KELUARAN 10:4 - Allah Wene Fano Wene Hupla Inane

⁴ Haren An igin mene nane hologo hilingiti'lek herakfisagain halok, ohealek An nen he, hat haiba o Mesir yi awi ti awi mondogat pulue lakfei wesigin o.

KELUARAN 10:4 ပူးပေါင်းရင်းမြစ်များ

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

KELUARAN 10:5

A'nogo lakfei wagunem he, o Mesir yi awi ti awi mondogat engga inom, e inom, meiso sogenggen es mene nen weagetfigi'lek mene andi mondogat pulue ebe mondok hokhorogo wesigin andi nen mondok sebelogo fembik felelenghogo nagain o.

KELUARAN 4:23

Andi nen he, an nagainafuri mene andi an fogetnabi loageluk lakfisan o, iluk yagahesuageluk igi meneat he, haren, I o. Lani, iluk ikhi lagen lek. Andi nen yogondak an nen hat hagainafuri manggusa mene nek mondogat inoasigin o, iluk ikhe yaga'no,” iluk yagatikhe.

KELUARAN 5:1

Hobuk he, it Musa Harun emberek at raja Firaun o Mesir mene a'nogo oba lagaukwasik he, mel yagatukwa: ”Afuni Israel mene Ineisena Tuhan Allah nen he, ’An nagainafuri Israel mene o leimo afuni le'ma andoma lambik An fogetnabuageluk lakfisoagen yagasi lani’, iluk yaganisikhemo nen yagahesi wago o,” iluk yagatukwa.

KELUARAN 8:10

A'nogo yagatikhemo, at raja a'nogo nen he, ”An faget samban ohealekwe ino o,” iluk yagatikhemo, at Musa nen he, ”Noe, haren yi'nogo hilingfanino, iluk yaganeten halok he, an nen hilingisigin aro. Hilingitunem, haren he, hit hineisena Tuhan Allah andi hangge ekhe mondok lek. We, at Allah andi eberogoat higi, iluk futfagain aro.

KELUARAN 8:23

An nen he, nagainafuri inoba hunogoat hilinginafi logolik, hat hagainafuri inoba hunogoat hilinginabigin andi re, o healegat elalin mene yi hilingisigin o, iluk ikhe, yaga'no,” iluk yagatikhe.

KELUARAN 9:18

Hobit hubet ya ha'ma, An nen meiso sogenggen es inailo mene o Mesir yoma endamen huli yogondak huli ekhe ninggerek mondok lek mene hinoba lakfei wesigin o.

KELUARAN 9:5

An Tuhan nenat wasigiluk igi andi, o healegat hilingisigiluk igi o, iluk yaga'no,” iluk yagatikhemo yagatikhe.

AMSAL 30:27

Pulue andi re, inoe raja higit ekhe werek lek oba nen, fano higithogo nek eratarek andi.

YOEL 2:25

An nen it pulue esa hokhorogo andi inayonggo figirik lakfisa wagimo re, iren yi tahun ti tahun hinangge yi mene ti mene yago mene enggen weaget faga mene andi, obali'mo wokhisamo fano ninggi logogun o.

ULANGAN 28:38

Hiren enggen awi hokhorogo folhi logogun oba nen he pulue nen nunggunem we endebengge nek enggen itunem palhi logogun.

WAHYU 9:3

So'le andi elonggoma nen he, yi pulue ti pulue ililim aigen libilinaferek andi hak, afuni aigen libilinafi logouwageluk eisewerek fisagama, so'le anggele'ma nen lagai waga lagaikha.