IMAMAT 9:4 - Allah Wene Fano Wene Hupla Inane

⁴ Nen ekhere iren sapi ai mene misik ekhe inom nen domba ai mene misik ekhe inom lambulogo ninobagauwageluk faget warogo wogosuak. Linggene yi sambul he Tuhan it elokhoma weinam asigin iluk he, pirenet engge andem amep lek mene inom, amusu yugulogo seberogo Tuhan hai warogo wogosuakhogo re, yagaisan.

IMAMAT 9:4 ပူးပေါင်းရင်းမြစ်များ

KELUARAN 16:10

A'nogo yagatikhemo, at Harun nen it inebe mondogat yagaisugu kwelek, it ineilenggen o leimo afuni le'ma higit yethasukwa re, nineisena Tuhan ebe ombak-bak ineilenggen silik-pabuk igin mene ohena elonggoma nen weinam agunem ineilenggen yethasukwa.

KELUARAN 19:11

Nen, age halok he, mondok tegelek oba logouwago. O andi sambul he, An nebe tom Sinai oba pi wagunem he, afuni mondogaren ineilenggen neogoin o.

KELUARAN 24:16

Salhikhemo At Tuhan ebe ombak-bak hokho meneba werek mene a'nogo tom oba pi wagunem he, afuni Israel mene nen he, endu tom punu ebeba nen amuilok ibilik werek mene hangge ineilenggen liakhasukwa. Inenggi falfaligen he ohena tom punu andi salek mondok welagaikhesik, inenggi ekhe sabit meneba re Tuhan ebe ohena a'nogo elonggoma nen Musa woletikhe.

KELUARAN 29:43

Andemen An nebe it inunggulenu Israel mene ninom ambi aga logogun, nen An nebe weinam agu mene naselek andi nen he, obalik andem mondogat horek mene hilingfikhi logogin.

YEHEZKIEL 43:2

andem en an neilenggen kwelakhasigi re, Allah Israel mene werek iluk enegenggerogo timur fikhiren selek hokho mene ombak-bak yararet hilik wagunem yethigi. Allah ane re i hokho mene eindep ane hak inom nen Allah aselegen kweangma mondogat ombak-bak etunem lia fiarogo selegeraterek a'nogo hak inom hilingitunem higi.

YEHEZKIEL 43:27

Linggene sabiren a'nogo mondogat hilingfuluk, inenggi wurep kobokhogo re it imam en obaget fugungge omanogo mezbah amboloba wam Tuhan agaiyek hoageluk mene inom, lambulogo fisoageluk mene inom, nolhi logogun. Andiba An nen he hit mondogat hinobaget nagaiyek hinoba fikhi logogin. Iluk An Tuhan Lego Mondok welagirek mene a'nogo nane mondogat yagaheti o,” ikhe.

IMAMAT 2:1

Ekhe inom ikhi logolik, ”Ap misik ekhe nen Tuhan hai wati logolik nunggu mene Tuhan faget fei wesigin anggaluk halok, fei wagu mene andi re tepung mondok fano mene zaitun amusu kweisalogo kemenyan amben fano mene ambolebene tamulogo fuluk fei waga logogin.

IMAMAT 3:1

Ekhe inom ikhi logolik, ”Ap misik mene ekhe nen Allah ninom sebesugun iluk sapi misik ekhe warogo fei wagu halok, sapi andi holou mene halok ogo ai mene halok ogo fano, oba nen he agap oba endephogo ekhe agambut palek lek mene halok.

IMAMAT 9:23

Andi nen at Musa inom Harun inom Tuhan Awi Sabu sale'ma a'nogo kwisukwasik wulibi waga logolik it afuni Israel mene a'nogo inoba fanot fisugu kwelek, it afuni Israel mene mondogaren a'nogo nen Tuhan ombak-bak selegeraterek mene a'nogo weinam asi wagunem hasukwa.

IMAMAT 9:3

Nen, it afuni Israel mene nen he kambing ai mene misik ekhe re inaweak legaphogo fouwageluk nen sapi eak ekhe inom, domba eak ekhe inom he wam ebe pirenet umur tahun misik oba mene halok, ebene agambut palek lek mene warogo nolesuageluk yagaisano.

IMAMAT 9:5

Yagatikhemo at Musa nen yi'nogo hilingisugun iluk yagaisasikhe mene a'nogo higithogo abirengge waluk o Sabu sale'ma solombonma a'nogo kabogesi wagaukwasik, it afuni omanogo mondogat Tuhan fogerasuogeluk andoma kabogetukwa.

IMAMAT 9:6

Kabogetukwama at Musa nen yagaisikhi logolik, ”Tuhan nen a'nogo hilingi'no iluk yagahisikhe andi re, hiren At ombak-bak selek mondogat logolik hinelokhoma weinam ari'lago a'nogo hineilenggen hoageluk yagahisikhe o,” iluk yagaisasikhe.

BILANGAN 14:10

A'nogo yagaisasukwama, it afuni omanogo ina'makwe het perisukwasik, helep oba tung-tanghogo inebe mondok pinggi inoasuogeluk isukwa. A'nogo isukwa meneat he, aremnogoat Tuhan ombak-bak fogeratarek mene o At awi su mene wuri'mo tum oba weinam agaikhesik yararet hasikhemo, it afuni omanogo ineilenggen yethasukwasik he, kamo isukwa.

BILANGAN 16:19

Andi nen he, at Korah nen agaila'lak andogerinafikhesik Tuhan Awi Sabu Solombonma omanogo Musa Harun inom inelokhe kwelabek logolik mendek welagaukwa. A'nogo mendek were'ma nen he ferekhogo aremnogoat it afuni ineilenggen werek kwelegat Tuhan aselek a'nogo ombakbaget hasikhe.