KELUARAN 12:12 - Allah Wene Fano Wene Hupla Inane

¹² A'nogo nogoin andi sambulat hubanggo An o Mesir yi awi ti awi mondogat neilenggen kogolik waga logolik, inagainafuri manggusa tago ap mene nek inom, it inanggo ai mene attagat tago mene inom mondogat inoasigin. Nen, afuni Mesir mene nen yi mene ti mene oba himbirik logolik fogeratarek mene andi mondogat weaget fisagain. An Nebere Hineisena Tuhan.

KELUARAN 12:12 ပူးပေါင်းရင်းမြစ်များ

1 TAWARIKH 14:12

It Filistin inap a'nogo inailo nen pupa ikhi logolik he, inanggembu awi wurik omanogo lin-lin wilifukwama re at Daud en he kembu oak wurik omanogo endu noluageluk yagaisasikhe.

MAZMUR 135:8

O Mesir oba omanogo nen he Aren afuni inagainafuri manggusa tago omanogo inom, yi mene ti mene attak tago welagaikhe mene omanogo inom mondogat inoatikhe.

MAZMUR 82:1

Asaf Awuni. At Allah nen pogoroba andoma wene it legoma werek mene inom kabogetasik he, Aren wene yi'nogo tekhogo menfikhe.

MAZMUR 82:6

An nen hit hinoba ikhi lagolik he, ”Hit he mondok esin mene welagep andi nen yagahisikhi lagi o, nen hit he At Allah ebe Mondok Lego werek mene a'nogo againafuri welagep.

MAZMUR 91:7

A'nogo weak aga logolik, hat hera'lu andoma afuni inebe 1.000 nen wa'lagik, henggi ebekwe higit he inebe 10.000 nen wa'lagik, hilingitu kwelek oba nen he, hat enek he yi'nogo ti'nogo iluk ekhe hoba asigin lego.

MAZMUR 95:3

At Tuhan andi re, Allah mondok andungdang werek mene hilingi'mo re, At ebere it dewa omanogo sebelek werek kwelek, At he Raja mondok lego mene werek.

KELUARAN 12:23

A'nogo watfuluk were'ma, nineisena Tuhan afuni Mesir mene inoasigiluk eilenggen kogolik waga logolik, domba amep hit hinaiba kwe ambe fana-fena e liabek meneba inom, e kwe ambe ambolkwe meneba inom, warek were'ma eilenggen haluk he, hit hinaiba ogalhisaluk pikhit laga logolik, malaikat afuni inoaterek mene hit hinaiba hinoasi kwigi'lek pikhit loageluk yagasigin o.

KELUARAN 18:11

It afuni Mesir mene nen wonoget fakhikhi logolik hilingitu kwelek At Tuhan nen a'nogo hilingiti laga andiba re, it mene inanggembu ilahi omanogo mondok sebelek werek kwelek At Tuhan enek he mondok hokho mene werek iluk an yogondak futfikhi lagi o,” isikhe.

KELUARAN 21:6

at eisena a'nogo nen ap wene kabogetunem omanogo waluk lagain. Andoma nen amingmingengge a'nogo o wene kabogetuba a'nogo kwe sou oba ogo, nen e lang oak telik meneba ogo, menlasin iluk yagasimbik, eisena andi nen amingmingengge a'nogo esanggomangge fo'lokhogo wat fagain. A'nogo hilingfoumore at amingmingengge andi ebe eluk logogin oba re eisena a'nogo amingmingengge mondok-mondok asigin.

KELUARAN 22:28

Hiren hinaneweak Tuhan oba fou fuk, hit hinunggulenu mene hinanggele'ma andoma hinogogwi fethinarek mene inoba homan fisa fuk.

KELUARAN 6:2

Anatma re, An Allah Nebe Nomame Hokho yi mene ti mene hilingisu hagenek logolik, Abraham inom, Ishak inom, Yakub inom, inelokhoma menlaga lagagi meneat he, An Nenu, Tuhan iluk furogo yagaisikhi lagi lego.

KELUARAN 9:6

A'nogo nen ohealekwe re, At Tuhan nen isikhe hagat hilingitunem, wam afuni Mesir mene inanggo omanogo mondogat wa'lagaikhe. A'nogo meneat he, wam afuni Israel mene inanggo misikhogo ekhe wa'lagi'lek fano welagaikhe.

YESAYA 19:1

Mesir mene inoba hilingfisagain mene yagaisoageluk isikhe mene re yi. Tuhan o Mesir lageluk ohena weak-weak lagarek meneba weri'logo a'li yethani! O Mesir oba tugwi kembu werek mene omanogore At elokhoma inoak leigetik, nen afuni Mesir mene re inendawinggen eak agik hilingiri'lagwingge andi.

YEREMIA 43:12

An nen he, it Mesir inaben tugwi kembu helep elekwe inawi wurik mene andoma bene endu fisagaisogo kwelabik lagain, nen raja Babel mene nen he kembu agut hilinghigik helep a'makwe werek omanogo nolhik, athe at aiba anggweangma omanogo helaluk lagik igin. Ap wam domba konharek mene nen asubene pisang lelherek hak, at raja Babel mene nen o Mesir mene felelenghogo lakfisambik he, nekhengge aiba lageluk lagunem afuni nen ekhe anggwe palu re elo'lek asigin.

YEREMIA 43:13

Kembu wurik o Heliopolis Mesir oba andoma werek mene re wolelenggenhogo legetfisagain, nen Mesir mene nen dewa apne wanharekwe andoma re endu nen mondogat nolugun o,” iluk yaganete.

YEREMIA 46:25

Tuhan Omame Mondok Hokho mene, Israel mene ineisena Allah a'nogo nen ikhi logolik, ”An nen he at Amon dewa o Tebe mene andi inom, Mesir mene inanggembu dewa andoma mondogat inom, raja inom, unggum wogisagain. Raja Mesir mene inom afuni mondogaren kembu andiba inendawinggen himbirik werek mene re,

YEHEZKIEL 12:16

It mene andoma mene inebe endebengge nek telinabigin mene re, An nen tok ambisangma inom sumburu ouwagen inom, ou amben weak meneba nen inom, telogo fisagain, Andiba re, iren weak mondok hebak inafe mene hilingiri'lagwi mene andoma faget it afuni pok mene inanggele'ma andoma nen, nit weak hilingiti lago iluk futfakhambik, iren An nobaget Tuhan andi re eberogo aro, iluk fagesugun o,” ikhe.

AMOS 5:17

An nebe hinanggele'ma waga logolik wene hinoba filik wesigin andi nen he, afuni anggur yabumo mondogat logogun mene nen le hokhorogo asugun o, iluk An hineisena Tuhan nen arat igi,” iluk ikhe isikhe.

ZEFANYA 2:11

Tuhan nen he, it inebe inailonek asuageluk hilingfisagain. Aren he, kembu Dewa o kweangma werek mene andoma mondogat wolelenggenhogo lakfisagain. A'nogo hilingfisamo re yi afuni ti afuni inunggulenu lombogen he, Tuhan obaget inonggwarek inailokwe lombogen hilingiti logogun.

BILANGAN 33:4

inagainafuri manggusa mene Tuhan nen pinggi inoatikhemo inebe warek he kwe-angma salinafukwama ineil isasukwa. A'nogo hilingitukwa andiba re afuni Mesir mene inanggembu ilah omanogo omame lek hak hilingik kwelek Tuhan enek he Omame Mondok Hokho mene a'nogo weinamet fesikhe andi.

1 SAMUEL 5:3

A'nogo fei kwisukwasik, ohealekwe afuni o kota Asdod andoma welagaikharek mene o huberat siakhogo wagaukwasik kwelakhasukwa re, kembu Dagon a'nogo tamakhogo elokhe sogoum lagaikhesik, Peti Wene Warogo Allah nen wo'ninafikhe, iluk hilingik a'nogo elokhoma were'ma hasukwa. A'nogo hasukwasik, kembu a'nogo ambotkwe waganogo obuluk welagaikheba aremnogo menfesukwa.

1 SAMUEL 6:5

Andi nen he, hiren hinebene tugerik laga mene andi faget alik hilingitik, nen o hit were'ma yoma wusikham sakhogo kwi wagasik weak-peakhogo hilingiri'lago andi nen he, wusikham alik ekhe hilingitik, ini o. Hiren afuni Israel mene ineisena Allah agaukhogo a'nogo hilingisugun andi nen he, Aren hit hinebe inom, hinandugwi kembu inom, hinawi inom, wene hinoba fikhe mene andi korogo leget fagain anggikhi lago o.