KELUARAN 12:8 - Allah Wene Fano Wene Hupla Inane

⁸ A'nogo hilingi'luk he, o hubanggo andibaat wam andi endu enggen oba weragaisogo re, wundat arik weak mene isago inom, sumburu roti enggen fitungge mene inom werago lek mene inom nano.

KELUARAN 12:8 ပူးပေါင်းရင်းမြစ်များ

2 TAWARIKH 35:13

A'nogo hilingitukwasik he, wene melalek oba werek mene higithogo re, it ap Lewi inaben he wam Paskah faget mene omanogo endumo weratik, wam amu enogo fesukwa mene omanogo kuali, belanga, cerek oba isatik, hilingitukwasik he wam palek omanogo re weak-weak it afuni omanogo sumburinabik lagukwa.

MAZMUR 22:14

Mene singa nen yi mene ti mene ebe halmakhigik nagaluk, ane kouwarik wagarek hak, iren an noasuogeluk inambe anghogo weri'lagwi.

KELUARAN 1:14

Inebe yi enggin ti enggin hikhi logolik, inendawimo mondok weak asuageluk a'nogo hilinginafi lagaukwa. Inebe inendawi isigi'legat, yabu mondok enggin mene o wutik, yabu wanhik, ikhi logouwageluk inane mondok ninghogo yagaisikhi lagaukwa andi.

KELUARAN 12:9

Wam domba eak andi ebe inom, unggul palek inom, oagengge inom, al inom, mondogat endu enggen oba wera'no o. A'nogo arat weratep halok ninggi logolik, elonggoma mep oan werek halok inom, iba isago mene halok inom, nogoin mondok lego.

KELUARAN 13:3

Musa nen it inggulenu israel mene a'nogo inoba yagaisikhi logolik he, ”Linggene yi sambul Tuhan omame hokho meneba hit o Mesir mene nen enggin-fenggin hinoba fikhi logolik sebelhinarek were'ma omanogo nen lologo hinobagaikhemo wulibi wagep. Andi halok he, lingge andi sambul he, ebeti logolik logoino roti fitu meneba hilingik menere nafuk.

KELUARAN 13:7

Hinenggi sabiren andem oba re roti fitungge werek mene ekhe nenggep hanogo nen he, hit hinawilokwe yi awi ti awi mondogat he roti fitungge mene inom, amu mene ekhe fitungge oba werek mene inom, fisogo logogun mondok lego.

KELUARAN 23:18

Hiren An nobaget wam warogo fei waga logolik he roti fitungge werek mene re, An nobaget fei waga logou fuk. Wam An nobaget hiren seni henagan aremnogoba isati logolik warogo fei wesugun mene asei andoma re foumo o hubet asinogo.

KELUARAN 34:25

Seni a'nogo hilingisuogeluk wam An faget nobagagun mene senggelhi logolik, yi mene ti mene sumburu roti enggen fisuageluk pelafarek mene inom pelagaisogo weragongge An faget ekhe nobagagun mondok lego. Nen, linggene wam seni Paskah andi faget nouwogeluk wera'luk he, ekhe ohealek mene faget figi'lek o hubanggo andi sambul felelenghogo ninggi logoino o.

YESAYA 53:10

Tuhan nen anggikhi logolik, at enggin-fenggin hoak iluk anggasikhe, nen nit ninebe mondogat ninaweak hosuageluk wam warogo nolharek hak At ebeat wasuak anggasikhe. A'nogo hilingite andiba at umur uanhogo logolik at ambisangma nen tago mene eilenggen isagain, at oba nen he Tuhan endawimo anggasikhe mene a'nogo mondogat higit aga.

AMOS 4:5

Nineisena allah nen wo'nisikhi lagen, iluk hai wati logolik, roti An nobaget fou hak, tugwi kembu andoma faget roti enggen fiterek mene inom seberogo werago wogotu mene inom, fisikhi logolik, Niren ekhe oba mangorogo fisikhi lago, iluk fogerakhigik, sewirakhigik, ikhikhi logoino re. Hit a'nogo hilingitu aple hinamolo nenat hilingirikhi lagep andi, iluk An hineisena Tuhan nen igi o.

ZAKHARIA 12:10

Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.

MATIUS 16:12

A'nogo yagaisasikhemo, it omanogo futfesukwasik he, mel yagatukwa: ”I o. Wene ikhe andi re, we, enggen sumburu roti fisuageluk elonggoma pelafarek andi mene faget yaganisikhe lek. At he, it ap Farisi mene inom, Saduki mene inom, inawene yagaisagarek mene a'nogo weagetninabinogo iluk, ninebe hebelogo logouwageluk yaganisikhe higi,” iluk futfesukwa.

MATIUS 26:26

At Yesus nen wene a'nogo yagaisasikhesik, sumburu ninggi logolik, roti mene enggim wanhikhesik he, Allah hai warogo, ebe kurogo it omanogo sumburisikhi logolik he, mel yagaisasikhe: ”Yi an nebe aro. Wanimbik he nani o,” iluk yagaisasikhesik,

GALATIA 5:9

Roti fisuageluk enggen fiterek mene endebat anggele'ma pelafunem mondogat firik wuliferek hak, wene weak mene andi nen hinebe mondogat weagethinabik lanogo iluk igi.

ULANGAN 16:7

Wam andoma isakfuluk, obalik At hineisena Tuhan Allah nen wenagaisogo fikheba omanogo nen naluk he, hubet weirogo hinawilokwe pugulhi logogun.

1 TESALONIKA 1:6

Hit yi enggin ti enggin hilinghinafu kwelegat he, hinagaiyek anggikhi logouwageluk Allah Areagun en hinendawimo kagalhikhemo, hinagaiyek anggikhi logolik fano wene wanhigipsik he, nit ninobabut wanhik, ninoe Enupogot obabut wanhik isigip andi o.