KELUARAN 1:13 - Allah Wene Fano Wene Hupla Inane

¹³ A'nogo inailo aga logolik, afuni Mesir mene nen it Israel mene inomamerogoat yi enggin ti enggin hilinginafi lagaukwa.

KELUARAN 1:13 ပူးပေါင်းရင်းမြစ်များ

KEJADIAN 15:13

A'nogo ailo agaikhesik were'ma, Tuhan nen he, wene mel yagatikhe: ”Haren tagongge mene re, afuni ekhe inaiba laluk inebe andoma logolik, afuni inawiwerek mene andoma nen inamingmingengge hilinginabimbik he, 400 tahun yi enggin ti enggin hilinginafi logogun a'naga hendawimo eberek logoino o.

1RAJA-RAJA 12:14

Wene it ap alage nen yagatukwa higithogo yagaisikhi logolik he mel yagaisasikhe: ”An neisena nen yabu enggin mene hinoba fikhi lagaikhe mene andi endebat se hangge meneat he, an nen enek he, enggin mondok hokho mene hinoba fikhi logogin o. Nen, aren yei posiemanggen we meneba lambisogengge misigam oba hinoati lagaikhe meneat he, an nen yei posiemanggen alok werek meneba nenggi ekhe inom hogoat hinoati logogin o,” iluk yagaisasikhe.

2 TAWARIKH 10:11

An neisena nen hit hinoba re kombi ugu meneba fe'nengge hinoati lagaba nen, an nen he, posiemanggen kombi aik mondok ngili-ngelerek meneba lambisok hinoati logogin o!” iluk yagaisano, iluk yagatukwa.

MAZMUR 105:25

At Allah nen he, afuni Mesir mene nen Allah againafuri mene inabiret fisaluk, lalinafi logouwageluk inendawimo hilingfisasikhe.

KELUARAN 1:14

Inebe yi enggin ti enggin hikhi logolik, inendawimo mondok weak asuageluk a'nogo hilinginafi lagaukwa. Inebe inendawi isigi'legat, yabu mondok enggin mene o wutik, yabu wanhik, ikhi logouwageluk inane mondok ninghogo yagaisikhi lagaukwa andi.

AMSAL 28:15

Mene singa nen ane kouwarik lagarek hak, athe no beruang en muginarek lagarek hak, ap weak mene nen ferinarek logolik he afuni inenggi lek inelagaikhogo welagaikharek mene omanogo inoba lalfalhogo hilinginafu welagaikharek andi.

IMAMAT 25:43

Hit hinendawinggen Allah oba hinailorogo logolik, it afuni Israel mene nen hit hinoba onggo palinabuak anggugu halok he, hiren hinobabut haferogo hilingfisa fuk.

ULANGAN 4:20

A'nogo meneat he, hirenek he, o Mesir en yi enggin ti enggin mondok weak hikhi lagagip oba andoma nen telhinafikhesik, hinebe yogondak At onggwarek againafuri welagep andi hakhogoat logoubagaigeluk, o andoma nen wokhinarek wulibi wagaikhe andi.