IMAMAT 9:7 - Allah Wene Fano Wene Hupla Inane

⁷ A'nogo mondogat yagaisasikhesik at Musa nen Harun yagati logolik, ”Tuhan nen a'nogo hilingi'no ikhe higithogo, wam warogo nolhuba omanogo laluk inaweak leget fisoageluk nolhu mene inom, Tuhan endawimo agaiyeget fugu mene inom, hit hinaweak inom, it afuni mondogat inaweak inom Tuhan nen lek hilingisogo fouwageluk At ane ikhe mene higithogo fik-foukhogo hilingisi lano,” iluk yagatikhe.

IMAMAT 9:7 ပူးပေါင်းရင်းမြစ်များ

IMAMAT 16:11

At Harun nen wam sapi ai mene at onggwarek weak hilingite mene faget inom, againafuri weak hilingita mene faget inom, An nen horogo leget fisoageluk warogo nobagambik senggelogo fuluk,

IMAMAT 16:24

A'nogo hilingi'luk he, i ekhe kume ikhi logogun oba yenggelek oba obalik enekhogo hilingi'mo omanogo nen kume wa'luk he, onggwarek asu we mene labeti logouwak. A'nogo arat hilingi'luk he, at ebe wulibi we'luk, at onggwarek aweak hilingite mene faget inom, afuni Israel mene ekhe weak hilingita mene faget inom, An nen horogo legetfisoageluk, wam warogo nolneti logouwago.

IMAMAT 16:6

Nen, at Harun onggwarek weak hilingite mene faget inom, againafuri weak hilingita mene faget inom, An nen horogo legetfisoageluk, wam sapi ai mene misigat halok warogo An nolneti logouwago.

IMAMAT 4:3

Ap weak hilingitu mene andi re Imam Agung inoe a'nogo weak hilingitunem it afuni Israel mene inom at ombo'ne weak hilingitu halok, Tuhan nen aweak legaphogo fouwageluk aren wam sapi ai mene ket kotorek mene agap palek lek mene misik warogo Tuhan obaget fikhi logogin.

IMAMAT 8:34

Tuhan nen yaganisikhi logolik he, hiren yogondak hilingito mene andi re hobuk ogo a'nogo hilingiti logogun ikhe. Nen, a'nogo hilingisugun andiba re hinaweak lek hilingisogo hinobagagin.

IMAMAT 9:2

at Musa nen Harun yagati logolik, ”Sapi ket kotorek mene ai mene halok inom, nen domba ai mene ekhe inom pirenet agap oba agambut palek lek mene halok wanimbik he, sapi ai mene andi re hinaweak legaphogo fagain mene nen domba andi re warogo nolhu mene faget iluk ebe pirenet Tuhan wogo'ni.

IBRANI 5:1

It ap Allah eisewerek inogogwi kaindek inebe lombok andi re, afuni Allah againafuri nen, ap it mene ekhe Allah faget hilingiti logolik, it mene yi mene ti mene fugunem, Allah wogetik, weak hilingitarek mene faget inanggo waluk wagunem waretik, ikhi logouwageluk wenagaisogo menfisagarek.

IBRANI 5:3

It inonggwaregen weagat hilingitaresik andi nen he, it afuni ekhe weak hilingitarek mene faget inanggo helaluk wagunem, iren Allah waretarek andi hak, a'nogoat it inonggwarek faget inanggo Allah waresugun higithogoat waretarek andi.

IBRANI 9:7

A'nogo kwikhi lagaukwa meneat he, o senggelek ti'mo mene andi nek he, at Allah eisewerek inoe kain mene andi nek onggwarek weak hilingiti lagaikhe mene faget inom, againafuri Israel mene inobabut hebele'lek nong-hongsek weak hilingiti lagaukwa mene faget inom, inanggo warogo amep waluk, o mo lagagik, pigik, ugu kwelek tahun ebe lombok enggi misik faget kwikhi lagaikhe.

1 SAMUEL 3:14

A'nogo herakfisili'lago andi nen, An nen wene yi'nogo hombuk palogo mondok tekhogo igi. At Eli againafuri nen weak hokhorogo hilingiri'lagwi mene andi faget inanggo warogo nolnesugun halok ogo, at he, yi mene ti mene ekhe wo'nesugun halok ogo, sagalogo legetfisagain mondok lego, iluk hombuk palogo igi o,” iluk yagatikhe.