KELUARAN 1:11 - Allah Wene Fano Wene Hupla Inane

¹¹ A'nogo yagaisasikhemo, afuni Mesir mene nen it Israel mene inoba enggin-fenggin fikhi logolik, yabu mondok hokhorogo hilingitunem ane ninghogo yagaisikhi logouwageluk menfisilik lagaukwa. Lagaukwama, o Mesir mene kota ekhe enu Pitom inom, Raamses inom, yi mene ti mene at raja Firaun faget fikhi logogun oba o hokhondek mene wutfisoageluk inane ning-nanghogo yagaisikhi lagaukwa.

KELUARAN 1:11 ပူးပေါင်းရင်းမြစ်များ

KEJADIAN 15:13

A'nogo ailo agaikhesik were'ma, Tuhan nen he, wene mel yagatikhe: ”Haren tagongge mene re, afuni ekhe inaiba laluk inebe andoma logolik, afuni inawiwerek mene andoma nen inamingmingengge hilinginabimbik he, 400 tahun yi enggin ti enggin hilinginafi logogun a'naga hendawimo eberek logoino o.

KEJADIAN 47:11

A'nogo yaga'luk wulibi wagaikhemo, at Yusuf en eisena inom, agaila'lak inom, o Mesir logouwageluk fisasikhe. Andi re, at raja Firaun nen isikhe higithogoat, o kweang ekhe mondok fanoma o kota Rameses era'lu andoma it eise logouwageluk wogisasikhe.

1RAJA-RAJA 9:19

nen o kota-kota ekhe yi mene ti mene nunggu mene foukhogo fugukwe andoma inom, nen aren mene kereta inom, kuda inom, weim yabi laga logolik amboloba lagaluk lagaikharek mene andoma fuguba faget inom, wutikhe. Aren he, o Yerusalem oba andoma wusigin iluk endawimo ebetikhe mene inom, yi kwe ti kwe wilayah aren sebelek welagaikhe kwe inom, wusigin anggasikhe mene omanogo mondogat wutikhe.

2 TAWARIKH 16:4

A'nogo lakfesikhemo re hun Benhadad a'nogo nen he aren ikhe mene andi fano anggasikhesik he, agoromi it tentara inogogwi perwira omanogo inomen he o it afuni Israel mene werekwe kota omanogo pin kuageluk yagaisasikhe. A'nogo yagaisasikhemo it omanogo nen ikhi logolik he, o Iyon, Dan, Abel-Bet-Maakha inom, o it afuni inunggulenu Naftali mene nen inangge yi mene ti mene kabogera waga lagaukwaba kota omanogo inom, mondogat inalong legaphogo fisasukwa.

2 TAWARIKH 8:4

o leimo ekhe kota enu Tadmor a'nogo omamet figik, hilingfesikhesik he yi mene ti mene foukhogo werek oba iluk o Hamat andoma wutikhe.

MAZMUR 105:13

Afuni inunggulenu ekhe mene inoba nen he ekhe mene inoba lagik, ya hokhum ta hokhum nikhi logolik, yamukhogo welagi'lek nikhi lagaukwa.

MAZMUR 129:1

Samban uogeluk wuni warik lagakhi lagaukwa mene. Israel yei, hat hebe sougeba nen engge, it haselei mene nen hoba enggin-fenggin fikhi lagaukwa mene a'nogo yaganisan o.

MAZMUR 129:2

”An nebe sougeba nen engge iren noba enggin fenggin fikhi lagaukwa, oba nen he iren an nomame leget nobagakhi lagaukwa lek,

MAZMUR 68:13

”It raja-raja omanogo inom, ap sikhe fisogo mene esa logalek omanogo inom he heise wulifarek!” It he sue merpati nen tarogo lagarek higit lagaikharek. Nen, it hemi oloba werek mene omanogo nen he, it a'nogo heise laga logolik inangge herakfisaluk lagaikharek mene emas, perak omanogo sumbut sambathogo helagarek. It inebe hokhorogo weim yabi lagaikharek lek oba nen, Allah againafuri mene omanogo inebikhit inomame agaikharek.

MAZMUR 81:6

Aren it afuni Mesir mene inom weim yabigiluk laga logolik he, it afuni Israel mene faget Aren wene melalek ekhe menfesikhe. An nen he inane ekhe an ogo endep ekhe nonggot mene nesanggo holhigi,

KELUARAN 1:14

Inebe yi enggin ti enggin hikhi logolik, inendawimo mondok weak asuageluk a'nogo hilinginafi lagaukwa. Inebe inendawi isigi'legat, yabu mondok enggin mene o wutik, yabu wanhik, ikhi logouwageluk inane mondok ninghogo yagaisikhi lagaukwa andi.

KELUARAN 2:11

A'nogo salhikhemo, at Musa arat alue agaikhesik he, afuni at unggulenu mene yabu mondok enggin mene ning-nanghogo inoba fesukwama hilingitunem eilenggen isageluk lagaikhe. Lagaikhe hak he, ap Mesir mene nen ap Ibrani mene watunem eilenggen hasikhe.

KELUARAN 3:7

A'nogo salhikhemo, At nineisena Tuhan nen he, mel yagatikhe: ”An nagainafuri afuni Mesir mene nen inamingmingengge higit ferinarek logolik, yi enggin ti enggin hilinginafunem telinabuageluk nayonggo fugu mondok welagaikharek andi, An arat neilenggen isigik, nesanggo holhik, igi o. It yi enggin ti enggin hili'lagwi andi An mondogat nelu o.

KELUARAN 5:10

At raja Firaun nen a'nogo yagaisasikhemo, afuni Israel mene yabu hilingitu kwelek, it kaindek Mesir mene ineyaga logouwageluk menfisasukwa mene inom, nen it afuni Israel mene inagoromi higit logolik, yi'nogo hilingisuok, ti'nogo hilingisuok, iluk ikhi logouwageluk menfisasukwa mene inom, inom wene a'nogo yagaisasikhemo, wulifukwasik he, afuni Israel mene mel yagaisasukwa: ”At kain nen he, hit helep fano ningsek logouwageluk engga puk engga mene inom werati lagep andi, engga afuni nen wogisugu kwelek hilingisugun mondok lego.

KELUARAN 5:15

A'nogo inoati lagaukwama, it ap omanogo raja oba wagaukwasik he, mel yagatukwa: ”Ninoe, haren yi'nogo hilingninafi logouwageluk hagoromi yagaisegen andi nenahalok?

KELUARAN 5:8

Mene re, attak-attak huli werati lagaikha andi hak werasugun o. Hobuk huli ekhe pelabi wesugun mondok lek, iluk yagaisano. It yabu hilingisu inabiren, An yaganeti logolik, Nineisena Allah obaget warogo nolesi louwogeluk yagahesi wago, iluk yaganetu mondok werek andi.

AMSAL 27:4

Wene wenagisagarek mene andi re inanini agunem weagarogo fisagarek, oba nen it ekhe fanore'ma isaluk ina'makwe het-pet agarek mene andi nek he sa nen sebelu hak nogo?

BILANGAN 20:15

Nit ninambu ninombalak o Mesir andoma lagaukwasik tahun hokhorogoat welagaukwa. A'nogo were'ma, afuni Mesir mene nen ninambu ninombalak andi mondok weagerinafi lagaukwasik nit a'nogoat weaget ninaabi'lagwi.

ULANGAN 26:6

A'nogo hilinglagaukwama, hobuk afuni o Mesir mene nen nit weak mondok hilingninafi logolik, ninebe inamingmingengge higit hilingninobagaluk, yabu mondok hokhorogo hilingiti logouwagaluk inane ning-nanghogo yaganisikhi lagaukwa.