KELUARAN 13:18 - Allah Wene Fano Wene Hupla Inane

¹⁸ We, kwe lagokhogo o leimo afuni le'kwe nen i enu Gelagah mogo yenggelek fikhit andoma nen lagokhogo woginarek wagaikhe. Andi sambul he, afuni Israel mene o Mesir herakfuluk weim yabuogeluk hangge inasikhe inarige lik-loukhogo wulibi wagaukwa.

KELUARAN 13:18 ပူးပေါင်းရင်းမြစ်များ

KEJADIAN 50:25

A'nogo yagaisasikhesik, at Yusuf ogogwi agoromi inagainafuri inom mel yagaisasikhe: ”Hit hinebe Allah nen o andoma wokhinarek lagu halok, an nebe warek woknarek lobagaigen iluk wene wa'ne'ni o,” iluk yagaisasikhemo wene waretukwa.

MAZMUR 107:7

Aren he ebekhe pikhithogo yago kwe nen woginarek laluk he, o kota afuni inebe werek oba omanogo fisa laga lagaikhe.

MAZMUR 136:16

At againafuri omanogore Arenat woginapluk o leikwe lagaikhe, Endawi hundik hilingninaferek mene andi re mondok-mondok logogin mene.

MAZMUR 68:8

Neisena Allah, Haren hagainafuri woginarek, o lei mondok iringik weakwe laga lagaukwa sambul aremnogo re,

KELUARAN 12:51

Linggene andi sambul he, Tuhan nen it afuni Israel mene mondogat o Mesir en woginarek wulibi wagaikhe.

KELUARAN 14:2

”Afuni Israel mene inambotkwe lambik o sabu tenda mene o kota Baal-Zefon era'lu o kota Migdol honggolek, i laut enu Gelagah honggolek o kota enu Pi-Hahirot elokhoma higit andoma wusi loagen yagaisano o.

KELUARAN 14:9

Waga logolik, tentara Mesir mene wam kuda waluk mene mondogat inom, afuni kereta waluk mene inom, inomen afuni Israel mene muginarek i yenggelek a'nogo esanggoma o Pi-Hahirot andoma o sabu tenda mene wutukwasik were'ma inombo'ne wagaukwa.

ULANGAN 17:16

At raja halok he agoromi tentara sikhe fisogo mene faget wam kuda weim yaferek mene iluk hokhorogo fisogo logogin lek. At hineisena Tuhan Allah nen he afuni An nagainafuri yi o Mesir inambotkwe logoin lek iluk ikhemo re, it afuni yi o Mesir kuda hunisi loageluk ogo, athe kuda amu mene inom agamesi loageluk ogo, onggo pali lani iluk lakfisogoin mondok lek.

ULANGAN 32:10

O ekhema lagik, ekhema lagik nugunem, inebe woginafikhe, o leimo afuni inareng le'ma, nugunem woginafikhesik, elele waganogo, ferinarek welagarek, Nen at onggwarek mene lugouwageluk, ferinarek logolik, eilen woginarek nikherek.

YOSUA 1:14

Ma re, hinagagwi hinagainafuri mondogat inom, hinanggo inom, o yoma werek kwelek he, hinagoromi tentara hit faget weim yabugun mene nek he, inagaila'lak Israel mene inunggulenu ekhe mene hobuk weim yafunem leberisouwogeluk, it tak sikhe sige waluk attak-attak i Yordan palogo wulibi loago.

YOSUA 4:12

At Musa nen, ”Yi'nogo hilingi'no,” iluk yagaisasikhe higithogoat, it tentara afuni Israel mene faget weim yabugun mene inunggulenu Ruben mene inom, Gad mene inom, Manasye mene ekhe inom, it afuni Israel mene fena hobuget fisaluk attagat i palogo wulibi wagaukwa.

YOSUA 4:13

Ap mondok weim yabugun mene re, inarige inasikhe helaluk inebe mondogat he, 40.000 nen wulibi wagaukwa. At nineisena Tuhan eilhanemat i palogo wulibi wagaukwasik, o Yerikho higithogo tonggoma andoma logali wagaukwa.