KELUARAN 13:12 - Allah Wene Fano Wene Hupla Inane

¹² hiren hinomalik ap manggusa mene inom, nen yi wam ti wam eak attak ta'lasigin mene inom, Tuhan faget fisikhi logogun. Mondogat andoma re Tuhan onggwarek mene.

KELUARAN 13:12 ပူးပေါင်းရင်းမြစ်များ

NEHEMIA 10:36

Nen, wene melalek werek mene higithogo re, nit ninagainafuri ap manggusa tago mene re it ap imam en Allah wogosuageluk TUHAN Awi wuri'mo waluk waga logogun. Andi nen nit ninanggo sapi eak ogo, domba eak ogo, athe, kambing eak ogo, attak-attak talasigin mene andoma re waluk waga logogun.

NEHEMIA 10:37

Niren he it ap imam inambit o TUHAN Aiba elonggoma andoma gandum enggen fem attak-attak mene perelek engge tahun ebe lombok oba palhu mene inom, andi nen ekhe e anggur amusu hangge mene inom, zaitun amusu hangge inom, nen yi agayo-ti agayo enggen andoma re waluk waga logogun. Nen nit nineabumo nen enggen paliluk nomolo mene fikhi logogun mene andoma re, it ap Lewi mene o kota andiba yabu hilingitu lombok werek mene niren fugu mene halhi logogun mene andoma inambit wogisa waga logogun.

KELUARAN 13:1

Tuhan nen Musa yagati logolik he,

KELUARAN 13:2

”Hiren hinomalik abengge manggusa tago mene mondogat An nobaget feni. It afuni Israel mene inomalik, abengge manggusa tago inom, yi wam ti wam eak attak-attak tatu mene halok ebe ai mene andi re, An nonggwarek mene o,” iluk yagatikhe.

KELUARAN 22:28

Hiren hinaneweak Tuhan oba fou fuk, hit hinunggulenu mene hinanggele'ma andoma hinogogwi fethinarek mene inoba homan fisa fuk.

KELUARAN 22:29

Hinenggi ti sambul fikhi logogun iluk wenagaisogo fogoin higithogo hiren hineabumo onggo gandum enggen fena fikhit inom, anggur agai inom, zaitun amusu inom, andoma An nobaget fugunogo. Hinagainafuri ap manggusa tago andoma inom An wo'netunogo,

KELUARAN 34:19

Hinagainafuri ap manggusa ta'lasugun mene inebe lombok inom, hinanggo holou oba eak ai mene tasigin mene andi inom, ebe An mene o.

KELUARAN 34:20

A'nogo meneat he, hinanggo keledai holou mene nen eak tasigin mene andi hit hinonggwarek helikhi logolik he, obulu'mo domba eak halok An nobaget nobagagu nogo o. A'nogo meneat he, hit hinonggwarek helogoin hinabit halok he, keledai andi ot komukhogo wasugun o. Nen, hinagainafuri ap manggusa mene inebe lombok inobali'mo ekhe mene kwelafi logolik hinonggwarek hinambotkwe helogoin aro. Nen, sa nen yi mene ti mene An wo'nesigin mene ekhe waluk wesigin lek halok he, An noba wesinogo.

YEHEZKIEL 16:20

Andi nen haren he nit ninagainafuri abomalik inom, helime mene inom, haren kembu faget fisaluk warogo tugwi kembu noleti lagen. Haren An noba tibet fuluk werek aple re oan higitsek legen hilingiti lagen a?

YEHEZKIEL 44:30

It imam mene re yi mene ti mene enggen attak-attak taganhi logolik mondok fano mene enogo An nobaget fikhi logogun engge andoma re it wogisikhi logogun. It afuni Israel mene nen he hundik-handik roti werati logolik, roti attak mene re it imam inobaget fisikhi logogun. A'nogo hilingiti logogun andiba re it Israel mene inebe lombok inailokwe andoma re An nen fanot fisikhi logogin.

IMAMAT 27:26

Wam domba eak inom, kambing eak inom attak-attak ta'lagu mene andi re Tuhan mene aga logogin. Nen, wam eak attak-attak ta'lasigin mene andi re Tuhan mene hilingi'mo re, ninendawinggen fanoba iluk Tuhan faget warogo fei wesu fuk.

BILANGAN 18:15

Ap inagainafuri inom wam eagwi inomen attak-attak tago mene afuni Israel mene nen An nobaget fei wagu mene andoma re, hat hobagerat werek. Oba nen he hit hinagainafuri manggusa mene inom wam saliok mene eak attak tago mene inom andoma re onggo palugun.

BILANGAN 3:12

”Yogondak he, it ap Lewi mene andi An nonggwarek nangge mene logouwageluk enegeisogo fisigi o. An nen it afuni Mesir mene inagainafuri manggusa mene pinggi inoatukwa huli aremnogo it afuni Israel mene inagainafuri manggusa mene inom, nen it inanggo ket ta'lagu mene inom he, nonggwarek faget penegeisogo fakhasigi. It afuni Israel mene inagainafuri manggusa tago mene andoma inobali'more, it Lewi mene andi An nonggwarek mene asigin o. An Tuhan nen igi,” iluk yagatikhe.

BILANGAN 8:17

An nen it afuni Mesir mene inagainafuri manggusa tago inom, inanggo eak ket tago mene inom mondogat pinggi inoati logolik he, afuni Israel mene inagainafuri manggusa tago inom, wam eak ket ta'lagu mene andi inom he, An nonggwarek mene iluk mondogat telogo fakhasigimo andi.

LUKAS 2:23

A'nogo waluk wagaukwa andi re, nineisena Tuhan nen attagat komotninafikhe wene a'nogoba ikhi logolik he, mel isikhe: ”Omalik manggusa mene ap halok he, an hineisena nobaget feino o,” iluk isikhe.

ULANGAN 15:19

Andi isikhesik hobuk yagaisikhi logolik, ”Wam sapi, domba, kambing, eak ai mene attak-attak tatu mene andi re At hineisena Tuhan Allah obaget fikhi logoino. Wam sapi re yabu hilingisuageluk oroa'ma kweang habulherek mene heleba perelogo homakfuluk hilingitarek mene a'nogo re hilingisu fuk, nen domba andi ogo esi palu fugat.