KELUARAN 13:2 - Allah Wene Fano Wene Hupla Inane

² ”Hiren hinomalik abengge manggusa tago mene mondogat An nobaget feni. It afuni Israel mene inomalik, abengge manggusa tago inom, yi wam ti wam eak attak-attak tatu mene halok ebe ai mene andi re, An nonggwarek mene o,” iluk yagatikhe.

KELUARAN 13:2 ပူးပေါင်းရင်းမြစ်များ

NEHEMIA 10:36

Nen, wene melalek werek mene higithogo re, nit ninagainafuri ap manggusa tago mene re it ap imam en Allah wogosuageluk TUHAN Awi wuri'mo waluk waga logogun. Andi nen nit ninanggo sapi eak ogo, domba eak ogo, athe, kambing eak ogo, attak-attak talasigin mene andoma re waluk waga logogun.

NEHEMIA 10:37

Niren he it ap imam inambit o TUHAN Aiba elonggoma andoma gandum enggen fem attak-attak mene perelek engge tahun ebe lombok oba palhu mene inom, andi nen ekhe e anggur amusu hangge mene inom, zaitun amusu hangge inom, nen yi agayo-ti agayo enggen andoma re waluk waga logogun. Nen nit nineabumo nen enggen paliluk nomolo mene fikhi logogun mene andoma re, it ap Lewi mene o kota andiba yabu hilingitu lombok werek mene niren fugu mene halhi logogun mene andoma inambit wogisa waga logogun.

KELUARAN 13:1

Tuhan nen Musa yagati logolik he,

KELUARAN 22:28

Hiren hinaneweak Tuhan oba fou fuk, hit hinunggulenu mene hinanggele'ma andoma hinogogwi fethinarek mene inoba homan fisa fuk.

KELUARAN 23:19

Tahun hundik-handik obare hiren hinangge gandum enggen ket palugun mene mondok fano mene hineisena Tuhan Allah awi wuri'mo andoma fei waga logogun. Domba eagwi eino palek inom, nen kambing eagwi eino palek inom he, i agaisa eilak oba isati logou fuk,” iluk yagaisasikhe.

KELUARAN 4:22

Andi nen he, haren at raja andi yi'nogo yaga'no: Tuhan nen he, mel ikhe: Afuni Israel mene andi An nagainafuri manggusa tago mene o.

YEHEZKIEL 16:20

Andi nen haren he nit ninagainafuri abomalik inom, helime mene inom, haren kembu faget fisaluk warogo tugwi kembu noleti lagen. Haren An noba tibet fuluk werek aple re oan higitsek legen hilingiti lagen a?

YEHEZKIEL 16:21

Nen haren An nagainafuri mene waganogo kembu obaget fuluk wogosumo re elok nogo?

IMAMAT 27:26

Wam domba eak inom, kambing eak inom attak-attak ta'lagu mene andi re Tuhan mene aga logogin. Nen, wam eak attak-attak ta'lasigin mene andi re Tuhan mene hilingi'mo re, ninendawinggen fanoba iluk Tuhan faget warogo fei wesu fuk.

BILANGAN 18:15

Ap inagainafuri inom wam eagwi inomen attak-attak tago mene afuni Israel mene nen An nobaget fei wagu mene andoma re, hat hobagerat werek. Oba nen he hit hinagainafuri manggusa mene inom wam saliok mene eak attak tago mene inom andoma re onggo palugun.

BILANGAN 3:12

”Yogondak he, it ap Lewi mene andi An nonggwarek nangge mene logouwageluk enegeisogo fisigi o. An nen it afuni Mesir mene inagainafuri manggusa mene pinggi inoatukwa huli aremnogo it afuni Israel mene inagainafuri manggusa mene inom, nen it inanggo ket ta'lagu mene inom he, nonggwarek faget penegeisogo fakhasigi. It afuni Israel mene inagainafuri manggusa tago mene andoma inobali'more, it Lewi mene andi An nonggwarek mene asigin o. An Tuhan nen igi,” iluk yagatikhe.

LUKAS 2:23

A'nogo waluk wagaukwa andi re, nineisena Tuhan nen attagat komotninafikhe wene a'nogoba ikhi logolik he, mel isikhe: ”Omalik manggusa mene ap halok he, an hineisena nobaget feino o,” iluk isikhe.

ULANGAN 15:19

Andi isikhesik hobuk yagaisikhi logolik, ”Wam sapi, domba, kambing, eak ai mene attak-attak tatu mene andi re At hineisena Tuhan Allah obaget fikhi logoino. Wam sapi re yabu hilingisuageluk oroa'ma kweang habulherek mene heleba perelogo homakfuluk hilingitarek mene a'nogo re hilingisu fuk, nen domba andi ogo esi palu fugat.

IBRANI 12:23

Allah againafuri manggusa mene, inenu pogoroba lisu palek were'ma, andogorek logolik inendawimo inagaiyegetarek mene inom, it afuni fano hilingiti lagaukwama, Allah nen katokhogo fanorinafikhe mene inareagun inom, Allah ebe afuni mondogat wene inoba figik, kotik, ikherek mene a'nogo inom were'ma oba wagebo.