KELUARAN 1:12 - Allah Wene Fano Wene Hupla Inane

¹² It afuni Mesir mene nen yi enggin ti enggin a'nogo hilinginafi lagaukwa meneat he, afuni Israel mene inebe mondok hokhorogoat wialarik lagunem, o Mesir yi awi ti awi andoma it mondok saga isukwama, it afuni Mesir mene nen Israel mene faget inailo aga lagaikhe.

KELUARAN 1:12 ပူးပေါင်းရင်းမြစ်များ

KEJADIAN 46:3

A'nogo yagatikhemo, at Allah nen he, ”Hat heisena nen foge'nafi lagaikhe a'nogo Allah nebe Anaro. Haren he, O Mesir lagain nailo, iluk anggagun. Lano aro. Andoma lamo an nen haren tagongge mene inunggulenu mondok hokhorogo asuageluk hilinginabigin aro.

NEHEMIA 9:23

Haren iren tagomangge nit nineisenalak mondok hokhorogo, hesagal pogoroba welagarek andi hangge hilinginafigin andi. Haren he, ninombawi yagaisikhi logolik, o andoma hit wokhisagain o, iluk wene warisasigin mene andi, ebe o yoma logouwagaluk arat wogisasigin andi.

AYUB 5:2

We ap mondok kembu mene nek he, inendawi ou ikhi la'luk wa'lagaikharek andi.

MAZMUR 105:24

A'nogo were'ma, Allah nen he, At Yusuf againafuri inebe hokhorogo hilingisogo fisigik, it inaselei mene inomame weregat meneat he, it inoba nek he inomame hokho mene hilingfisigik isikhe.

MAZMUR 107:38

At Tuhan nen, it inagainafuri hokhorogo wogisikhi lagaikhe. Inanggo lek agi'lek logouwageluk, eagwi sik-pikhogo wogisikhi lagaikhe.

KELUARAN 1:20

It hemi omalik tatunem leberisikhi lagaukwa mene andi, Allah inailorogo hilingiti lagaukwa andi nen, Allah nen inebe fanorinafik, iren tagongge mene wogisigik, ikhi lagaikhe. Nen, afuni Israel mene ogore, inebe mondok hokhorogat aga logolik, inomame hokho aga lagaukwa.

KELUARAN 1:7

A'nogo wa'larik lagaukwa meneat he, afuni Israel mene nen taginafukwa mene inombalak inebe mondok hokhorogo ta'larik lagunem he, inebe weak-weagat sik-pik ikhi lagaukwa. Inebe a'nogo hokhorogo hilinglagaukwa andi nen, o Mesir oba andoma it enek saga ikhi logolik inomame agaukwa.

KELUARAN 1:9

Ferinarek logolik aren mel yagaisasikhe: ”Afuni Israel mene andi inebe hokho aga logolik, inomame mondok hokho hilinglagaikhasik nit ninomame it ninom higit mondok le'ma re, nit mabenet ninabu hak ari'lago.

AMSAL 21:30

Inelu agarek mene inom, inungguloak kagalek mene inom, inobabut hebelek mene inom, andoma re Tuhan inom eilhogo logogun halok he andoma ekhe logogin mondok lek.

AMSAL 27:4

Wene wenagisagarek mene andi re inanini agunem weagarogo fisagarek, oba nen it ekhe fanore'ma isaluk ina'makwe het-pet agarek mene andi nek he sa nen sebelu hak nogo?

YOHANES 12:19

A'nogo wulibi wagaukwa andi nen, it ap Farisi mene it-it wene ikhi logolik he, ”Yethani! Yi afuni ti afuni mondogat, at ombo'ne mondok lili'lagwi andi nen he, niren hilingiti lago a'nogo hilingitunem ninane ebe asigin anggikhi lageba? Mondok lego,” iluk isukwa.

ROMA 8:28

At Allah endawimo anggaluk nit ninayonggo fesikhesik, nit at ebe ninendawi welago mene halok, at ninom logolik, yi mene ti mene fano asuageluk, hilingnisili'logo ninelu o.

ULANGAN 26:5

A'nogo fugunem he, hit hinebe lombogen, nineisena Tuhan Allah eilhanem yi'nogo yagati logogun: Allah Henupogot mene neisena. An nomba ebe o Aram mene yi, at awi o ekhema lagik-ekhema lagik hilingirik nikhi lagaikhesik, o Mesir fano logogun iluk againafuri woginarek lagaikhe andi. A'nogo lagaikhe andi, inebe we endebat lagaukwa meneat he, hobuk inunggulenu hokho agik, inomame hokho agik, inebe sik-pik igik, isukwa andi.