KELUARAN 10:3 - Allah Wene Fano Wene Hupla Inane

³ A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

KELUARAN 10:3 ပူးပေါင်းရင်းမြစ်များ

1RAJA-RAJA 18:21

A'nogo lagasukwama, at Elia ebe afuni omanogo inoba horokhogo wagaikhesik he, mel yagaisasikhe: ”Huli ki huli nen hinendawinggen pire logogun anggegep. Nineisena Tuhan andi ebe Allah halok, nineisena Tuhan Allah andiat fogerasugun o. Nen, tugwi kembu Baal andi ebe Allahat halok, tugwi kembu Baal mene andiat fogerasugun o,” iluk yagaisasikhemo, it afuni andoma andogotukwa mene omanogo inane endebat halok ogo ekhe igi'lek kamo isukwa.

1RAJA-RAJA 21:29

”Haren he, ap Ahab an neilhanem endawinggen sebel fakhikhe andi hegen a? A'nogo hilingite andi nen he, An nen at ebe eluk werek kwelek, wene weak mene andi oba fagain lego. We, at amlogo logogin andem oba, againafuri inom inoba lakfei wesigin o,” iluk yagatikhe.

2 RAJA-RAJA 22:19

an neilhanem he, nit weak hilingitoma o, iluk hendawinggen sebelfakhegen mene andi An mondogat higi o. Nen An nen o kota Yerusalem inom, afuni inebe mondogat inom weagerinabigiluk arat tekhogo igimo o. A'nogo igimo andi nen he wene andi afuni ineilenggen hambik inailo agik, o kota Yerusalem homan ikfigimo andi nen he enu homan ugu igik, ikhi logogun o. Oba nen he, haren An nen wene hinoba fagain igi mene andi hesanggo holhendik hendawimo weakhogo hasu laberek mene tiliphogo lakfisigik, le agik egendik, samban oba yaganeten andi An arat holhi o.

2 TAWARIKH 33:12

A'nogo waluk fei lagaukwama oba enggin-fenggin hiki logolik he, aren Tuhan Allah oba endawinggen sebe isikhesik, lebetneoageluk samban isikhe.

2 TAWARIKH 33:19

A'nogo at Manasye nen samban isikhemo Allah nen onggo yagatikhe mene inom, at ebe endawinggen hebelhi le'ma aweak hilingiti lagaikhe mene inom, kembu fogerati lagaikhe kwe inom, kembu he mene dewi Asyera alik waganek welagaikhe mene inom, aren tugwi kembu ekhe mene ekhe mene fogerati lagaikhe mene inom, omanogo mondogat he buku it nabi nen hilingiti lagaukwa mene tindelogo palek mene a'nogoba mondogat palogo fesukwa.

2 TAWARIKH 34:27

haren hendawimo waregendik, hendawimo sebel fakhegendik welagen. An nen he o Yerusalem inom, it afuni o andoma werek mene inom mondogat inoasigin iluk arat nane walhogo figirik welagi oba nen he, An nen a'nogo hilingisigin iluk hilingitigi mene a'nogo re hat hesanggo mondogat holhendik, fong warikhi logolik hakhogo re le yagaisogo hasu tilip-talaphogo lakfisegendik, welagen. Andiba re haren samban egen mene andi re An arat nesanggo holhigi o,

2 TAWARIKH 7:14

it An nagainafuri An nenu hombuk palogo agarek mene andoma inendawi sebel fakhigik, samban An noba yaganesi wagik, weak hilingiri'lagwi mene andoma herak figik ugun halok he, An nebe pogoroba nen iren yaganesugun mene andi nesanggo holhi logogin. Holfuluk he An nen it inaweak leget figik, it inaggweang oba nekhengge inangge yi mene ti mene mondogat sik-pikhogo hilingik fisigik, ikhi logogin.

AYUB 42:6

Andi nen he, an nane igi mene mondogat nendawimo ebethaluk he, nenggali ari'lago. An nendawimo nen he, Nane weak igimo, iluk anggigirik he, nebe kweang alolongengge oba inom, wul oba inom hurek welagi o, neisena,” iluk yagatikhe.

KELUARAN 10:4

Haren An igin mene nane hologo hilingiti'lek herakfisagain halok, ohealek An nen he, hat haiba o Mesir yi awi ti awi mondogat pulue lakfei wesigin o.

KELUARAN 16:28

A'nogo hilingiti lagaukwama, at nineisena Tuhan nen Musa mel yagatikhe: ”Huli ki huliba, an nen komorogo, yi'nogo hilingi'no iluk yagahisigirek mene andi, nane hologo hilingiti'lek logogun nogo?

KELUARAN 4:23

Andi nen he, an nagainafuri mene andi an fogetnabi loageluk lakfisan o, iluk yagahesuageluk igi meneat he, haren, I o. Lani, iluk ikhi lagen lek. Andi nen yogondak an nen hat hagainafuri manggusa mene nek mondogat inoasigin o, iluk ikhe yaga'no,” iluk yagatikhe.

KELUARAN 5:1

Hobuk he, it Musa Harun emberek at raja Firaun o Mesir mene a'nogo oba lagaukwasik he, mel yagatukwa: ”Afuni Israel mene Ineisena Tuhan Allah nen he, ’An nagainafuri Israel mene o leimo afuni le'ma andoma lambik An fogetnabuageluk lakfisoagen yagasi lani’, iluk yaganisikhemo nen yagahesi wago o,” iluk yagatukwa.

KELUARAN 9:17

A'nogo meneat he, hat hendawimo foget fakhikhi logolik he, An nagainafuri loageluk lakfisigi'lek mondok welagen o.

AMSAL 1:22

”Afuni hinobabut mondok kembu mene yi sani! O mera nen hinobabut weak a'nogo mondok hilingitu logogun nogo? O mera nen afuni inendawinggen kagalek mene inoba hinane asegen wogisikhi lagep mene andi palfogoin nogo? Mera huli nen wene yanggulugun ninabit iluk ikhi lagep mene andi, herakfisogoin nogo?

AMSAL 1:24

Yagahisagain iluk, an nen naneba wolhinafik, nenggi lamok igik, igirek meneat he, Ninabit, iluk herakfisikhi lagep andi.

AMSAL 18:12

At onggwaregen legeisogo fakhikherek andiba pulema arat pilagarek andi, oba nen he ap endawimo sebel fakhikherek mene andi hobuk legeisogo fogoin.

YESAYA 1:5

Hiren Allah ebe ninabit iluk ugu mondok logogun andi re ninggi'nogoluk nogo? Weak hilingiti lagep andiba Allah nen wene ninoba fili'lago mene andem he, we endep hak anggikhi logolik hobuk enggin mene ninoba fouwageluk hilingiti lageba? Hinunggulkwe re hinoumo purak mene mondogat sagaikhemo welagep, nen hinendawinggenma wenggelhi lagep mene mondogat he ou agunem welagep.

YESAYA 2:11

Ap winik-wonok agarek mene andi re sebelfisigik, nen ap inonggaregen leget fakhagarek mene re pelakfisigik ugun. We Tuhan hamu nek legeisogo fikhi logogun.

YEREMIA 13:10

Inunggulenu mondok inobaharo weak mene ari nen he inendawinggen peterek logolik An nane holi'lagwi mondok lek. Andiba re it he sarung horogengge mondogat weak welaga andi hak hilinglasugun.

YEREMIA 13:18

Tuhan nen an noba ikhi logolik, ”Raja inom at agaisa inom takhta ba re mahkota ebe mene at ungguloba puksegengge a'nogo waganogo pikhenggere hurek werek oba andoma nen puakhogo yagaisan o.

YEREMIA 50:29

Tuhan nen ikhi logolik, ”Ap ekhe sikhe inenggi puk mene andoma nen Babel oba weim sineli kuakhogo yagaisani o. Ap sikhe wanhu aple hebelek inap andoma mondogat lirinapni. O kota andiba sali laluk he ap misik iluk ekhe polokhogo wilibuageluk herakfisa fuk. Aren he An Mondok Namu Horek welagi mene, Israel mene ineisena Allah a'nogo noba mondok nonghongsek mene hilingitenggere, at obabut hilingik mene andi higithogo, nen aren hilingite mene inom hilingiri'lago mene inom andem higithogo ambisangma at oba ogo hilingfeino aro.

YEHEZKIEL 5:6

Oba nen Yerusalem en An nawene melalek a'nogo obokhogo herakfisikhemo re, it ap inunggulenu amu mene nen weak hilingiri'lagwi mene andoma re we endep hak hilingik kwelek, at enek he mondok hokhorogo wene oak sagalhu werek, andi nen negara ekhe it inera'lukwe maserogo werek mene andoma nen holi'lagwi lek mene andi re we endep hak hilingik kwelek, aren aniniba weak mondok hokhorogo hilingiti logolik An nawene melalek omanogo hologo hilingitu aple ogore abit mondok werego,” ikhe.

DANIEL 5:22

A'nogo meneat he, at amlogo noe hat Belsyazar en he, wene andi mondogat helu logolik meneat he, hendawinggen sebel fakhugu aplere mondogat habit welagen andi.

BILANGAN 14:27

”Afuni inobabut weak mondok hilingitarek mene o andoma nen An na'mage lagauwageluk, yigini'mo yoma ninabire, iluk inenggi miren oba nen yaganeti logogun nogo. Iren, nabire, iluk inane yi'nogo ti'nogo yaganeri'lagwi mene andi An arat nesanggo holhi o.

ROMA 2:4

”At Allah obabut fano mondok, enago lioksek,” iluk, hinendawimo sebelfikhi lageba? Hit hinendawimo nen he, ”Allah obabut fano nen nit weak hilingiti lago mene herakfisaluk ninobabut hebelasuageluk, ninendawimo kagalherek,” iluk hinonggot nogo? Hinelu aro.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.

YAKOBUS 4:10

Ninoe Enupogot awe a'ma kuluk hinendawinggen sebelogo logogun halok he, aren legeisogo hinobagagin aro.

1 PETRUS 5:6

A'nogoat, Allah nen hobuk hinenuwerek menhinobagauwageluk, yogondak ya hinonggwaregen fogerakhigi'lek, at enggi omame werek mene awe a'ma kuluk hinendawinggen sebelogo logolik hilingiti logoino o.