KELUARAN 1:22 - Allah Wene Fano Wene Hupla Inane

²² A'nogo hilinglagaukwama, at raja Firaun nen he, afuni Mesir mene mondogat inoba yi'nogo yagaisasikhe: ”Afuni Israel mene inomalik ta'lagu halok, abengge halok he, i Nil ima lakfisikhi logolik, helengge ta'lagu halok he, inanum palinafunogo,” iluk yagaisasikhe.

KELUARAN 1:22 ပူးပေါင်းရင်းမြစ်များ

KEJADIAN 41:1

Tahun pire arat welagaukwasigen, at raja Firaun ebe i Nil era'lu mendek were'ma abi hasikhe.

MAZMUR 105:25

At Allah nen he, afuni Mesir mene nen Allah againafuri mene inabiret fisaluk, lalinafi logouwageluk inendawimo hilingfisasikhe.

KELUARAN 1:16

”Hit hemi Ibrani mene ineagwi takhugunem leberisikhi logolik he, yi'nogo hilingiti logoino: Omalik ap ta'lagu halok inoati logolik, hemi ta'lagu halok ineluk herakfisikhi logoino,” iluk yagaisasikhe.

KELUARAN 2:6

Yagatikhemo pisikhesik, wogosi wagaikhemo, at raja a'logo a'nogo nen mul elonggoma a'nogo healogo kwelakhasikhe re, omalik a'nogo le agaikhe. A'nogo le agunem eilenggen hasikhesik he, endawi agaikhemo mel isikhe: ”Omalik yi afuni Ibrani mene inamlogo o,” iluk isikhe.

AMSAL 1:16

It he weak hilingiti'legengge yamukhogo logou re inabit. Iren anggagarek he weak-weak ferekhogo nek inoa'lo anggagarek.

AMSAL 27:4

Wene wenagisagarek mene andi re inanini agunem weagarogo fisagarek, oba nen it ekhe fanore'ma isaluk ina'makwe het-pet agarek mene andi nek he sa nen sebelu hak nogo?

AMSAL 4:16

It ap inobabut weak mene andi re iren weak ekhe hilingiti'lek halok he, hup nogo u lek hak. Iren ap amu mene ekhe weagerinafi'lek halok he, nogo ineil agarek lek.

KISAH PARA RASUL 7:19

Logolik he, afuni nit mene ninombalak omanogo lalinafik, yi enggin ti enggin hilinginafik, ikhi lagaikhe. A'nogo ikhi logolik inagainafuri ket tago mene ineluk logoinogo iluk, wa'lasuagen enda'ma wulakfisani, iluk ane ninghogo yagaisikhi lagaikhe.

IBRANI 11:23

At Musa ogo re, eisena agaisa inendawinggen Allah oba himbiret fuluk welagaukwa andiba, Musa ebe tatukwasik kumuthasukwa re, omalik ebe fano mondogen, at ap kain andoma mene nen wene wulafikhe mene inailo legat omalik tago andi hinakfesukwasik werek kwelek he, tugi henagan folelhikhe.