KELUARAN 12:7 - Allah Wene Fano Wene Hupla Inane

⁷ A'nogo warogo senggelhi logolik he, amep endebat ekhe wanimbik, o it inebe logolik wam nogoin oba andoma, kwe ebekhalem e fena-fena telogo liabek mene andem ebene watik, e kwe ambe ambolkwe meneba watik, ino o.

KELUARAN 12:7 ပူးပေါင်းရင်းမြစ်များ

1RAJA-RAJA 6:31

O senggelek Mondok Hore'ma andi ebekhe kuguba re, kwe sou pire e zaitun meneba hilingisogo fesikhe. Kwe sou elugun ambol kwe meneba re, tulem sumbukhogo ele'lagat waganogo 5 ba wokhigik wutikhe.

KELUARAN 12:13

A'nogo weaget fisambik waga logolik, hit hinailokwe wam mep warek logogin andi nen enegat hilinglasigin o. A'nogo enegat were'ma, An nen afuni Mesir mene legetfisilik waga logolik, hit ogalhinobagaluk lagain o.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

EFESUS 1:7

A'nogo wo'nisasikhemo, ebe amep wulagaisogo watukwa andiba, ninonggo palogo telninafik, nit weak hilingiti lagagu mene legetfisigik, isikhe andi. At Allah endawimo kagalek logolik ninebe futninobagasikhesik he, obabut mondok fano a'nogo nen hokhorogo endawitninafikhe andi.

ULANGAN 11:20

Hit hinaiba solombonma inom, leget waganek mene kwe kuguba inom palogo feino.

IBRANI 10:14

At Kristus misigam faget wa'laga logolik, ebe Allah wogetikhe andiba, nit afuni ninebe Allah faget fisogorek mene halok katokhogo mondok ho'ninafikhe.

IBRANI 10:29

Andi hak, it afuni nen Allah amlogo meneat he, ineisogen al perelogo herakfisigik, Allah nen nit ninom hunesuogeluk Kristus wa'lagaikhe andiba amep oba fano horinafikhe meneat he, hobuk inendawimo nen sebelfigik, Allah obabut fano mene Areagun a'nogo inane asegen wokhigik, ugu halok he, wene mondok enggin mene inoba fembik weagerinabigin o.

IBRANI 11:28

Wulibi wagaikhesik, endawinggen a'nogoat Allah oba himbirik logolik, at malaikat ekhe afuni inebe inoaterek mene nen, afuni o Mesir mene inagainafuri manggusa tago mene inoati logolik, afuni Israel mene inoasinogo iluk he, wam domba warogo enu paskah ninggi logolik, amep o kwe ebene lombok warik loageluk yagaisasikhe.

IBRANI 9:22

Allah nen wene komotninafikhe wene andi higithogo hilingiti logolik, yi mene ti mene mondogat mep oba nek hotaresi'mo andi nen he, mep wulafi'lek halok he, afuni weak hilingitarek mene sebelogo legetfisagain elo'lek andi nen he, mep watikhe andi.