KELUARAN 12:10 - Allah Wene Fano Wene Hupla Inane

¹⁰ A'nogo ninggi logolik tindelagu halok, kop fuluk ohealekwe nogoin mondok lego. We, kop figi'lek mondok felelenghogo endu nolugun fano.

KELUARAN 12:10 ပူးပေါင်းရင်းမြစ်များ

KELUARAN 16:19

A'nogo hilingitukwama, at Musa nen he, it mel yagaisasikhe: ”Kwalhep mene andi hit ekhe nen ohealek mene faget ekhe fogoin mondok lego. We, felelenghogo nano o,” iluk yagaisasikhe.

KELUARAN 23:18

Hiren An nobaget wam warogo fei waga logolik he roti fitungge werek mene re, An nobaget fei waga logou fuk. Wam An nobaget hiren seni henagan aremnogoba isati logolik warogo fei wesugun mene asei andoma re foumo o hubet asinogo.

KELUARAN 29:34

Nambigen ambi, ohealek weirogo eino ogo, nen roti ogo, tindurek werek halok he, fologo fuluk ekhe ninggi'lek endumo mondok nolino.

KELUARAN 34:25

Seni a'nogo hilingisuogeluk wam An faget nobagagun mene senggelhi logolik, yi mene ti mene sumburu roti enggen fisuageluk pelafarek mene inom pelagaisogo weragongge An faget ekhe nobagagun mondok lego. Nen, linggene wam seni Paskah andi faget nouwogeluk wera'luk he, ekhe ohealek mene faget figi'lek o hubanggo andi sambul felelenghogo ninggi logoino o.

IMAMAT 19:6

Wam ebe warogo senggelugun sambul andi inom, ohealekwe inom, kurik higit nogoin. Meneat he, ohealek logombik age hak wam kurik andi fena werek halok he, felelenghogo endu nolino o.

IMAMAT 22:30

Andi sambul watu mene andi re, we hinenggi andi sambulat felelenghogo nano. Ohealekwe faget ekhe endephogo fikhi logou fuk,” iluk isikhe.

BILANGAN 9:12

Nogoin engge andoma mene ekhe tindelogo fogoin mene re o hubasimbik wei igin hanogo, nen wam warogo An wo'nesugun mene andoma oak misik iluk ogo ekhe sombosugun lek. Seni Paskah andi fogerati logolik he, wene melalek werek mene higithogo nek hilingi'no.