KELUARAN 1:7 - Allah Wene Fano Wene Hupla Inane7 A'nogo wa'larik lagaukwa meneat he, afuni Israel mene nen taginafukwa mene inombalak inebe mondok hokhorogo ta'larik lagunem he, inebe weak-weagat sik-pik ikhi lagaukwa. Inebe a'nogo hokhorogo hilinglagaukwa andi nen, o Mesir oba andoma it enek saga ikhi logolik inomame agaukwa. အခန်းကိုကြည့်ပါ။ |
KELUARAN 1:7
29 ပူးပေါင်းရင်းမြစ်များ
A'nogo elalinafikhesik, Allah nen fanot fisikhi logolik, mel yagaisasikhe: ”Hiren taginabugun mene o yi awi ti awi eise asimbik it inenggiba logouwageluk, hinebe hokhorogo sik-pik ikhi logolik yi ikan ti ikan inom, yirue-tirue inom, yi mene ti mene ekhe eil ena mene ekhe eil polok mene mondogat hit eise logoino o.
An nen hobugalep hokhorogoat fanothafik, haren tagongge mene inebe hesagal pogoroba hokhorogo welagarek andi hangge inom, i al i laut yenggelek era'lukwe welagarek andi hangge inom, mondok sik-pikhogo hilinglasuageluk hilinghafik, iren tagomangge mene o inaselei mene welagaikharekwe andoma mabenetfisaluk logouwageluk hilinginafik, igin o.
Andoma herakfisaluk at higilogo o ale'ma asi lagaikhesik i mogo henaganek mene ekhe habulhikhe. Habulhikhemo nen attak hilinglagaikhe a'nogo hakhogo hilingitukwa le'ma aren ikhi logolik he, ”Yogondak nit Nineisena Tuhan nen seleget ninobagaikhemo o kweang yomaba logolik ninenggi werek hilingninobagali'lago,” iluk i mogo a'nogo nit ninaneba, ”Lologo” u hak Rehobot salhikhe.
Hat hamlogomi inom, hombawi inom he pogoroba hesagalenggen hokhorogo werek andi hakhogo wokhetik, nen haren tagomangge mene inoba kweang yi abirengge it wogisigik, igin. Nen at Abraham An nane holfuluk nawene melalek inom, yi'nogo hilingi'no ti nogo hilingi'no iluk melalhu mene inom, tiphogo hilingiti lagaikhemo at alisikhogo re hat fanot hobagagin. A'nogo hilinghafunem neambik, it yi afuni ti afuni inunggulenu lombogen yaganeti logolik he, Abraham Ishak inombawi fanot fisikhi lagagin hak, nirogo higithogoat fanotninabin iluk yaganesugun,” iluk yagatikhe.
Haren tagongge re, wul al kweangma hokhorogo welagarek andi hangge hilinglasugun. A'nogo hilinglasimbik, o unggut poikwe-maikwe elikwe yikwe it mondok wialarik laga logogun. Wialarik laga logolik, hat hebe inom, haren tagongge mene inom, hit hinoba nen afuni inunggulenu lombok mondogat An nen fanorinafi logogin.
A'nogo wo'narek nikhi logolik, ebe malaikat higit a'lugen, an nebe weaget nabuhak were'ma telnafi lagaikhe andi. Ma re, Arenat yenggerugwi yi fanorinafi logouwago. Yenggerugwi yi inalisikhogo re, an nenu inom, Abraham enu inom, Ishak enu inom, ugu mondok logouwak. It inombalagen tagongge mene inebe kweangma o yi awi ti awi mondok hokhorogo sik-pik imbik logouwak,” iluk yagatikhe.
A'nogo fanotnobagakhi logolik mel yaganetikhe: ”Haren tagongge mene inebe mondok hokho asimbik, inunggulenu hokhorogo hilinglagik, hombalak hokhorogo ta'lagik, ikhi logouwageluk wokheti o. Nen, o yoma haren tagongge mene nen eise asimbik femhogo logoinogen iluk wokhesigin aro, iluk yaganetikhe,” iluk yagatikhe.
An nen i wanhirik hamep hebene omanogo sobalogo pugunhogo hobagasigi. Hebene re zaitun amusuba yugulhobagasigi. Kweang oba yago mene muli fanorogo wiliferek hak hat hebere An nen andi higit kulhafigi. Hat hebe re weak-weagat halue agik, hoba ou legengge welagik, hele tugum ebe mene hilinglagik, isigin. Heilak mene arat tugetik hawagik, hesi uan agik isigin, oba nen he hebe halfulukwa kogouk welagagin. Andi nen ekhe sambul laga logolik kwelakheasigi re, hat hebe ap faget hendawinggen nunggunem hilingik were'ma heasigi. Andi nen he An nen nasu jubah su a'nogo hat halfulukwa welagen mene a'nogo yanggulogo labet hobagagik, An nen hat hoba nendawi hundik hilinghafirek mene faget wene wathetik, isigi. A'nogo hilingitigisik he An nen hat wokhafi lagi iluk wene wathigisik, hat hebe re An nonggwarek nangge mene hilingisogo hobagasigi. Iluk An Tuhan Lego Mondok welagirek mene a'nogo nen nane mondogat igi.
A'nogo fugunem he, hit hinebe lombogen, nineisena Tuhan Allah eilhanem yi'nogo yagati logogun: Allah Henupogot mene neisena. An nomba ebe o Aram mene yi, at awi o ekhema lagik-ekhema lagik hilingirik nikhi lagaikhesik, o Mesir fano logogun iluk againafuri woginarek lagaikhe andi. A'nogo lagaikhe andi, inebe we endebat lagaukwa meneat he, hobuk inunggulenu hokho agik, inomame hokho agik, inebe sik-pik igik, isukwa andi.
ကြော်ငြာတွေ