KELUARAN 13:10 - Allah Wene Fano Wene Hupla Inane

¹⁰ Seni yi faget tahun ekhe wagunem hundik-handik ninenggi wenagaisogo fogo mene andiba higirasi wagunem isati logogun o,” iluk yagaisasikhe.

KELUARAN 13:10 ပူးပေါင်းရင်းမြစ်များ

KELUARAN 12:14

A'nogo hinoati'lek herakhinobagagin andi nen, hiren he, Nineisena Tuhan nen he o yi sambulat ninoati'lek herakninobagasikhe iluk, An noba ebetnafi logolik, ninggi logogun mene attak-attak erora'no. A'nogo naluk he, hobuk tahun ebe lombok oba, hiren Pesta Paskah andi hakhogoat ninggi logoino ikhe, iluk yagaisano,” iluk Musa Harun emberek inoba yagaisasikhe.

KELUARAN 12:17

O andem higithogoat, An nen hit afuni hit mene mondogat o Mesir en wokhinarek wulibi wagi o. Andi nen he, tahun ebe lombok, o andem oba higit asi wagu halok, An faget roti fiterek lek mene ninggi logolik a'nogo hilingiti logoino.

KELUARAN 12:42

Nineisena Tuhan nen afuni Israel mene o Mesir en woginarek wulibi wesigin sambul andi re, it faget kagalek mondok welagaikhe. Nen o andi sambul faget ogore nineisena Tuhan nen yi'nogo telninafikhe, iluk inendawimo eberek mondok logolik Allah faget hilingitu mondok logogun mene hilingitukwaat andi. Ohealekwe hubanggo andi sambul a'nogo hilingiti logolik afuni Israel mene yi mene ti mene tik-tukhogo fesukwasik, inafe hibil hebelhogo welagaukwa.

KELUARAN 13:5

At Tuhan nen afuni inunggulenu o Kanaan mene inom, Het mene inom, Amori mene inom, Hewi mene inom, Yebus mene inom, inaiba andoma wokhisagain iluk hinombawi inoba hombuk palogo wene warisasukwama andoma o kweang mondok muli fano yi mene ti mene mondok weregenek hilingi'mo wokhinarek o andoma hinobagai lagain enggere, hit mondogat lambik halok he, tahun ekhe wagunem tugi Abib andiba hiren wene yi faget kabogeti logogun.

KELUARAN 23:15

Tugi Abib andi oba re, huli warek werek higithogo hiren Roti Fiterek Lek mene, Linggene Esin mene An nen hilingiti logouwageluk melalhinobagasigi higithogo seni isati logogun andi, ero re tugi andiba hit o Mesir herakfuluk wulibi wagagip andiba re a'nogo hilingiti logogun. Hiren hinenggi sabiren andem oba An napne wanhi logolik roti fiterek meneba weragongge ninggi lagou fuk. Nen hiren An were'ma andogosi waga logolik he, hundik-handik andoma An nobaget fugu meneet waluk waga logoino.

IMAMAT 23:6

A'nogo hilingiti logolik, ohealekwe tanggal 15 oba re, Linggene Roti Fiterek Lek Meneba werago mene a'nogo erora'luk, hinenggi 7 huli nen pelabek andi re roti fiterek lek mene a'nogoba nek weragongge ninggi logogun.