhesik, at nineisena Tuhan nen he mel yaganetikhe: Afuni o Mesir en woginarek wagen omanogo nen weak mondok hilingita andi nen he, hat weak-weak pin o. Iren he wene An nen, Yi'nogo hilingiti logoino, ti'nogo hilingiti logoino, iluk komothinafi mene a'nogo sagalogo herakfisagasik he, tugwi kembu fogerati logouwogeluk ekhe alik hilingisogo faga o, iluk yaganetikhe andi.

YOSUA 24:17

Nit ninebe inom, ninombalak inom, afuni Mesir mene nen inamingmingengge higit fetninarek were'ma, nineisena Tuhan Allah nen telninafikhe andi. Telninafikhesik he, ebe nen wo'ninarek afuni inungulenu hunogoat mene inailokwe nen waga logolik, nit futfouwagaluk elalin mene hilingitunem nineilenggen arat hikhi lagaguat.

HAKIM–HAKIM 6:8

Kino yatukwama, Tuhan nen it inoba nabi misik ekhe lakfei wagaikhemo, nabi a'nogo nen ikhi logolik he, ”Afuni Israel mene ineisena Tuhan Allah a'nogo nen he yi'nogo ikhe, afuni Mesir mene nen sebelhinarek were'ma An nen fikhalogo wulak hinobagai wagagi o.