IMAMAT 9:10 - Allah Wene Fano Wene Hupla Inane

¹⁰ A'nogo hilingitikhesik Tuhan nen Musa yagatikhe higithogo wam a'nogo asei inom, amuanggo inom, asimogol oba fano mene omanogo inom mondogat he mezbah amboloba omanogo nolhukwa.

IMAMAT 9:10 ပူးပေါင်းရင်းမြစ်များ

MAZMUR 51:17

Neisena Allah, an naneba fogethafi logoigen he, Haren an nambe hutfein o.

KELUARAN 29:13

Andi hilingfuluk he, sapi andi amian sei inom, elonggomangge huli'lip sek mene inom, amuanggo enggen pire mondok fanongge andoma inom, waganogo mezbah amboloba fuluk endu nologo An wo'nesigin.

AMSAL 23:26

Namlogo e! Hendawinggen oba nen an hilingitirek mene fanorogo futfuluk, an nobabut waganogo hilingiti logoino.

YESAYA 53:10

Tuhan nen anggikhi logolik, at enggin-fenggin hoak iluk anggasikhe, nen nit ninebe mondogat ninaweak hosuageluk wam warogo nolharek hak At ebeat wasuak anggasikhe. A'nogo hilingite andiba at umur uanhogo logolik at ambisangma nen tago mene eilenggen isagain, at oba nen he Tuhan endawimo anggasikhe mene a'nogo mondogat higit aga.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

IMAMAT 9:11

Oba nen he, wam a'nogo agap inom, eino inom enek he o sabu sale'ma omanogo abel endakwe fikhit andoma nolhikhe.

IMAMAT 9:9

Wat fesikhesik at Harun amlogomi nen wam amep a'nogo at Harun wogetukwama aren enggi tumen mep a'nogoba yugulhasikhesik mep a'nogo mezbah unggut 4 en hilingi'mo aremnogo ebene watfilik lagaikhe. A'nogo hilingfuluk amep fenakwe omanogobare mezbah erokwe kweisal isasikhe.