KELUARAN 12:3 - Allah Wene Fano Wene Hupla Inane

³ Tugi yi mene tanggal 10 oba hit ap hinebe lombogen domba misiktek hinagainafuri hinom nogoin mene warogo senggelik lano o.

KELUARAN 12:3 ပူးပေါင်းရင်းမြစ်များ

KEJADIAN 22:8

A'nogo yagatikhemo, at Abraham en he, ”Allah onggwaregen wam domba eak ekhe wo'nisagain o,” iluk yagatikhesik emberegat pikhit lagaukwa.

KEJADIAN 4:4

A'nogo fisasikhemo, at Habel ogo re, anggo domba mene ekhe eak attak tatikhe mene wanhikhesik he, warogo nen senggelogo asei fano mene re Allah faget fisasikhe. A'nogo fisasikhemo, Allah agaiyek Habel oba fesikhe.

2 TAWARIKH 35:7

At raja Yosia nen he it afuni seni Paskah isasuogeluk kabogesi wagaukwa mene omanogo nen wam warogo Paskah hilingisuageluk he, aren wam onggwaregen mene domba re 30.000 nen inom, domba eagwi inom, kambing kotorek mene inom, sapi ai mene 3.000 nen inom wogisasikhe.

KELUARAN 12:2

”Tahun ebe lombok tugi hinenggi wenati logolik he, tugi yi attak wenasugun mene hilinglasuago. Hinenggi a'nogo wenati logoino, iluk yagahisigi mene andi, hiren afuni Israel mene mondogat inoba yi'nogo yagaisano:

KELUARAN 12:21

Nineisena Tuhan nen a'nogo yagaisasikhemo, at Musa nen afuni Israel mene inogogwi wesuageluk inayonggo fesikhemo wagaukwama re, mel yagaisasikhe: ”Hinagainafuri hinom Pesta Paskah nobagaigen he, wam domba eak misigat mene ekhe wani lani o.

KELUARAN 12:4

Wam domba andi warogo re afuni inebe wam andi nogoin mene inebe lombok inenggi wenagaisogo palugun fano. Meneat he, ap ekhe againafuri inebe endebat hilingi'mo, wam domba eak misik mene andi warogo felelenghogo na re, elo'lek asigin halok, ap ekhe inagainafuri inebe hokhorogo werek mene inom, wam andi felelenghogo nouwogeluk he, hinom lambukhogo nano.

KELUARAN 12:6

A'nogo arat wendeberogo hinakfuluk were'ma nen, tanggal 14 oba hu'mokwe asi lagu halok he, o andi sambulat hit afuni Israel mene mondogat wam domba andi warogo senggelik logoin o.

KELUARAN 14:15

A'nogo yagaisasikhemo Tuhan nen he, Musa mel yagatikhe: ”Telhinabuageluk hane hokhorogo yaganeti lagen andi nenahalok? Afuni Israel mene pikhirat loageluk yagaisan o.

KELUARAN 20:19

A'nogo mendek logolik iren he, Musa mel yagatukwa: ”Wene haren yaganisugunem nit ninesanggo holhi logogun. Mene athe, nit hobuk ninebe wa'lago hanogo re, Allah nen ane nit ninoba yaganisagain mondok lego,” iluk yagatukwa.

KELUARAN 4:30

A'nogo andogerinafukwasik, Harun nen he, Tuhan nen wene Musa yagatikhe mene omanogo mondogat tindelogo yagaisasikhe, at Musa nen it futfoageluk elalin mene mondogat it ineilhanem hilingitikhe.

KELUARAN 6:6

An nen hit nagainafuri hilinghinabimbik he, An Tuhan hineisena Allah logogin o. Logolik, afuni Mesir mene nen inamingmingengge hak fethinarek were'ma wokhinarek wulibi wagunem hiren he, An Tuhan, hineisena Allah iluk hobuk futnobagagun o.

YEHEZKIEL 40:1

Andi sambul tanggal sepuluh ba tugi misik, tahun dua puluh lima ba nit la'ninobagasukwama logolik oba andem, nen Yerusalem sebelaga huli nen he tahun empat beles meneba werek kwelek, At Tuhan nen an nomame kwelaknobagaikhesik an nebe wo'narek laga.

IMAMAT 5:6

Nen, at aweak hilingisigin mene a'nogo leget fouwageluk onggo re aren wam domba ogo, kambing ogo, he mene halok misik ekhe waluk wagunem, it ap imam omanogo nen ap a'nogo aweak lek hilingisogo fouwageluk wam a'nogo warogo Tuhan wogeti logogun.

BILANGAN 15:11

Nen hiren sapi ai mene inom, domba ai mene inom domba inom kambing inom warogo nolhi logolik fikhi logogun mene re andoma.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

YOHANES 1:36

A'nogo were'ma, at Yesus kwe andi kwe lageluk wagunem Yohanes eilenggen yet hasikhesik he, mel yagaisasikhe: ”Allah anggo domba mene a'nogo waga a'li yet hani,” iluk yagaisasikhemo,

YOHANES 12:1

Wene a'nogo isukwasik werek kwelek, inenggi fuaben welagaukwasigen ekheba seni Paskah a'nogo mene nouwogeluk oan werek kwelek, at Yesus o Betania ap Lazarus wa'lagaikhemo nen eluget fesikhe a'nogo awiba wagaikhe.

YOHANES 12:12

A'nogo isukwasik werek kwelek, o healekwe, it afuni nen he, ”At Yesus o Yerusalem wesigeluk weri'logo,” iluk isukwama, it afuni hokhorogo seni Paskah nunggunem andogotukwa mene omanogo inesanggo holhukwasik he,

1 KORINTUS 5:7

Afuni Yahudi mene seni Paskah ninggi logolik, domba wam warogo, enggen roti fisuageluk elonggoma pelafarek mene wulakfisaluk, fiti'lek mene nek nenggarek hak hilingi'no. Ninanggo domba wasu hak, Kristus nit faget arat watukwa andi nen he, hinebe roti ket fiti'lek mene agepsik welagep hak eberogoat asubagaigen, enggen roti fisuageluk pelafarek mene attak mene wulakfisagarek hak, weak hilingiti lagep mene andi horogo herakfisano o.

YOSUA 7:14

Andi faget he, Yosua ao, o hobit hubet he it inebe inunggulenu lombok kwelagisogoin. Nen, An nen it inunggulenu lombok misik mene ekhe wagu halok inoba hilingfugunem enek agu halok he, it inunggulenu andi mene akhogo salek mene aremnogo higithogo waga logogun. Nen An nen it inunggulenu werek aremnogo misik ekhe wagu halok inoba hilingfugunem enek agu halok he, it inunggulenu aremnogoba nen ineisok erokwe hilingik aple higithogo waga logogun. Andi nen An nen it misik mene ineisok erokwe wagunem inoba hilingfugunem enek agu halok he, it ineisok erokwe misik mene andiba inebe werek mane aremnogo ap misik-misik waga logogun.

WAHYU 13:8

At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.

1 SAMUEL 7:9

A'nogo yagatukwa andi nen he, at Samuel en wam domba eak oan mene misik ekhe wanhikhesik he, senggelogo Tuhan endawimo agaiyek hoageluk obaget warogo noletikhe. A'nogo arat noletikhesik he, afuni Israel mene telinabuagaluk Allah ayonggo fesikhemo, ane esanggo holhikhe.