IMAMAT 8:1 - Allah Wene Fano Wene Hupla Inane

^1-2 Tuhan nen Musa yagati logolik, ”Harun inom at againafuri inom wolisaluk he, su it imam en labetarek mene inom, ap menfisikhi logolik amusu watfisagarek mene inom, inaweak leget fisoageluk sapi ai mene ket kotorek mene ekhe inom, domba ai mene pire inom, roti fiterek lek meneba hilingik mene si ugu misik oba kwalegengge inom, waluk wesuakhogo yagaisano.

IMAMAT 8:1 ပူးပေါင်းရင်းမြစ်များ

1 TAWARIKH 6:49

Allah amingmingengge Musa a'nogo nen wene yi'nogo hilingi'no, ti'nogo hilingi'no iluk melalogo yagatikhe higithogo, at Harun inom aren tagomangge mene inomen he amben fano mene dupa nolhik, wam warogo nolhuba mezbah omanogoba warogo nolhik, o Allah Awi wuri'mo Senggelek Mondok Hore'ma omanogo nen yi mene ti mene hilingitik, it afuni Israel mene inaweak horogo iluk wam warogo nolhik, a'nogo mondok hilingiti lagaukwa.

MAZMUR 99:6

At againafuri imam he Musa inom, Harun inom, nen at Samuel he Tuhan oba samban ikhi lagaikhe mene. It andem en he Tuhan enu hombuk palhunem, Aren ane onggo yagaisikhi lagaikhe.

KELUARAN 28:1

Wene ekhe yagati logolik he, ”Hat hoe Harun inom at againafuri Nadab Abihu inom, Eleazar Itamar inom wolisaluk he, iren An neilhanem hilingitu mene imam logolik an nobaget yabu hilingiti logouwageluk inamu penogo fisagain.

KELUARAN 28:41

Ik fuluk he su andoma hare Harun hinom at againafuri inom ikfisano. A'nogo hilingfisamo, iren An nobaget inebe penogo logolik imam asimbik logolik yabu hilingiti logouwagen he e zaitun amusu kweisalogo inebene yugulfisano.

KELUARAN 29:1

Wene yagaisikhi logolik he, ”It Harun inom at againafuri inom inebe imam An nobaget yabu hilingiti logouwageluk inunggul sebelogo menfisogoin he yi'nogo: Sapi ai mene ket kotorek mene misik ekhe inom, domba ai mene agambut palek lek mene pire inom waluk he,

KELUARAN 29:29

Su at Harun asu An nobaget hilingiti logolik labetu mene andi re, it againafuri inebe menfisikhi logolik iti logogun mene ikfisano.

KELUARAN 29:9

ban it inebeba puget fisigik, imbik he inunggulasu ogo inunggulmo puget fisagaino. A'nogo nek haren at Harun inom at againafuri inom menfisagain. A'nogo menfisamo re, it Harun ambisangma mene andoma re inebe An nobaget imam mendek logolik mondok-mondok hilingiti logogun.

KELUARAN 39:32

A'nogo hilingitukwasik he, yabu At Tuhan Awi Sabu a'nogo mondogat wutukwa. Nen it afuni Israel mene re, at Tuhan nen wene yi'nogo hilingi'no ti'nogo hilingi'no iluk Musabene nen wene melalogo yagaisasikhe mene a'nogo higithogo nek hilingitukwa.

KELUARAN 40:12

Andi mondogat hilingfuluk he, Harun inom at againafuri inom inebe mondogat O sabu solombonma andoma we'luk inebe horogo fakhikhi logouwak.

IMAMAT 7:38

At Tuhan nen it afuni Israel meneba wam warogo noluageluk o Sinai leimo nen, at Musa Tom Sinaiba nen wene melalek andi oba fesikhe.

BILANGAN 3:3

It inebe re imam mene logolik hilingiti logouwageluk amusu inungguloba warogo menfisasukwa.