KELUARAN 1:14 - Allah Wene Fano Wene Hupla Inane

¹⁴ Inebe yi enggin ti enggin hikhi logolik, inendawimo mondok weak asuageluk a'nogo hilinginafi lagaukwa. Inebe inendawi isigi'legat, yabu mondok enggin mene o wutik, yabu wanhik, ikhi logouwageluk inane mondok ninghogo yagaisikhi lagaukwa andi.

KELUARAN 1:14 ပူးပေါင်းရင်းမြစ်များ

KEJADIAN 15:13

A'nogo ailo agaikhesik were'ma, Tuhan nen he, wene mel yagatikhe: ”Haren tagongge mene re, afuni ekhe inaiba laluk inebe andoma logolik, afuni inawiwerek mene andoma nen inamingmingengge hilinginabimbik he, 400 tahun yi enggin ti enggin hilinginafi logogun a'naga hendawimo eberek logoino o.

1RAJA-RAJA 12:14

Wene it ap alage nen yagatukwa higithogo yagaisikhi logolik he mel yagaisasikhe: ”An neisena nen yabu enggin mene hinoba fikhi lagaikhe mene andi endebat se hangge meneat he, an nen enek he, enggin mondok hokho mene hinoba fikhi logogin o. Nen, aren yei posiemanggen we meneba lambisogengge misigam oba hinoati lagaikhe meneat he, an nen yei posiemanggen alok werek meneba nenggi ekhe inom hogoat hinoati logogin o,” iluk yagaisasikhe.

MAZMUR 129:1

Samban uogeluk wuni warik lagakhi lagaukwa mene. Israel yei, hat hebe sougeba nen engge, it haselei mene nen hoba enggin-fenggin fikhi lagaukwa mene a'nogo yaganisan o.

MAZMUR 68:13

”It raja-raja omanogo inom, ap sikhe fisogo mene esa logalek omanogo inom he heise wulifarek!” It he sue merpati nen tarogo lagarek higit lagaikharek. Nen, it hemi oloba werek mene omanogo nen he, it a'nogo heise laga logolik inangge herakfisaluk lagaikharek mene emas, perak omanogo sumbut sambathogo helagarek. It inebe hokhorogo weim yabi lagaikharek lek oba nen, Allah againafuri mene omanogo inebikhit inomame agaikharek.

MAZMUR 81:6

Aren it afuni Mesir mene inom weim yabigiluk laga logolik he, it afuni Israel mene faget Aren wene melalek ekhe menfesikhe. An nen he inane ekhe an ogo endep ekhe nonggot mene nesanggo holhigi,

KELUARAN 1:11

A'nogo yagaisasikhemo, afuni Mesir mene nen it Israel mene inoba enggin-fenggin fikhi logolik, yabu mondok hokhorogo hilingitunem ane ninghogo yagaisikhi logouwageluk menfisilik lagaukwa. Lagaukwama, o Mesir mene kota ekhe enu Pitom inom, Raamses inom, yi mene ti mene at raja Firaun faget fikhi logogun oba o hokhondek mene wutfisoageluk inane ning-nanghogo yagaisikhi lagaukwa.

KELUARAN 1:13

A'nogo inailo aga logolik, afuni Mesir mene nen it Israel mene inomamerogoat yi enggin ti enggin hilinginafi lagaukwa.

KELUARAN 1:15

Hobuk at raja Firaun nen hemi inebe pire mene Ibrani mene ineagwi takhugunem leberisikhi lagaukwa mene inenu Sifra inom, Pua inom mel yagaisasikhe:

KELUARAN 2:23

Tahun hokhorogoat welagaukwasik he, at raja Mesir mene a'nogo ebe arat wa'lagaikhe. A'nogo wa'lagaikhe meneat he, afuni Israel mene, it Mesir mene nen inamingmingengge hangge ferinarek logolik enggin-fenggin inoba fikhi lagaukwa andi nen, ”Allah nineisena, telninabin o,” iluk yagatu mondok welagaukwa mene andi, inane Allah were'ma lagakhi lagaikhe.

KELUARAN 6:9

Hobuk At Tuhan nen Musa mel yagatikhe:

AMSAL 28:15

Mene singa nen ane kouwarik lagarek hak, athe no beruang en muginarek lagarek hak, ap weak mene nen ferinarek logolik he afuni inenggi lek inelagaikhogo welagaikharek mene omanogo inoba lalfalhogo hilinginafu welagaikharek andi.

YESAYA 10:24

Tuhan Omame Mondok Hokho mene o Sion welagarek mene a'nogo nen he At againafuri inoba ikhi logolik mel ikhe, ”Afuni Mesir mene nen hit hinoba hilingfikhi lagaukwa hakhogo it Asyur mene nen inenggi omameba sebelhinarek logolik enggin-fenggin hinoba fili'lagwiba nen he, hiren it inoba hinailorinabu fugo.

YESAYA 14:6

wene palogo ap inunggulenu sebelogo fisili'lagwi mene omanogo inom, nen hundik-handik wiik weakhogo hilinginafu werek mene omanogo inom he Tuhan nen inomame mondogat leget fisikhe.

YESAYA 51:23

Enggin fenggin andi re, An nen it afuni hit sebelogo hinobagakhi logolik, kweangma weingla'ni o, iluk hit hinebe afuni kwe lagukwe hakhogo hilinghinobagaluk sibil-sebel hisikhi lagaukwa mene omanogo inoba fagain o,” iluk ikhe isikhe.

YESAYA 52:5

Yogondak An nen yoma ninggi'nogo mene hilingisigin he? Afuni Babel mene nen ogo hele warogo hinobagasukwasik hinoba wiik weakhogo hilinghinobagakhi lagaukwa. Iren hit sebelogo hinobagaluk wonoget fakhikhi logolik hundik-handik An nenu mondok weak peakhogo hilingfikhi lagaukwa.

YESAYA 58:6

Lego! Inambe heang fuluk welagaikharek andi ebe An namolo mene re yi o: Ap enggin-fenggin inoba fisugunem werek mene andoma lologo fisigik, higithogo hilingitu le'ma anggolo hurane hagarek mene andoma lologo fisigik, ap sebelogo ferinarek welagaikharek mene fikhalogo wulakfisigik, agarek mene andi nek he An namolo re andi o.

IMAMAT 25:43

Hit hinendawinggen Allah oba hinailorogo logolik, it afuni Israel mene nen hit hinoba onggo palinabuak anggugu halok he, hiren hinobabut haferogo hilingfisa fuk.

IMAMAT 25:46

Nen, hiren hinagainafuri inoba it inamingmingengge mene faget ineluk logolik andi re inamingmingenggeat logouwageluk inalolegengge wogisagarek a'nogo hakhogo inoba fogoin fano. Oba nen he hit-hit afuni Israel mene halok he hiren hina'mageba hilingfisa fuk.

IMAMAT 25:53

A'nogo hilingisigin andiba re, at a'nogo ap tahun misik oba yabu hilingitunem onggo wogisugu mene hakhogo asumo, it inogogwi nen ina'mageba hilingisugun lek.

MIKHA 3:3

Hiren he it inagap sapuk-sapakhogo heligik, inoak wolelenggen tagalogo fisigik, nen wam palogo belanga elema kwelafarek hak it inebe kirigi-kurogo liakfuluk, afuni an nunggulenu mene andoma inebe ninggi lagep.

NAHUM 3:14

A'nogo hilingik enggere hit hinebe hukhinabi wesugun sambul andoma faget he hinagai nunggu mene hinagaisogo fakhambik logoino. Nen, hinawi oak liabek mene andoma omameratik, Kweang tangge mene hineisogen puselfuluk, helep hakhogo weragaisogo fougeratik, ino.

BILANGAN 20:15

Nit ninambu ninombalak o Mesir andoma lagaukwasik tahun hokhorogoat welagaukwa. A'nogo were'ma, afuni Mesir mene nen ninambu ninombalak andi mondok weagerinafi lagaukwasik nit a'nogoat weaget ninaabi'lagwi.

KISAH PARA RASUL 7:19

Logolik he, afuni nit mene ninombalak omanogo lalinafik, yi enggin ti enggin hilinginafik, ikhi lagaikhe. A'nogo ikhi logolik inagainafuri ket tago mene ineluk logoinogo iluk, wa'lasuagen enda'ma wulakfisani, iluk ane ninghogo yagaisikhi lagaikhe.

KISAH PARA RASUL 7:34

An nagainafuri afuni o Mesir mene nen yi enggin ti enggin hilinginafunem neilenggen isigik, inendawi ane ugunem nesanggo holhik, ikhi lagarik he, an nen telinabigeluk nebe pi wagi o. Halok, an nen hat yogondak o Mesir lakhobagaigen eme o, iluk yagatikhe.

ULANGAN 26:6

A'nogo hilinglagaukwama, hobuk afuni o Mesir mene nen nit weak mondok hilingninafi logolik, ninebe inamingmingengge higit hilingninobagaluk, yabu mondok hokhorogo hilingiti logouwagaluk inane ning-nanghogo yaganisikhi lagaukwa.

ULANGAN 4:20

A'nogo meneat he, hirenek he, o Mesir en yi enggin ti enggin mondok weak hikhi lagagip oba andoma nen telhinafikhesik, hinebe yogondak At onggwarek againafuri welagep andi hakhogoat logoubagaigeluk, o andoma nen wokhinarek wulibi wagaikhe andi.

RUT 1:20

A'nogo isukwama, at Naomi nen he, ”Nendawimo hai higirek mene u hak, an nenu Naomi iluk yaganeti logogubo. An he, Nineisena Allah Omame Mondok Hokho mene a'nogo nen he, nendawimo mondok alepalerogo hilingisogo nobagaikhemo wagi andi nen he, nenu Mara iluk yaganeti logoino.