KELUARAN 12:11 - Allah Wene Fano Wene Hupla Inane

¹¹ Hit wam andi ninggi logolik he, hinasu kwe louwogeluk labetarek andi hagat labetik, sandal hineiso'ma itik, iluk he, hinenggimo sige tomuk fisogo mondok logolik nano o. Ninggi logolik he, weak-weakhogo nek nunggunogo. A'nogo nogoin andi re, An hineisena Tuhan fogetnabuogeluk Pesta Paskah nogoin he a'nogo andi.

KELUARAN 12:11 ပူးပေါင်းရင်းမြစ်များ

KELUARAN 12:27

hiren he, Nineisena Tuhan nen afuni Mesir mene inagainafuri ap manggusa mene mondok inoarik waga logolik, nit Israel mene ninaiba ninebe ninoasi kwigi'lek nineluk herakninobagaluk lagaikhe andi nen, At fogerati logolik wam domba warogo seni Paskah ninggi lago o, iluk yagaisikhi logoino o,” iluk yagaisasikhemo, it afuni Israel mene omanogo ineindep awi yagaisogo At Allah fogeratukwa.

EFESUS 6:15

hineisok sepatu isu hak, Allah nen ninebe lambukhogo ninobagaikherek iluk, fano wene andi waluk louwogeluk, inobabut, ”Io. An lagain,” iluk agarek andi mene itik, ino.

1 KORINTUS 5:7

Afuni Yahudi mene seni Paskah ninggi logolik, domba wam warogo, enggen roti fisuageluk elonggoma pelafarek mene wulakfisaluk, fiti'lek mene nek nenggarek hak hilingi'no. Ninanggo domba wasu hak, Kristus nit faget arat watukwa andi nen he, hinebe roti ket fiti'lek mene agepsik welagep hak eberogoat asubagaigen, enggen roti fisuageluk pelafarek mene attak mene wulakfisagarek hak, weak hilingiti lagep mene andi horogo herakfisano o.

1 PETRUS 1:13

Andi nen wene andi futfuluk he, kwe fungusek louwogeluk inobakhe hele ninghogo homatarek andi hak, hinobabut hebelogo, hinendawinggen wenggelogo logoino. A'nogo logolik hinendawimo nen he, ”Allah nen Yesus Kristus ebe weinamhogo lakfei wagunem fano mene wo'nisa wesigino,” iluk hinendawinggen at oba lakfuluk oba eberek mondok logoino o.

LUKAS 12:35

A'nogo yagaisasikhesik hobuk yagaisikhi logolik he, ”Ap kain mene hemi iginafunem laluk isago naluk wagunem, agoromi amingmingengge mene yerogo inebe hebelogo were'ma, at ambotkwe we'luk kwe papaget hugunem weak-weak kwe huthagarek hak, hit ogo re, hinasu fanorogo laberogo nen esage ibilogo fuluk logoino o.

BILANGAN 28:16

Tugi misik tanggal empat belas oba andi re linggene Paskah seni isati logolik ninesiena Tuhan faget hilingiti logogun oba werek.

IMAMAT 23:5

Allah nen a'nogo yagatikhesik, ekhe mel yagatikhe: ”An nen Telhinafigi mene andi hinendawimo eberek logolik hineisena Tuhan fogetnabuogoluk,” tugi attak meneba tanggal 14 o mo korokhogo kugu kwelek andem oba erora'luk hilingiti logoino.

KELUARAN 12:43

Tuhan nen Musa Harun emberek yagaisikhi logolik he, ”Hiren seni Paskah isati logolik hilingiti logogun he yi'nogo: Ap pok mene halok he linggene Paskah andiba wam domba watu mene andi eino ninggi logogun lek o.

KELUARAN 12:21

Nineisena Tuhan nen a'nogo yagaisasikhemo, at Musa nen afuni Israel mene inogogwi wesuageluk inayonggo fesikhemo wagaukwama re, mel yagaisasikhe: ”Hinagainafuri hinom Pesta Paskah nobagaigen he, wam domba eak misigat mene ekhe wani lani o.

LUKAS 15:22

A'nogo yagatikhe meneat he, at eisena a'nogo nen amingmingengge mene omanogo yagaisikhi logolik he, mel yagaisasikhe: Lambik he, su fano mene a'nogo waluk weak-weak labetfei wagik, senggan fano mene enggimo ikfei wagik, sepatu eiso'ma ikfei wagik, weak-weak ini o.

LUKAS 7:38

Waluk wagaikhesik oloba kwisikhesik he, Yesus eisok unggutmo ambotma horok-horok wagaikhesik he, andoma mendek logolik le aga lagaikhe. Le agunem eil amusu Yesus eisok oba pisikhemo re, esiba hobuk horatikhe. Horatikhesik he, eisok oba hai ambe saluk watikhesik he, amusu amben fano mene waluk wagaikhe a'nogo Yesus eisok oba watfesikhe.

KELUARAN 12:13

A'nogo weaget fisambik waga logolik, hit hinailokwe wam mep warek logogin andi nen enegat hilinglasigin o. A'nogo enegat were'ma, An nen afuni Mesir mene legetfisilik waga logolik, hit ogalhinobagaluk lagain o.

LUKAS 2:41

Tahun ebe lombok mo lagagik pigik ugu kwelek, Yesus agaisa eisena emberek domba wam warogo seni Paskah hokhoba isago nouwogeluk he, o Yerusalem pikhi lagaukwa.

YESAYA 52:12

Tuhan nen hit logoin kwe wokhinarek lagik, Allah Israel mene ineisena a'nogo nen hinelokhekwe, hinambotkwe hinabel fena-fena hinalong palogo fethinarek mondok werek andi nen he, afuni nen heise louwogeluk hale'legengge lagaikharek andi hak hiren weak-weak logogin iluk hilingisu fugo.

BILANGAN 9:1

Tahun pirenek meneba re tugi misik werek kwelek it afuni Israel mene o Mesir herakfuluk wulibi wagaukwasik, aremnogo sambul o Sinai leimo nen Tuhan nen Musa wene yagatikhe.

ULANGAN 16:1

A'nogo yagaisasikhesik ekhe yagaisikhi logolik, ”Linggene Paskah faget ebeti logolik, hineisena Tuhan Allah legeisogo fikhi logolik he tugi Abib andiba hilingiti logoino. Tugi andiba re hit o hubanggo o Mesir en lologo wulakhinabi wagaikhenggere.

YOSUA 5:10

O Gilgal kweang tonggwe liok layokse'ma o Yerikho horokhogo andoma it afuni Israel mene o su mene wutfilik, elama faget logolik tugi andiba tanggal 14 oba hu'mokwe Allah nen telninafikhe iluk andi faget ebetikhi logolik seni Paskah nasukwa.

2 RAJA-RAJA 23:21

A'nogo hilingi'luk wagaikhesik, at Yosia nen afuni mondogat mel yagaisasikhe: ”Nineisena Tuhan nen he, An nen yi'nogo hilinghinabigin, iluk wene warogo wokhinafigi mene andi hinendawimo eberek logolik seni Paskah yi'nogo ninggi logoino, iluk wene watnisasikhe mene lisu palek werek andi higithogo re, Tuhan ebe agaukhogo nouwogo,” iluk yagaisasikhemo nasukwa.

YEHEZKIEL 45:21

Nen tanggal empat belas tugi misik oba re hiren he seni Pesta Paskah isati logogun. A'nogo hilingiti logolik linggene sabit meneba re afuni nen roti fitungge meneba werago lek mene nek ninggi logogun.