KELUARAN 12:6 - Allah Wene Fano Wene Hupla Inane

⁶ A'nogo arat wendeberogo hinakfuluk were'ma nen, tanggal 14 oba hu'mokwe asi lagu halok he, o andi sambulat hit afuni Israel mene mondogat wam domba andi warogo senggelik logoin o.

KELUARAN 12:6 ပူးပေါင်းရင်းမြစ်များ

2 TAWARIKH 35:1

At Yosia nen Tuhan Along anggaluk legeisogo fikhi logolik iluk he, o Yerusalem oba omanogo Paskah seni isatikhe. Linggene andi sambul pesta andi hilingisugun mene faget he, tanggal 14 bulan misik oba werek kwelek wam domba watikhe.

EZRA 6:19

A'nogo hilingitukwasik, tahun andi welagaukwasigen he, tahun ekhe ombo'ne meneba, tugi it afuni Israel mene inenggi wenati logolik attak wenati lagaukwa mene andiba, tanggal 14 oba re, it afuni o Babel andoma huginabi lagaukwama welagaukwasik wagaukwa mene omanogo inebe mondogat Paskah seni a'nogo isatukwa.

KELUARAN 12:14

A'nogo hinoati'lek herakhinobagagin andi nen, hiren he, Nineisena Tuhan nen he o yi sambulat ninoati'lek herakninobagasikhe iluk, An noba ebetnafi logolik, ninggi logogun mene attak-attak erora'no. A'nogo naluk he, hobuk tahun ebe lombok oba, hiren Pesta Paskah andi hakhogoat ninggi logoino ikhe, iluk yagaisano,” iluk Musa Harun emberek inoba yagaisasikhe.

KELUARAN 12:17

O andem higithogoat, An nen hit afuni hit mene mondogat o Mesir en wokhinarek wulibi wagi o. Andi nen he, tahun ebe lombok, o andem oba higit asi wagu halok, An faget roti fiterek lek mene ninggi logolik a'nogo hilingiti logoino.

KELUARAN 12:18

Tahun ebe lombok, a'nogo hilingiti logolik, o andem oba higit asi we'luk, tugi attak mene foleligin andiba tanggal 14 oba hubanggo nen huli tanggal 21 hubanggo logolik, sumburu roti enggen fitungge mene andi inom werago mene hit ekhe nogoin mondok lego.

KELUARAN 12:47

It afuni Israel mene inebe mondogaren linggene andi sambul esinet fikhi logolik legeisogo fuluk obaget hilingiti logogun.

KELUARAN 16:1

Afuni Israel mene o Mesir herakfisaluk wulibi wagaukwasik oba re, tugi ekhe mum agaikhesik he, hobuk ekhe folokhogo tanggal 15 oba, o Elim en waga lagaukwasik he, o andoma nen honggolek, tom Sinai nen honggolek, tulem o leimo afuni le'ma enu Sin andoma wagaukwa.

KELUARAN 16:12

”Afuni Israel mene nen wene pali'lagwi andi an arat nesanggo holhi o. An nen wogisugunem, hu'mokwe re sue ninggik, ohealekwe re sumburu roti hangge mene ninggik, inalabut ninghogo ninggi logogun o. A'nogo wogisugunem, An it ineisena Tuhan Allah nebe futnobagagun o,” iluk yagatikhe.

KELUARAN 19:1

Afuni Israel mene o Mesir herakfisaluk wulibi wagaukwasik oba nen, tugi pirenek meneba waga lagaukwasigen, o Rafidim andoma herakfuluk wagaukwasik he, tugi ekhe tanggal 1 ba re, o leimo tom Sinaiba wagaukwasik o sabu tenda mene tom a'ma andoma wutukwa.

KELUARAN 29:39

Misik ekhe re, hubet warogo nolfuluk, ekhe hu'mokwe warogo nolhi logogun.

KELUARAN 29:41

Domba eak hu'mokwe warogo nolhi logogun mene andi ogore, obabut hubet mene hilingisugun andi higithogo tepung inom zaitun amusu inom, anggur amusu inom fuluk nolhunogo. A'nogo nolhunem amben andi nen An nendawinggenma healhi logogin.

YESAYA 53:6

Nit ninebe mondogat he wam domba longgo ikherek andi hak nonghong isugusik welagagu, kwe inanggwe lombok lagaikharek andi hak ninobabut lombogen weak hilingiti logagu. Nit ninebe mondogaren weak hilingiti lagagu mene a'nogo Tuhan nen waganogo at oba fakhasikhe.

YEHEZKIEL 45:21

Nen tanggal empat belas tugi misik oba re hiren he seni Pesta Paskah isati logogun. A'nogo hilingiti logolik linggene sabit meneba re afuni nen roti fitungge meneba werago lek mene nek ninggi logogun.

IMAMAT 23:5

Allah nen a'nogo yagatikhesik, ekhe mel yagatikhe: ”An nen Telhinafigi mene andi hinendawimo eberek logolik hineisena Tuhan fogetnabuogoluk,” tugi attak meneba tanggal 14 o mo korokhogo kugu kwelek andem oba erora'luk hilingiti logoino.

BILANGAN 28:16

Tugi misik tanggal empat belas oba andi re linggene Paskah seni isati logolik ninesiena Tuhan faget hilingiti logogun oba werek.

BILANGAN 28:18

Hiren hinenggi andiba ebeti logouwogeluk logolik, hinenggi fem attak-attak andi sambul he hiren wene kabogeti logouwogen iluk hinebe seberogo kabogeti logogun, nen yabu enggin mene ekhe hilingiti logogun lek.

BILANGAN 9:11

oba nen he, iren fogerasugun mene andi re tugi ombo'ne pirenek meneba werek kwelek tanggal empat belas oba fogerasugun. Linggene andi sambul fogerati logolik he iren inanggo domba Paskah a'nogo inom roti fiterek lek meneba weragongge inom eremengga arik weak mene inom seberogo nogoin fano.

MATIUS 27:20

it ap Allah eisewerek mene inogogwi kaindek omanogo inom, inaluendek omanogo inom, inomenat, afuni hokhorogo omanogo inendawimo kagalhi logolik, ”Barabas andi enggi hele fikhalnisikhi logolik he, Yesus andi nek he, wa'no o, iluk yagasubagaik,” iluk yagaisasukwama re,

MATIUS 27:25

it omanogo inane ninghogoat ikhi logolik he, ”At amep andi re, nit ninagainafuri ninomat ninoba logouwago!” iluk yagatukwama re,

MARKUS 15:1

A'nogo hilingiti lagaukwasik, o wei isikhemo re, ap wene Allah faget ero pilingitarek mene inebe mondogat, it ap Allah eisewerek mene inogogwi kaindek omanogo inom, inaluendek omanogo inom, Allah ane lisu palek eisewerek mene omanogo inom, fena inomaren, ”Yi'nogo hilingisuok,” iluk isukwasik he, Yesus enggi hele warogo Pilatus wogosi wagaukwa.

MARKUS 15:11

A'nogo yagaisasikhe meneat he, it ap Allah eisewerek mene inogogwi kaindek omanogo nen he, afuni hokhorogo omanogo inendawimo kagalhi logolik, ”Barabas andiat enggi hele fikhalogo wo'nisanok. Yesus andi lego, iluk yagasubagaik,” iluk inendawimo kagalhukwa.

MARKUS 15:25

Yesus ebe watukwa andi re, ohealek jam 9 eba menfesukwa.

MARKUS 15:8

were'ma, it afuni hokhorogo omanogo Pilatus oba wagaukwasik he, mel yagatukwa: ”Pilatus noe. Haren afuni inenggi hele warek mene fikhalogo wo'nisikhi lagen a'nogo hakhogo, yogondak ekhe fikhalogo wo'nisanogeluk wago o,” iluk kino yagatukwa.

LUKAS 23:1

Wene a'nogo isukwasik, afuni inebe welagaukwa mene omanogo mondogat menlagaukwasik he, Yesus Pilatus oba waluk wagaukwa.

LUKAS 23:18

A'nogo yagaisasikhe meneat he, it ap mondogat omanogo nen he, inane paksilak ikhi logolik, ”Ap Barabas andiat enggi hele fikhalnisambik he, ap yiat wasugun o,” isukwa.

KISAH PARA RASUL 2:23

Mene re, at Allah elu logolik, endawimo nen, a'nogo hilingisuago, iluk anggasikhebaat, Yesus ebe hinenggiba fesikhemo, hiren ap inobabut weak mene inenggi waganogo, at ebe eba menfuluk watep andi.

KISAH PARA RASUL 3:14

Athe, Allah nen lakfei wagaikhemo obabut higithogo hilingiti laga meneat he, hiren Pilatus yagati logolik, Ap andi ebe ninabiro. Ap ekhe afuni inoare meneat he, andiat enggi hele fikhalogo wo'nisan o, iluk kino yagatep anggigi.

KISAH PARA RASUL 4:27

A'nogo isigin hagat, at Herodes inom, Pontius Pilatus inom, afuni endakwe mene inom, afuni Israel mene inom, hat honggwarek hamlogo Yesus, nit afuni telninabuageluk menfesigin mene a'nogo, wasuogeluk eberogoat o yoma andogosi wagaikha andi faget isigin andi.

YOSUA 5:10

O Gilgal kweang tonggwe liok layokse'ma o Yerikho horokhogo andoma it afuni Israel mene o su mene wutfilik, elama faget logolik tugi andiba tanggal 14 oba hu'mokwe Allah nen telninafikhe iluk andi faget ebetikhi logolik seni Paskah nasukwa.