KELUARAN 11:6 - Allah Wene Fano Wene Hupla Inane

⁶ A'nogo wa'lagunem, afuni o Mesir yi awi ti awi mondogat andoma lenggu-lengga ugu mene nek holhi logogun. Le andi hak mene o attak ogo ekhe holha lek mene hobuk ekhe hilinglasigin lek mene.

KELUARAN 11:6 ပူးပေါင်းရင်းမြစ်များ

KELUARAN 11:7

A'nogo meneat he, afuni Israel mene inailokwe nek he, afuni inebe inom, wam inom, weagerinafik, inoba sebelhik, igin mondok lego. A'nogo hilingitunem fut fembik, hiren, andi afuni Israel mene ineisena Tuhan nen nit afuni Mesir mene ninoati logolik, afuni Israel mene herakfisikhemo enegat hilinglaga, iluk futfanubagaigeluk a'nogo hilingisigin o, iluk ikhe,’ ” iluk yagatikhe.

KELUARAN 12:30

A'nogo inoati logolik, o misik meneba omalik misik iluk ekhe ineluk fisigi'lek inoatikhe andi nen he, le mondok hokhorogo agunem, inane inesanggo holhukwasik, at raja inom, at agoromi inom, afuni Mesir mene mondogat inom, hokhorogoat ineluk agaukwa.

KELUARAN 3:7

A'nogo salhikhemo, At nineisena Tuhan nen he, mel yagatikhe: ”An nagainafuri afuni Mesir mene nen inamingmingengge higit ferinarek logolik, yi enggin ti enggin hilinginafunem telinabuageluk nayonggo fugu mondok welagaikharek andi, An arat neilenggen isigik, nesanggo holhik, igi o. It yi enggin ti enggin hili'lagwi andi An mondogat nelu o.

KELUARAN 9:18

Hobit hubet ya ha'ma, An nen meiso sogenggen es inailo mene o Mesir yoma endamen huli yogondak huli ekhe ninggerek mondok lek mene hinoba lakfei wesigin o.

AMSAL 21:13

Ap ekhe inangge lek mene nen kinoti logolik eige iluk agarek mene omanogo ane hologo lebethigi'lek logoligen, at onggwarek faget enek lebetnabuageluk kino igin halok he, lebethikhi logou lek hak.

YESAYA 15:8

Yi kwe ti kwe o Moab inom huli hulimo andoma ap ngai-waiyenggetunem holhi logogun. Nen, le agunem he o Eglaim inom o Beer-Elim inomen holhi logogun.

YESAYA 19:16

Inenggi ekhe asi wesigin oba re inunggulenu Mesir mene andi re hemi nen hilingisu hak youk lambik inailo asugun. Tuhan Omame Mondok Hokho mene a'nogo nen enggi legeisogo it unggum wogisugunem ineilenggen hambik he inailo nen inoak leigeti logogun.

YEREMIA 31:15

Tuhan nen ikhi logolik, ”O Rama nen lenggu lengga ugunem inesanggo holhik, inendawinggen heiselhi logolik ngai wai liafunem holhik, ili'lagwi. He Rahel eagwi inebe mondogat longgogama re, konu re elo'lek logolik li le agu mondok werek.

RATAPAN 3:8

An lebetnabuageluk neneik yabati logolik kinoti lagiba nen Allah nen an nane esanggo holu re abit.

AMOS 5:17

An nebe hinanggele'ma waga logolik wene hinoba filik wesigin andi nen he, afuni anggur yabumo mondogat logogun mene nen le hokhorogo asugun o, iluk An hineisena Tuhan nen arat igi,” iluk ikhe isikhe.

ZEFANYA 1:10

Tuhan nen ikhi logolik, ”Linggene andi sambul he, o enu Gerbang Ikan iluk enu salogo werek oba andoma nen le asugun mene inesanggo holugun. Nen, afuni le arik kugu mene re o sili ket halogo kugun oba andoma nen holugun, nen o wurik meisalhigik pugu mene abolok he mondok hokhorogo hilingitunem o tom-tomkwe andoma tung-tung ilaga logogin.

LUKAS 13:28

A'nogo yagahisamo, hit enda'ma logolik, ap Abraham inom, Ishak inom, Yakub inom, ap fena Allah ane yagaisikhi lagaukwa mene omanogo inom, Allah awe a'ma fanoma andoma were'ma, hineilenggen kwelagisogoin o. Nen, hit enek he, kwe yagarogo wulakhinobagaumo enda'ma andoma logolik, hinaik himbirogo li ago le ago ikho mondok logogun o.